#小編去開房 之 半島酒店住宿體驗報告 IV
入到半島就好似入咗時間黑洞咁，24個鐘眨下眼就過去了，真係好唔捨得🥺
經過一晚，小編有少少嘢想補充既，就係房個廁所抽氣扇較為弱，如果放毒氣就可以要啲時間先散到😅，去Staycation就唔好搵成日放毒氣嗰啲人啦💁♂️（喂） 另外佢淋浴間係用比較舊式的開水方式，兩個開水制，一邊熱一邊凍，小編就覺得比較難校舒服的水溫🥶，需要啲時間，不過算係小事～
半島早在1928年就開幕，一路見證住香港的興衰。曾讀歷史的小編入住前都做咗少少功課，希望從另一角度感受半島🤓 半島俾人的感覺係典雅得嚟，又唔會好誇張好俗氣，係令人感到舒服的豪華感😌 半島內部其實都用咗唔少新古典及巴洛克風格裝飾，所以咁有歐洲感🥰
講少少半島歷史：當年九龍未開始發展，決定喺九龍開奢華酒店係一個好大膽的商業決定，有一段時間仲係九龍最高的建築物（指舊翼頭7層，7樓以上的新翼係1994年先起）！半島最後當然就證明到佢係十分之成功，成為長期名門望族，社會上流的集中地，以前的紅星如張國榮張曼玉都成日去食tea！也許就係呢個原因，令一般的香港人有種「半島只可遠觀」的感覺🧐
半島喺日本佔領時期更有一段時間係日軍總部，英國向日本投降時，都係喺半島簽投降書，小編特地去該房號的房間一轉，發現佢而家已經改建成一間普通的套房（都可能已經改建，該房未必係當時的英方投降地🤔）（感謝讀者指出小編錯誤） ，並無特別，所以唔需要特別去～😂 原來半島以前仲有一個好特別的地位：飛機上落點！😲
當年飛機未有咁發達，水上飛機仍然係主流，當時半島就係其中一個旅客抵港的上岸點啦～以前搭得飛機，都係好有錢的人🤑，所以都係半島有咁多有錢人出入的原因。位於30樓的China Clipper（以第一款抵達半島酒店的水上飛機命名）就係直升機候機室，小編膽粗粗上到去，發現有一個長廊展示以前水上飛機的物品，例如相、飛行紀錄冊、海報等，好似一個小型博物館咁！😳
呢個時候有職員嚟問有咩幫到手，小編就問可唔可以參觀下，職員回應話可以，小編就繼續去睇下當時的文物，每樣都好有歷史的痕跡，好珍貴😳 再行入啲就係直升機候機室，但小編唔係搭機都有啲唔好意思，冇逗留太耐就離開了～如果對飛行史有興趣都可以上30樓的長廊參觀一下～💁♂️
（另外仲有少少其他酒店部分的相，大家可以睇睇～28樓有個超靚的廁所！可以對住美景去廁所～🤩但廁所就唔方便影相，交俾大家去發掘啦～😎）
今次的住宿體驗，小編當然就俾100分啦！🤪 因為小編感覺係特別的，除咗歎、除咗食，仲有啲香港歷史相關嘅嘢睇到，開正小編嗰範！香港要搵間有歷史意義的酒店，真係少之又少，這也是半島的珍貴之處🤗
好多人問小編幾錢，其實半島一價包四餐的優惠開放咗3月的日子預訂，小編住間房平日賣$3,680+10，有興趣就可以睇睇～🤓
訂房網址：https://bit.ly/3pEx5lK
clipper tea 在 Clipper Teas - 首頁| Facebook 的必吃
Clipper Teas 。 191165 個讚· 48 人正在談論這個。 From everyday, green & infusion teas to coffee & drinking chocolate, our full range has only the purest... ... <看更多>