【 #我被強制隔離 —— Day 3】
2 月 16 日，今日係我入營後心情最平淡嘅一日，可能已經知道咗點同呢間房共存，食得瞓得屙得，食物不缺，見字飲水，好似仲健康咗。
不過原來得自己一個，長時間困喺一個空間，難免會忍唔住不斷諗有咩做呢？做咩好呢？於是就決定好好記錄低今次嘅隔離營經歷，大家睇到嘅 Day 0-2 都係 Day 3 一次過寫嘅😆 因為頭兩日仲係喺混沌狀態。
輔導都會經常建議 client 要做 journaling，將心路歷程寫低，有助整理同疏理情緒。依家睇返 Day 0 Day 1 嘅日記，見到自己對入隔離營嘅反應都幾多：憤怒、無奈、哀傷、驚慌，明白咗呢啲情緒係因咩事而出現（Triggers），從而更容易接納自己有呢啲情緒。
可能你會問，第一件事唔係先處理咗入營啲大大小小嘅瑣碎事先咩？呢啲冇謂嘅情緒放埋一邊先啦，正面啲、正能量啲就可以架喇！係嘅，要去隔離營，當然收拾行李係好重要啦！網上已經有好多必帶物資嘅清單分享，反而收拾心情嘅分享好似冇乜... 但係入到隔離營就會發現，身外物（物資）嘅問題，比起身內物（情緒）嘅問題，容易解決得多。
面對困難逆境（Adversity），好多時我哋都冇時間冇空間去處理情緒，覺得好無謂好冇意思，只會滿腦子去諗解決辦法，或者搵嘢分散注意力就算。然而每一種情緒都帶住重要嘅資訊（Emotional information），亦會令我哋做出唔同嘅行為（Action tendency），唔需要去批判自己嘅喜怒哀樂，可以先觀察吓其實內心想同我哋講啲咩？點解會有呢種感覺？一旦打通咗同情緒嘅對話，就更容易了解到真正嘅心理需要，可以好好照顧自己嘅內心世界了💪🏻
希望透過我嘅分享，俾大家了解吓入隔離營嘅心路歷程，當然每個人會有所不同，所以如果你哋都有入過隔離營，我邀請你都可以分享多啲，將一件前所未有嘅經歷俾多啲人知道，未知道係點嘅人可以有多啲心理準備，而我哋呢班隔離營友又可以圍吓爐，圍爐都真係取到暖架！
Day 2 日記在此：https://www.facebook.com/100044322105016/posts/271192691034799/
#再續
#竹篙灣隔離營
#被隔離人士
#ynwa
ynwa意思 在 開會足足遲到廿分鐘的周議員，面對市民質詢會否宣誓效忠政府時 的必吃
問非所答，意思係佢唔會宣誓！ १२ महिना प्रतिवेदन गर्नुहोस् ... Russell Ynwa Mau, profile picture. Russell Ynwa Mau. 睇張大頭相。 ... <看更多>