［今日寫呢啲］今日呢篇短寫Bitcoin，用唔用電呀呢啲就畀啲專家講，但早早已經質疑，如果有第二隻狗狗幣 貓貓幣又可以取代嘅，咁有幾特別？有乜咁大價值？Anyway，我係有買ETF嘅。「唔信又買？」。正是，唔信先要買。但反正買得唔多，輸晒都冇所謂。「萬一我錯呢？陣間佢升幾萬倍點算？」
每日一圖嘅，都同加密貨幣有關，話早前市值超過咗美國流通法幣。但你諗真啲個比較根本冇意思，點解同流通法幣價值比？你平時有冇聽人講「歐元市值幾多億」？第二圖，講十大製造業大國，就梗係冇你估咁簡單。留意甚至冇越南份。
Good read嘅，悶嘢。第一篇講Pixar如何用啲顏色去操控你情緒，你以為真係因為劇本好所以你好感動？未算，遲下直頭玩啲「你睇咗都唔知嘅顏色」，全部都係計算。BTW，母公司係迪士尼。第二篇講高鐵，幾悶，但因為主要例子新幹線就多人睇。政客為咗拉票，當然希望高鐵停自己個站。會講帶嚟就業之類。但往往相反，甚至你可以拉返去以前嘅「日本列島改造論」講。高鐵方便，咁啲鄉下人更加個個去晒大都市搵機會，細城市人口更少，產業更加空洞化，大城市就更加迫。亞洲好多地方都面對呢種問題，東京獨大，首爾獨大，北上廣深，曼谷吉隆坡河內胡志明市塞車塞到仆街，全部都類似。
最後FB Summary嘅，大家都知，呢排啲文好爆。又鄧成波又鄧兆尊。不如我轉行寫八掛新聞算。
呀仲有，遲下會出聲音版/影片版導航，不過唔係我把聲，我好朋友。佬一個。方便唔想睇字嘅你。不過未推出，應該6月或7月出，同埋20/40蚊VIP先有。
＝＝＝＝＝＝＝＝＝＝＝＝＝＝
月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費80，半年已1600人訂！ 畀年費仲有85折
＝＝＝＝＝＝＝＝＝＝＝＝＝＝
