［貨櫃車北上不可變作柯柏文 只想找個美少女 大結合］冇細睇，但，孩之寶（呢個中文名真係好）股價昨晚大跌。一跌就16%（收市都差不多）。差不多廿年以嚟最大單日跌幅。但你睇返之前股價是很強的
原因？好簡單，業績唔掂咯。公司除咗啤膠玩具，仲有好多東西。有動畫，有電影，有漫畫，有Board game（大富翁，RISK，Scrabble都係佢，因為Parker Brothers, Waddingtons都係佢公司），有泥膠Play-Doh。當然唔少係中國製造，但而家話搬廠了。
點解業績唔掂？因為關稅咯。講到明。而我唔明做乜有啲天才網友覺得 關稅係中國交（其實知唔知咩叫關稅），罰咗幾百億拎嚟津貼美國經濟發展，會令美國更強大，美國企業會唔受影響。
又，其實真係到而家都唔多明，我見美股啲業績對股價影響好大。唔止係講細價股，好大嘅公司都係。掉轉，你香港邊會見到中資銀行或騰訊或匯控出完業績插10%？原因我仲係唔知，可能美國公司保密做得好，可能沽空夠易。但總之係比較刺激，亦都比較多嘢好寫。
——————————————————————————————————
又，呢期真係極多嘢要寫。香港又多故事，美股又業績。都係嗰句，你嘅擊持係我最大動力。
嚟緊真係教你如何幫助小埃汾，仲會出助養計劃。我講真的，好撚認真。當然唔會要你好多錢。「七千個fans每人每個月畀一百蚊我我都發」。
但助養咗我有乜回報，我都未諗到。我又唔係海潮又唔係長腿叔叔山區少女。最多請你食餐飯，任你問嘢，乜都答。或者，畀你點唱，你決定寫乜。
scrabble game 在 Scrabble GO - Home | Facebook 的必吃
Scrabble, the world's greatest word game, is all new and reimagined as Scrabble GO, a free to play mobile game! More than just the game you know and love, ... ... <看更多>