咁細個學人打野戰😳話說Megabox 13樓開咗個新鐳射槍場，我本身覺得idea幾得意，對於收費$50有得玩5分鐘表示唔係抱太大期望😏人一世物一世就約齊腳去玩🔫
。
場地哥哥講解點用支槍方面都算清晰嘅～即係啲感應位係邊、中彈後要等幾耐番生果啲⋯⋯不過佢講漏咗原來各team都係唔可以超越條紅線😅（係開始咗佢先講咋！）
。
首先，我強烈建議6歲或以上、聽得明指令！！！！又膽生毛！！！！嘅小朋友先好入去玩🤣（一陣我會講解下）
。
由於要分兩組打team，咁啱我地果場有多兩個唔識嘅小朋友一齊玩，所以就變成2打4（入面最大果兩個一隊，期餘細嘅一隊）
。
終於到埋牙玩嘅時候嘞，就有啲「kick」嘞😅場地係有啲暗，但我係鐘意嘅，因為咁樣好刺激🤩
而細個果team小朋友們唔知係咪太緊張，所以佢地「喱」埋咗係啲吹氣假山後面成分鐘都唔出黎😑（場地哥哥話試過有細路「喱」埋咗3幾分鐘無郁過🤞🏻）
。
好彩家長係可以入去影相📸️而我就由諗住入去影相變成兩隊嘅指揮，教佢地埋伏同進攻，無理由買飛入黎企嘛🙄俾我炒熱咗個氣氛，大家都開始玩得好放😎（場地哥哥因住被我搶咗你飯碗😏）
。
好可惜場地哥哥係開始咗先講原來唔可以超越紅線（對係唔可以過對手區域），而果兩個唔識嘅小朋友已經完全聽唔到指令😒佢地已經跑咗去對面，又係咁對住同一個人猛射，要知道射完死咗要5秒後先會番生😤（我提咗好多次都唔聽🤷🏻♀️）仲射射下坐喺對手區域果架唔郁嘅車入面扮揸車（當自己玩pubg咩🥲姨姨表示心累）
。
總結同溫馨提示：
🔫香港係好少地方玩呢啲嘅地方，所以係新奇得意嘅～
🔫收費我覺得相宜嘅～
🔫最好自己組夠4-10人玩，否則可能要等足一個鐘先夠人玩😳
🔫果兩個場地哥哥應該比較擅長收銀多啲
🔫場地佈置可以認真少少，個吹氣假山玩玩下倒塌咗😓
🔫如果家長入去玩埋一份，又或者入去炒熱下個氣氛可能效果較佳
#純自費分享 #當個個都讚到好L好玩 #我誠實啲話你知好唔好玩囉 #我係咪倒緊自己米😅 #好快無得做KOL #槍戰遊戲 #鐳射槍戰 #megaabox #mamashare E3 Club Playland
純自費分享 在 #純自費分享 - Explore | Facebook 的必吃
#純自費分享 · Rainbow姨姨的一家 · Rainbow姨姨的一家 is at Big Bay Cafe at Kerry Hotel. · Sunny Huang shared a link to the group: 裝潢DIY研究室. ... <看更多>