🐰
等我慢慢post返哂肥腰嘅點滴先😋
呢個係我哋第一個item亦係一個畢業難忘嘅露營體驗
五個字形容「真係好L凍！」
首先隊長隻衰手抽中咗最難行最辛苦嘅「鎖羅盤」
(大家可以問下google老師個位置喺邊🥲）
孭住重過我嘅營具行咗5個鐘崎嶇嘅山路🤧
由於喺海邊極大風
當日仲要係香港最凍果日
得4度, 我著咗3件heatect, 加埋羽絨, 貼咗6個暖包都凍到訓唔到
好記得凌晨四點果陣龍捲風咁樣嘅風吹到營頂壓落黎貼住我塊面
三個人嘅力量都好似唔夠壓住個營
我一度覺得自己會吹走, 一起身會喺馬路中心😂
我哋固然辛苦
但我覺得工作人員住住比幕前嘅我哋更更更加辛苦！
比我哋夜訓又早起set cam
呢個Item令大家一開波就經歷生死, 火速建立感情🤧好難忘
而家睇返啲相都覺得凍😖
雖然辛苦, 但我慶幸我哋係抽到「鎖羅盆」呢個經歷可一不可再
「鎖羅盆Team」最威🥶💪🏻
#睇下我哋著到上雪山咁就知有幾凍
#未睇可以上返viutvapps重溫
@ 鎖羅盤
