😳😳巴黎Hea住遊行程😳😳
⭐️第一日⭐️第二日⭐️第三日⭐️
⭐️第一日:巴士底市集+遊船
第一日朝早到巴黎，坐左成晚機但係完全唔眼訓🙂🙂所以就去左巴士底市集，人都幾多👧🏻👨🏻👲🏾👩🏻👱🏻有海鮮蔬菜生果d賣🐠🐟🍉🍇🍓，仲有d小手信，
不過我咩都無買😳😳逗留左一個鐘左右，淨係買左雞脾同crepe食🍗🍗
早午餐:巴士底市集，2集雞脾+香蕉朱古力crepe兩個人share(唔記得幾錢啦😂10歐以內)
之後我地沿河邊行去遊船碼頭😳行左成個鐘，不過天氣好好，沿途睇下風景都ok😳😳
遊船時間一個鐘，經過景點會有中文廣播簡單介紹，不過超級唔建議中午市段去遊船，曬到我眼都睜唔開☀️☀️☀️😑😑😑除非你好鍾意同陽光玩遊戲😂😂😂😂😂
❤️遊船票我地係咩都有得買ge淘X網度訂，49人仔，去到先買要10幾歐，不過船上好多團客都係真
晚餐：Chez Gladines
餐廳唔算好大，感覺家庭式d，一開門已經好多人，過左一陣就full曬👱🏻👲🏾👳🏽👩🏻👧🏻
我食ge鴨脾味道幾好🍗🍗😋😋而且超級大份，一份主菜13歐左右，平時唔鍾意浪費食物ge我完全無辦法食得完😂😂😂😂😂
真心唔好諗住點前菜，因為真係好Q大份，我甜品都無食😂😂😂
地址:30 Rue des cinq Diamants, 75013
⭐️第二日:羅浮宮+凱旋門+香榭麗大道
朝早就衝去羅浮宮，去到9點幾開始排安檢，人龍睇落好長，不過都係大約排左20分鐘👳🏽👲🏾👧🏻👩🏻👨🏻入到去買飛排隊5分鐘😳
羅浮宮入面真係好多展品，不過對於無咩藝術感ge我就純粹行下，再搵d岀名ge作品睇😳😳中午一點就走左😂😂
聽人講有d人會睇幾日，不過原諒我就係咁敷淺😂😂😂😂
午餐：Leon de Bruxelles ( 主打食青口，好多分店，set lunch好似12蚊，不過味道一般般😂）
之後去左凱旋門，馬路中間個影相位人都唔係好多，不過要注意安全🚗🚕🚌🚎😳😳我地無上去凱旋門
由凱旋門行香榭麗大道，旁邊好多名店同鋪頭，有岀名ge甜品店😳😳
係度買左KUSMI TEA🍵🍵，鋪頭有兩層，樓上有得試飲，Sales姐姐服務態度好好😳😳
下午茶：Pierre Herme
兩件馬卡龍加一件cake，馬卡龍我從來都唔係特別鍾意，就算係法國食ge我都覺得一般般😂呢d高級野我真係食唔慣😂件cake好味不過好似要9.5歐😂飲杯茶都要8歐😂我就無飲野啦
晚餐：經過超級市場買沙律返酒店食😂(Sorry我地就係咁窮咁hea😂😂😂)
⭐️第三日： La Vallee Village Outlet
今日只有一個行程就係去outlet😳又可以買野好開心😁😁😁❤️❤️❤️
早餐：超級市場0.8歐牛角包😳
事前係網上訂左坐大巴去outlet，朝早係羅浮宮附近集合😳未夠鐘搭車我地仲係公園hea左陣😳😳😳⛲️⛲️⛲️車程一個幾鐘，去到11點左右無咩人，可以打斜行都得😂😂
晏d人慢慢多，不過都唔會逼😳😳行到下午4點就走啦😳😳都有d收獲，所以來到第二日已經無曬錢😀😀😀😀💰💰💰💰
牌子岩唔岩買就見人見志😳😳
送上官網大家參考：
https://www.lavalleevillage.com/en/home/
午餐：Outlet入面，Longchamp隔離餐廳😂食左個牛扒25歐，味道一般😂
晚餐：Le Bouillon Chartier
呢間餐廳係好多人去巴黎都會食，我地一開門就去，所以唔洗等位😳😳😳不過要搭枱，隔離枱情侶閃到我就來盲😎😎😎😎裝修真係有d懷舊feel幾靚😳😳我地走果時餐廳外面已經大排長龍😂😂👧🏻👩🏻👳🏽👲🏾👱🏻
點左蝸牛味道幾好，豬手都唔錯，甜品都正常，不過牛扒味道真係唔岩食😂😂覺得有陣怪味😂😂呢度消費係巴黎來講算平，8,9歐一個主菜🍗🍖🍤
地址：7 Rue du Faubourg Montmartre, 75009 Paris
😂😂如有錯漏，請指教😂😂
😂因為我真係太懶所以打住3日先😂
crepe cake中文 在 法式巧克力千層可麗餅蛋糕做法French Chocolate mille crepe ... 的必吃
Facebook:https://www.facebook.com/cuisinejuju準備食材：巧克力可麗餅面粉：190g可可粉：60g砂糖：60g雞蛋：4個牛奶：600ml奶油醬：奶油：300ml ... ... <看更多>