早幾日，我同大家分享過信報專欄【電子消費券派成績表】，提過財政司司陳茂波接受電台訪問時指，用八達通登記消費券嘅市民佔7成，數字反映咗市民對八達通嘅信心。我對於八達通成為電子消費券計劃嘅大贏家並唔意外，因為八達通服務香港近25年，其實市民早已習慣佢方便快捷嘅使用方式。
八達通透露，以八達通領取消費券嘅登記市民當中，超過七成使用者已用多過$2,000，而8月初至9月中錄得嘅日均零售交易金額，更為今年以黎嘅兩倍，日均交易次數亦上升咗1.5倍，其中以餐飲業、電器電子用品、超級市場及日常用品為市民消費較多嘅商戶。
八達通亦係今次電子消費券計劃期間，提供咗超過200款電子優惠券俾市民下載，希望達成「聯乘效應」，除咗希望「做大個餅」，亦令到市民能夠獲取更多額外優惠。八達通電子優惠券種類繁多、琳琅滿目，廣受市民歡迎。我都試過用優惠券買嘢同食嘢，覺得都幾方便易用，只要喺八達通App下載相關優惠券，就可以即開即用獲得額外優惠。截至9月中已經有超過400萬次下載啦。佢哋仲同一啲商場合作，買滿指定金額就可以享有唔同獎賞。
10月1日，市民就可以開始領取第二期電子消費券，觀察呢兩個月嘅氣氛，預料市場消費意欲會進一步持續，估計係消費券計劃帶動下，可以進一步加強八達通係商戶嘅滲透，尤其係部分以往習慣用信用卡交易嘅連鎖店。希望香港可以快啲變成一個更成熟嘅「無現金城市」。
想了解多啲，可以重溫專欄全文 (刊於信報 科網人語 27-9-2021) http://startupbeat.hkej.com/?p=109356
#電子消費券 #市場佔有率 #八達通 #餐飲業 #電器電子用品 #超級市場 #日常用品 #財政司司長 #陳茂波 #聯乘效應
聯乘效應 在 MyKicksMyLife - adidas × Sean Wotherspoon SUPEREARTH 的必吃
後續的各家品牌連乘效應好像接踵而來 不過目前為止熱門程度 好像尚未超過當初那雙max1的高度 此次繼asics x Atmos後阿迪達斯聯乘款有別以往前兩款的材質設定 ... <看更多>