話咁快就去到第三天的所謂「行程」哈哈！行走範圍都只係局限於酒店一公里內，今日無坐的士同BTS，全部靠對腳行的😬
今早就由一杯Mocha Coffee開始，我特登試食那檔泰式粉面，那些魚丸肉丸真係彈牙又爽口，再落一點醋同魚露，味道真係無得彈！再响那個即造蔬果汁的corner 叫了一杯「Purifier」名符其實，飲完立刻有反應！「Excuse me! Where is the washroom 😅」
食飽之後，我就獨自跑到泳池一邊去曬太陽，一邊去寫我的recipes，當時旁邊還有位美女相伴呢😍真是賞心悅目的事情呀😎
到正午時分，我地就去試試在旁邊Gaysorn裡的Thann SPA做個Spa treatment!! THANN 是泰國出名的香熏及護膚用品品牌，質量有保證之外，原來都有間SPA在這裡！既然咁就腳就去試試啦，何況下午兩點前有8折優惠㗎！價錢是中等，我選擇的90分鐘 Signature Massage package 原價3000泰幣，現在折扣後2400，港幣600有找，值得推介俾大家！THANN 的裝修佈置得很優雅寧靜，但冷氣機聲就大咗一點😅內裡有獨立淋浴間及洗面間，有齊它的品牌潔面，護膚，洗頭及沖涼用品供大家享用！按摩師傅的手法也非常正宗到位，舒服得連我也不知到睡了多少個寒暑呢😁
最後嘅行程就係幫「好朋友」買嘢啦！原來有間叫「Build A Bear」的毛公仔店！售賣各式各樣的毛公仔，顧客可以自行選購公仔的外殼，再由你去給它「生命」😅何解呢？因為店員要你按制去填入棉花，把公仔的身體塞漲，再要你把一顆心放入公仔的身體裡，比喻賜它一個生命呢😅還有各式各樣的衣服鞋襪，真係人一樣呀😂那裡還有最熱門的Frozen 同Minion公仔賣呢！喜歡的朋友就去CENTRAL 同ZEN看看，Central Chilom 站那間最大呢。
最後，忙到下午3點幾先到Greyhound 食個飯，今晚攰到只係買咗生果做晚餐！今天完！
