［今日玩呢哦］美國十隻白股！Yo！今日係我呢個Patreon一周年！講真，個Patreon取得咗胸前嘅成功！咁開心，就賀下佢。
TLDR：美國7500個分析員，入面有10個最準。每人有一隻top pick，所以就有10隻股票。我今晚就去照住買，睇下之後會點（應該，會輸死，但我只係買3萬蚊）。
＝＝＝＝＝＝＝＝＝＝＝＝＝＝
一週年！月頭訂最抵！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1800人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝
有錢，就係任性。今日玩嘅嘢，就係我會拎30000萬港紙，去買10隻垃圾美股，每隻3000！篇文入面有講係邊10隻，雖然你夠聰明應該可以搵得返出嚟，或者問我啲讀者可能都會有人話你知。但，我就係要打個格仔，增加啲神秘感。
買嚟做乜？冇，巴閉咯，英雄主義，錢多，身痕。講真的，我連嗰10間公司係做乜都冇睇，然後你睇到市值，有啲只係10億美金咁上下。完全唔係我作風，我就只係聽冧把。
冇錯，就係實驗下，到底就咁亂聽冧把買股票，會唔會都贏錢？又會唔會真係1隻贏嘅，夠我輸9隻？就做呢個實驗。咁當然係要真錢先好玩。3萬蚊，我輸得起！況且，應該唔會輸晒啩？應該。
講明先，跟唔跟隨你，但警告定你：首先，啲公司真係幾垃圾下，全部細公司。第二，根本我連啲公司做乜都唔知，亦don’t care，只係為咗寫文先搵啲資料。第三，我嗰3萬蚊係閒錢，我預會輸晒的。你輸幾千要叫救命嘅，就都係儲多啲錢，或者月供ETF算啦。
講返，咁呢10個冧把點嚟？都有個來歷，唔係馬騮掟飛鏢（雖然我有諗過試），亦唔係呀美國少年股神咁拎Scrabble抽字母，又唔係A-Z每隻買晒（都幾貴）。都有個來歷
事情係咁嘅，話說Business insider，有篇文，一貫佢地標題黨嘅作風。講話美國7500個分析員入面，最準嗰10個，呢刻佢地每個人嘅top pick，就有呢10股票。
咁你話，扯，我去睇Business insider咪得，使鬼睇你。冇錯係丫，但，訂Business Insider都要錢，我Patreon平啲，仲有我仲解咗一大輪嘢，再加埋平時一日一篇，再加埋過去一年嗰300篇，大把嘢
講返，我篇文除咗有呢10隻嘢外，仲有講一啲我最鍾意問嘅問題，最簡單但又你地唔去諗嘅問題。
例如，咩叫10個最準嘅分析員？點計出嚟？固然有系統track，但點計？又係咪有意思？有冇聽過，基金經理根本唔會理啲分析員目標價，準定唔準，甚至唔會理佢地叫BUY定SELL？根本唔係睇呢啲嘢（順帶講埋：所以有時傳媒走去研究啲分析員準唔準，亦係錯撚晒，根本唔係呢個重點）
咁另外，咩叫做佢地嘅top pick？例如我cover三隻股票，而家三隻都100蚊，目標價分別係200，150，120。係咪代表我心水一定係200？唔係咯。你不能只睇upside唔睇downside，況且，你有幾多機會掂到個best case？如果只講upside，咁人人應該買六合彩。
最後，成日講「目標價」，有冇諗過呢個詞語點解？定根本係廢話？定唔同人有唔同埋解？我以前請人都成日問啲小朋友。例如隻ASML而家800蚊，你目標價係1000蚊，咁下個月升到2000蚊，我係咪沽空？唔係嘅，咁咩叫目標價？定只係掂過就算中？咁如果有個分析員目標價係200蚊，然後隻嘢先掂2000蚊再跌落100蚊，佢個目標價又係咪中？定你先中？咁你話兩個都中，係咪即係廢話？
最後，我會講埋實際上我遇到嘅問題。會解埋點解係3000蚊。點解唔係更多？「因為冇錢」。但原本我想買少啲，不過3000係最低消費，你睇張圖都話到你知點解
仲有，我有睇埋啲公司幾多成交。對我冇分別，但對讀者有。之前寫過理文化工746，但我自己冇買，一早講明冇買亦唔會買。因為成交太少。我唔想有人覺得我買完然後沽畀你—就算讀者冇咁覺得，都難免有街外人覺得。幸好今次呢10隻公司，至少都千幾萬港紙成交一日，一般都成億，所以唔使陰謀論覺得我買咗然後唱好沽畀人。
最後，我有約略咁講呢10間公司做乜。但真係循例咋，講真，I couldn’t care less，擺明就係買冧把，唔好扮有任何分析。
最後頭盔，真係今晚買，但真係一日未買就係未買，可能今日忽然畀人打劫呢，可能因為啲咩原因買唔到呢？唔好到時又出嚟鬧。Best Effort了。正如我第時沽，應該會早一日話你知，但亦不能保證。可能忽然等錢用呢，可能就係爭嗰幾萬蚊呢。點知。
＝＝＝＝＝＝＝＝＝＝＝＝＝＝
一週年！月頭訂最抵！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1800人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝
scrabble 在 Scrabble - 首頁 的必吃
Scrabble 。 4081306 個讚· 550 人正在談論這個。 Bring your own words into play. ... <看更多>