【2歲半 - 平衡車體驗】#平衡車 #100試堂 #九龍灣
哲哲個表姐好細個就學平衡車，所以未夠四歲已經可以掌握到無輔助轆嘅單車。媽媽心思思都想哲哲去試吓玩平衡車，見到九龍灣Rainbow Bike店新開，裏邊有得學平衡車同單車，平衡車體驗班新張優惠價只係需要$100，即刻報名體驗下先。單車舖好大，落地玻璃彩光好光猛，左手邊就係平衡車練習場，右手邊就係貨架，一入到去哲哲已經急不及待話要帶頭盔玩平衡車。
大概一個鐘頭嘅平衡車體驗，首先會做熱身先，行吓平衡木，跳飛機圈。兩歲半嘅哲哲依然都有少少怕羞，一開頭要媽媽拖住先至敢行平衡木，行多兩三次，同紅綠燈姐姐教練嘅鼓勵下，終於都可以自己放膽行同埋跳。熱身過後， 哲哲已經急不及待想揀架平衡車，一班大概有六個人，已經擺好咗一排平衡車，同埋保護裝備，每一節工作人員都會將所有物品消毒清潔。
哲哲揀咗揀銀色平衡車，已經急不及待咁樣戴好手踭，同埋膝蓋嘅保護裝備，坐咗上架平衡車度等開車。教練好好咁樣教我哋點樣去穿好保護裝備，同埋點為之戴好咗頭盔，戴好之後，下巴嘅塑帶唔可以太緊，要小朋友試吓望左右，抬頭望地下嘅時候，睇吓會唔會移位。穿好裝備之後，就開始教點樣上落平衡車，哲哲做咗兩次之後都好容易掌握到。跟住紅綠燈姐姐開始講解玩平衡車要注意嘅事項，最重要係向前望，手捉住扶手，pat pat要貼實個櫈板。
好啦，所有車手都蓄勢待發。大小小嘅小朋友，都會比較容易掌握，哲哲都好快衝破自己是關口，努力嘗試向前，但係個屁股成日都離開咗張凳😅媽媽要成日提佢坐喺張凳度。他轉多幾個圈之後，跌過落地幾次，但哲哲已經初步掌握到少少技巧，亦都玩得好開心🥳。跟住紅綠燈姐姐就開始提高難度，要我哋拎住架平衡車喺平衡木上邊行，開頭我覺得難道好高，但係估唔到好多小朋友第一次都已經做得好好👍。然後另一邊就係繞過障礙物，要S字形行。
最後紅綠燈姐姐仲搞咗個鬥快比賽，哲哲因為太心急，去到一半已經跌低咗，但係佢好叻咁樣起翻身繼續完成賽事，值得欣賞👍成個平衡車體驗下自己都好開心，媽媽都心思思想同佢補返成個course，而家無論平日定係星期六日都係$1500有六堂。
單車舖另外一邊貨架，仲有好多唔同嘅平衡車、單車、滑板車、保護裝備、頭盔等嘅單車用品，全部都好靚款式好多，啲單車仲可以試踩。
了解更多：
https://blog.ulifestyle.com.hk/article/lazymablog/4137773/
影片：
https://youtu.be/kjmrAg0w6-w
Rainbow Bike HKG
Rainbow Bike課程總監及總教練- Kelvin哥哥 肥龍教練
星級教練：紅綠燈姐姐/輝Sir
星級助教：李燕燕/Hera Leun
全部教練都有豐富嘅教學經驗，Kelvin哥哥多次代表香港出賽，教授過超過2500人，紅綠燈姐姐同助教又靚又溫柔又親切，小朋友見到都會好喜歡聽紅綠燈姐姐講解！
#RainbowBike #紅綠燈姐姐 #平衡車體驗 #單車啟蒙 #單車隊恆常練習 #成人單車 #私人教練單對單
#親子blogger #hkblogger #全職媽媽 #懷孕媽媽 #親子日記 #hkmama #hkbaby #igkids #hkkids #懶媽親子育兒記 #hkmamablogger #mamablogger #mamababy #二寶媽媽 #親子育兒
�
懶媽親子育兒記
IG: https://www.instagram.com/lazymablog
FB: https://www.facebook.com/lazymablog
Blog: https://mamibuy.com.hk/home/19241
YouTube : https://www.youtube.com/channel/UCySr_iwfT-OTjvnn-5JAq4g
