《🍕意式美食+高質雪糕甜品🍨-PT.1》
應該幾年前喺圓方同一個位置食過一間主打Pizza🍕同疏乎厘班戟🥞嘅餐廳。執咗後原址開咗另一間，甜品選擇更加多，仲crossover DOLCI Gelato 做咗個icecream area，對於甜品控真喺一大福音🥰。
.
今次同一家人去，多人啲可以食多幾款嘢🤟🏻。前菜、主食同甜品都叫齊，幾本上冇一個環節令我哋失望，店員嘅服務仲要好貼心❤️，抵讚
.
📍意式芝士凍肉拼盤（$188）
Charcuterie Platter
凍肉拼盤一共有5款火腿🐷，口感柔軟帶鹹香，仲要每款俾足6塊，份量好佛心❤️ ，以呢個價錢嚟講真係好抵食。另外提供多士片🍞、2款芝士🧀、果仁、酸瓜、無花果乾同提子🍇做伴料， 真喺非常豐富。不得不提中間嘅藍芝士💙好好食，牛油般軟滑，而且味道唔會太濃好易接受‼️係第一次遇到我哋接受到，仲要食晒嘅藍芝士🥰！
.
📍煙吞拿魚腩（$168）
Japanese Free Range Egg with Smoked Tuna Belly
嚟到呢到冇理由唔點Pizza 🍕。呢款喺餐廳皇牌，落咗煙吞拿魚做餡料🐟，平日的確少見；味道微鹹帶煙熏香。另外加上蛋、菇🍄、水菜、七味粉、沙律醬做配料，蛋黃仲喺半流心🍳，食落感覺更濃厚，味道的確幾有驚喜😍。
.
📍黑安格斯肉眼扒（$288）
Black Angus Ribeye Steak
肉眼點咗3成熟，牛扒有一定厚度，賣相吸引🥩。切開顏色未算嫰紅，但估唔到食落有驚喜👍🏻。肉質軟嫰，外面煎到焦香邊位微脆。加上上層放咗一大片香草牛油🧈🌿食落更加香😋！旁邊仲有大量粗薯🍟，外層脆身中間軟綿。呢到嘅牛扒set值得一試！
.
📍紅桑子Oreo芝士蛋糕，榛子意大利雪糕（$72）
Oreo And Raspberry Cheese Delice
呢度嘅芝士蛋糕賣相完全係反傳統，估唔到呢兩條卷狀物就係芝士蛋糕嘅本體🍰😂，口感軟滑但係味道未算係好突出，中間有一大球榛子雪糕，賣相係整得幾靚嘅。
.
📍海鹽焦糖朱古力慕絲，糖脆花生，白朱古力泡泡（$72）
Salted Caramel Chocolate Mousse
草根一向唔太特別喜歡慕絲，但呢款我哋又覺得好有驚喜。Mousse分為2層，係朱古力🍫同海鹽焦糖味，口感細膩而且味道濃郁🤟🏻。上面配有一球花生雪糕，再加上脆糖花生粒🥜，食落更香又更好食😍。
.
P.s:好耐冇試過一次過喺餐廳食咁多嘢，今次講唔晒，聽日繼續講埋佢！😆Stay turned❤️
.
Cafe Deco Pizzeria (尖沙咀)
尖沙咀柯士甸道西1號ELEMENTS圓方火區2樓2133號舖
焦糖朱古力慕絲 在 Allie's private paradise: 焦糖朱古力慕絲蛋糕 的必吃
焦糖朱古力慕絲 蛋糕. 加個生日牌，祝哥哥生日快樂！^^ 焦糖朱古力慕斯蛋糕(6"蛋糕模) 朱古力消化餅底： 消化餅100g 黑朱古力30g 無鹽牛油20g 做法： 1)壓碎消化餅2)牛油 ... ... <看更多>