［童年崩壞系列］不過應該真係有返四十歲先識。
1. 《東京愛的故事》嘛，用「經典」形容都唔夠，係神作中嘅神作。本人認為甚至比後來《戀愛世紀》《悠長假期》等等更神。固然有人會好不滿，但留意兩點。第一，《東京愛的故事》年代早好多。有幾耐？講緊播嗰時，許冠傑都未退休！難怪新一代無感。正經啲講，播嗰時係平成早期（幸好唔係昭和），而家係令和，世界都翻天覆地了。
2. 第二，如果冇記錯，《東京愛的故事》時，班演員仲係唔紅嘅，因為拍咗套戲先紅，套劇賣點係劇本，漫畫改編。同《戀愛世紀》《悠長假期》黃金卡士係兩回事。
3. 其實本人並不特別哈日，但作為一個香港人，一年去幾次日本自然未能免俗。咁你唔知嘅，我話你知，《東京愛的故事》，靜俏俏咁拍咗新版了，播埋添。
4. 我冇睇，但一如所料，當然就係劣評如潮。事實呢，翻拍呢啲神作，多數都係死路一條。一係你就等舊嗰班觀眾（即係本人）死晒先，Over my dead body先拍，當全新故事。
5. 聽聞今次，就係為咗避免班廢老多多事實，特登唔在電視播，只係富士自己串流平台，同埋上Amazon Prime，吸年輕觀眾喎。Really？
6. 呢張劇照，應該夠摧毀你童年。不過事先講，藝術呀著衫呀潮流呢啲，我的確識條鐵。不喜可插，但唔好咁大力。
7. 實情我好想問，邊個揀呢張相架呢？唔掂喎，拍到啲演員好撚醜。你可以睇返啲演員其他相，就好似係冇咁醜的。
8. 當然啦，人地咁多人把閉，我寧可相信係特登嘅—即係陳偉霆廣告咁，特登保留「真實感」，「你同我嘅故事」，唔係高高在上嘅明星，嘿嘿。
9. 好啦，其實演員呢，四個有三個我都係唔識的（冇計）。
10. 左邊開始講，飾演永尾完治嘅，伊藤健太郎。唔識。原來演過《在咖啡冷掉之前》，睇過但冇印象。睇啲劇照呢，其實係OK嘅。不過件西裝係咪緊過頭？唔扣鈕好啲？潮流達人可以評下。不過睇返當局講法，話順應返潮流喎，而家興貼身
11. 左二，呼，唯一一個識嘅，石橋靜河。亦係我留意新作嘅理由。石橋靜河啦喎，是「有氣質的」。唔係好典型嗰種一見到覺得靚，某啲角度睇似莫文蔚（＊）。但襟睇，睇耐啲就覺得靚，同埋會令你好記得，唔會認錯第個。實不相瞞，都係因為佢，我先去電影節睇《函館夜空更深藍》（https://bit.ly/3bXZ2Os），導演都嚟埋。唔止，仲因為咁，我去埋函館。
12. 不過啦喎，又係豬肉在前，N咁多人J鈴木保奈美（我冇份），挑戰佢即係找死。不過我係真心覺得新版莉香靚啲的！請屌。但，張呢相亦都影得佢唔靚。
13. 右二啦喎，石井杏奈，唔識。關口里美喎，搞乜？好似咁包嘅？因為咁所以著條長裙？（然後有人話似埃汾太喎，well．．．．．．）
14. 但，最右先係童年崩壞嘛，清原翔。知唔知乜水？三上健一呀！陰功，三上健一由長髮鄭伊健，變咗鬈毛！死未。不過，to be fair，原著漫畫入面，三上健一根本唔係長頭髮。可惜江口洋介呢個角色太經典，仲經典過男女主角，所以就作者已死了。
15. 實情，新版呢，聽聞肉搏場面多咗，第一集就有東京妹莉香生擒鄉下仔完治（四國嘛，同劇情都有關的）。但舊版一樣係咁橋段（完治，我們來做吧！)，只係冇見除衫咁解。
16. 就呢個小小段落已經畀你見到新版嘅定位有點難搞。唔知故事嘅，自己去維基睇（https://bit.ly/3d1fSfq）。但想講以當年嚟講呢，啲橋段設定都係幾有話題幾爆嘅。一個幾破格嘅設定當年係莉香嘅主動，敢愛敢恨，同埋麻撚煩。而原著漫畫，莉香非洲長大（裸之大陸？），舊版電視呢，就美國返嚟，仲要用呢啲設定去justify佢嘅性格。仲有好多改動，一般係漫畫更大膽，而舊版電視要收歛下。許冠傑未退休呀嗰時，阿爺嗰代。但而家TVB奀星都去屯門偷食蛋糕，Playgroup面試都問咩係多人運動，以上種種就真係冇乜特別了。
17. 最後私心講一句，其實本人除咗「仙台尋找魯迅」（https://bit.ly/3d8MdRw，寫得好過項明生啦），「東京明治神宮野球場尋找村上春樹」「新潟雪國尋找川端康城」外，仲玩過「四國愛媛尋找東京愛的故事」。
18. 睇過舊版應該知，個設定係重要的，相信唔多唔少因為原著作者柴門文係四國人（不過係德島，唔係愛媛）。四國除咗係最初刻劃完治嘅鄉下仔形象（映襯莉香嘅大膽）外，結局亦都返咗去！（https://bit.ly/3aYHhgB）。入面好多場景，而家都仲搵得返—當然包括梅津寺車站，綁手巾，同埋嗰兩班4:33同4:48嘅列車，都仲在（不過我冇坐，趕時間，朝早去就算）
（＊）莫文蔚係「港男港女測試」嘅好對象。非正式統計，應該少過一成港男會覺得靚，但超過一半港女覺得靚。相反嘅女有好多，任何畀港女叫做「姣精」「cheap雞」嘅女藝人都係。例如……安雅，或者林雅詩。
———————
版務：收費專欄已推出，支持埃汾高質文章。幾舊水睇三個月，一星期三篇
請去呢度訂：bit.ly/2wVXndj
課程編號填: CC01
科咗水後後有Login及Password畀你
逢一三五入去 homebloggerhk.com （見到就睇到《事先張揚》），亦睇得返以前嘅文。一般我都係會黃昏出文嘅。
tvb女藝人j 在 TVB台慶後台直擊女星性感戰衣搏到盡 - YouTube 的必吃
娛樂新聞| 全程直擊台慶後台花絮(此片段來自娛樂新聞台)#台慶#黃翠如#張曦雯#李佳芯#黃智雯#朱晨麗#蔡思貝#趙希洛❤ 訂閱訂起來➔ ... ... <看更多>