Search
台上1分鐘，台下10個鐘😂
星期日9:00開始洗菜切菜，煮到夜晚7:00，但拍攝食譜真係好好好好玩！專業團隊影出嚟，就係靚啲！
明明個食譜好簡單，但攝影師為咗影得靚啲，先要將每一樣食材擺靚靚影一次；
拍片期間要有兩部機換角度；
隻手點攞個碗個碟都好有學問；
然後要慢慢擺盤打燈⋯⋯⋯⋯⋯⋯
所以之後嗰四條低卡食譜片，雖然每條只有1分鐘，但背後係好多人嘅心血！有朱古力熱香餅、鹽麴三文魚、日式牛肉飯、四式牛油果多士，希望幫到大家增強免疫力，開心飽住瘦啦！😘😘😘
#多謝新假期專業團隊
#相比之下我啲iphone食譜片好低質添
#搞咁多嘢都係想大家健康啲啫
#冇錢都好好玩好開心好有成功感
#如果有呢個靚靚廚房我日日返屋企煮九大簋
《林鄭派錢又點? 五大疫市變陣》如果全球口罩戴到下年今日，生意應該點做呢?
錄影時間: 2020年4月9日(星期四)晚上七時旺角
內容摘要:
(1) 遇上無良業主，就做無良租客。
(2) 社運是寒冬期， 肺炎是冰河時期，要適者生存。
新的五大變陣:
(1) 大舖變細舖，堂食變外賣
(2) 賤物鬥窮人
(3) 遊客變本土
(4) 乾貨變濕貨
(5) 線下變線上，親身變視像
最後， 做生意最重要是賺錢。 長貧難扶。不可以依賴政府。必要時「壯士斷臂」，留得青山在，哪怕冇柴燒?
聯絡李根興 Edwin whatsapp (+852) 90361143
。。。。。。。。。。。。。。
旺角核心舖招租(1萬元起) - 旺角通菜街1A-1L號威達商業大廈地下A號舖，建築面積約500呎，門闊約10呎。物業配套完善，附設來去水，三相電，洗手間，適合不同行業進駐。
現在舖位正在招租，首年每月租金HKD10,000 全包 或 租户每月生意營業額 10% - 20%(再商議)，以兩者較高者為準。長租，再傾。(這間舖本來叫租五萬元，已減租至首年三萬元，現再推分成計劃。)
有興趣嘅租戶，歡迎聯絡我哋，多謝。
李小姐 (Vivian Lee) 9311 9274 / 2830 1188
潘先生 (Joe Poon) 9250 6708 / 2830 1138
馬先生 (Mani Ma) 9669 1789/ 2830 1190
譚小姐 (Ashley Tam) 5464 7070/ 2830 1117
也可以直接聯絡我 (李根興 Edwin) whatsapp +852 90361143。
。。。。。。。。。。。
全文內容:
林鄭最新嗰千幾億救市方案， 你鍾唔鍾意都好， 都真係救到好多中小企。 但如果全球口罩戴到下年今日，大家舖頭做生意應該點呢? 大家聽完，唔好憎我。I'm sorry.
(1) 記住，林鄭嘅救市方案，主要係幫你出人工。租金呢? 如果你係遇正一個無良業主，明知道你生意大受影響，佢都唔願意減租嘅話， 我勸你即管都做一個「無良租客」。
我唔係律師，我亦都唔係想教你犯法， 不過我只係「聽朋友講」， 有啲租客會欠租，拖租，或者想交幾成租金就交幾成租金。7折，6折，5折 whatever。業主未必同意，但可能佢條都覺得「大家都係打份工啫」，收到小啲好過完全收唔到。佢告得你嚟，而家法庭肺炎疫情都唔開，請律師，準備文件，排期一大堆得嚟，搞到下年/後年，疫情都過去啦，法官都會可憐你啦。 通常最終都係庭外和解。 錢留咗喺自己身邊先啦。
如果你咁不幸遇到個無良業主，你就做個無良租客啦。Again ... 我聽朋友講咋，不代表我個人立場。 我個人立場係: 業主逆市撐租客，天公地道。
(2) 社運係寒冬期， 躲一躲出返嚟，肺炎係冰河時期，會「死」好多人。 冰河時期唔係強者生存，係適者生存。 越大嘅恐龍，越死。 越細嘅變色龍， 反而仲有一線生機。
大家要變，真係要變。 嚟緊新嘅五大趨勢係:
(1) 大舖變細舖，堂食變外賣。幾千呎舖，坐人嘅，搞活動嘅，會屍橫遍野。你要轉做幾百呎以內嘅舖頭仔， 重新思考你嘅經營模式。
(2) 賤物鬥窮人。 越高檔，越死。 要轉賣啲平嘢，cheap 嘢， 益街坊價。
(3) 遊客變本土。 自由行，一喼喼時代過去啦。 你諗下樓上樓下附近嘅居民， 藍領，白領，OL 會唔會幫襯你。 100個人行過，都冇一個入嚟或者望一眼嘅話，執咗佢啦。 你要做番多啲街坊生意。
(4) 乾貨變濕貨。 賣衫賣褲賣鞋襪賣鐘錶賣珠寶會好難做， 個個帶住口罩，着乜嘢靚衫都冇用。 賣新鮮食品，魚檔/菜檔/水果檔，反而世界冧咗都有需求。 日後最旺呢段嘅彌敦道，don't be surprise 會開咗間魚檔菜檔， 只要夠新鮮，貴無所謂。我今晚成家人聚會，我未必會買隻金勞，但我可能會買條老鼠斑返去孝敬下仲有幸健康嘅父母。
(5) 線下變線上，親身變視像。 如果口罩戴到下年今日，而你盤生意仲要靠人流做生意，我勸你早啲執咗佢。 你一定要配合網上銷售， 甚至乎做多啲 FB Live 去吸引觀眾 impulse buying (衝動性購買)， 例如即時買就有折，兩小時後就原價。 實體鋪只係要畀人客多啲信心能夠搵到你， 日頭靠實體店服務人客，夜晚做多啲網上銷售，雙劍合璧。 用盡你間舖嘅營業時間， 咁先至會把成本效益做到最好 。做生意就係辛苦啦，怕就唔好做喇。
最後， 做生意搞完一大輪嘢都係為咗賺錢。 拯救地球，打救宇宙，負起什麼社會責任都要量力而為。 我唔想同林鄭唱反調，但如果租金，人工真係頂唔順， 夠唔夠都好，長期倚賴政府都唔係辦法。你又唔可以好似以上咁「五大變法」， 等如你係隻恐龍咁， 我就勸你「壯士斷臂」，執咗佢啦! 留得青山在，哪怕冇柴燒呢? 有機會，再投胎做其他動物。
我自己2013年7月都經歷過大裁員， 公司霎時間由有三百幾人，去到淨番六個人。 「放手，放開所有，彼此更自由。 放手，其實我絕非愛得不夠。」 嗰陣時我仲成日唱住呢首歌，係個好困難嘅決定，但當你決定之後，你會發覺其實好多員工都會明白，諒解。當然趁你仲有能力 ，糧要比足， 補償有多無少，唔好欠人。
臨走時，佢可能都會同你講聲「加油呀! 老闆，我係你都會咁啦。」 我自己之後都沉咗三年， 經歷人生低點後，2016年中企返起身，再係一條好漢。
「模糊地正確，好過準確地錯誤」， 肺炎疫情繼續嘅話，你自己嗰行，前景係點呢? 每個人能力，家底，理想都唔同， 林鄭今次真係暫時救番好多中小企， 但「長貧難扶」，記住大家要變。加油!
。。。。。。。。。。。
想知更多做生意知識，我新書《李根興的生意哲學》 將於2020年5月份出版。內容包括 (1) 我至愛的創業勵志故事，(2) 生意理論，(3) 商舖知識，(4) 創業隨筆。合共約360頁，定價HK$198。現接受預訂，可以whatsapp我 (＋852) 90361143。 按收到order次序交書。新書有我親筆簽名及封面message (特別封面版 - 數量有限)。
盛滙投資商舖基金/買舖/租舖/放舖熱線: 2830 1111 或 whatsapp +852 90361143
盛滙商舖基金 Bridgeway 網頁 www.bwfund.com
李根興創業之友 https://www.facebook.com/EdwinNetwork/
李根興商舖之友 https://www.facebook.com/edwinprimeshop/
李根興 youtube 商舖創業及投資分享商舖創業及投資分享https://www.youtube.com/channel/UCEN66AnLghXESgCDIsz-3Nw
唔驚，呢啲時間更加應該要開心，同埋新年嘛，香港人需要有方法去釋放，我哋嘅目的都係咁樣。見呢排多番啲好消息，大家見到希望，咁啱有個騷都幾好。」. ... <看更多>
希望可以煮到一啲又靚又好食嘅野畀 大家 及後Louisa一直被師妹捉住影相同 ... 咗一碟超辣魚蛋見到老闆咁有心我哋又覺得唔好意思所以硬住係咁叫嘢飲係咁 ... ... <看更多>
搞咁多嘢都係想大家健康啲啫 在 on.cc 東網／東方日報- 【#每日一故】畀唔畀$6000？ 文章來源 的必吃
我冇野做都未試過唔俾錢父母 ... 我唔係好有錢，但過年唔需要仔女比多啲家用. ... 日日作埋d挑撥離間既故，其實只係想大家圍爐取暖，搞d回應谷自己個page. ... <看更多>