唔知大家知唔知處理新鮮嘅 #淮山 之前
千祈千祈千祈 唔好徒手去淮山皮啊！
最好就係戴上手套🧤邊冲水邊刨皮
我就係果啲掂到未經煮熟嘅淮山上面啲 #黏液 會雙手發癢過敏，起晒粒粒果啲人！而醫學上黎講係屬於一種接觸性皮炎。⚠️若果嚴重對山藥過敏嘅人，皮膚不但痕癢，仲會紅腫火灼般難受咁就要立即服用抗過敏藥物。
鮮淮山外皮所含的 #皂角素 或叫 #皂角甙；黏液裡含大量嘅 #植物鹼，哩兩種成分都對皮膚有刺激性。
• 如果萬一真係中咗招咁點算？
哩個真係超級 #溫馨提示：開始痕嘅話，真係唔好周圍R，否則啲黏液R到邊就痕到邊，因為過敏源擴散。一定唔可以掂到口腔，會令到口同舌頭都會腫埋，過敏反應因人而異，可以好嚴重。
• 解決方案：
輕度過敏反應
1）馬上洗手💦，於痕癢嘅位置沾上白醋會慢慢止痕，係利用酸鹼中和嘅原理。
2）見到網上好多人叫人用「火烤」去燒燒佢，但真係唔建議你咁做喇，容乜易變燒傷❌ 所以有好嘅方法解決就唔好做傻豬～
嚴重過敏反應
3）需立即服用抗過敏藥物！仲等咩？
4）如果再舒緩唔到就再衝去睇醫生架喇
• 切好的鮮淮山還要處理：
將切好嘅鮮淮山浸泡喺落咗白醋嘅水度浸約半小時，就能讓 #草酸鈣結晶 溶解剝落，（圖2）浮上水面嗰啲就係喇！
處理淮山稍有不慎會 #食物中毒，草酸鈣中毒個案的確存在：
婦人煮 #淮山湯，飲用後出現嘴唇及舌頭腫脹、腹痛及麻痹等食物中毒徵狀，避免進食含有草酸鈣晶體食物，或煮食前需徹底清洗乾淨。
所以過敏反應同食物中毒都絕對唔係講笑架！做煮果個要對你嘅食材同食客負上責任，最基本嘅就係要知道哩啲食材小知識。
#蜜兒廚房 #蜜兒 #mabkitchen #食材小知識 #山藥 #鮮淮山 #山藥過敏 #過敏源 #過敏反應 #可能你唔知道
