［大理鄉中出環］（＊）I am serious．If eating 8蚊麥芽糖夾餅doesn't incentivize you to invest, nothing will.
TLDR：匯率制度似買胸圍，唔啱身夾硬嚟，表面好睇，遲早出事。
＝＝＝＝＝＝＝＝＝＝＝＝＝＝
月頭訂最抵！一週年！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1900人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝
1. 早排講葬禮，過我死鬼阿公，除咗鍾意睇不文集（畀我拎咗去睇），炸雞翼（畀我食），鋸西多（又係畀我食埋）（＊＊＊），仲有佢就係好鍾意食麥芽糖夾餅，當然亦係畀我食埋
2. 但我好肯定，當年8蚊食麥芽糖夾餅，可以食撚到阿公同我literally 飽死。而當年仲要係另外有個hemispherical 嘅容器裝住麥芽糖，用對筷子捲，雖然我到而家都唔知最後嗰啲點拎出嚟。（＊＊＊＊）．我細細個已經拎嚟裝水，研究係咪 4/3 X π X 半經三次方，唔做科學家真係埋沒咗我。「學校咁早有教？」「學校夠冇教你扑嘢啦，你又識？」（＊＊＊＊＊）
3. 有人話因為租貴。唔可以話錯，但啱唔晒。唔使涉及租嘅嘢，一樣係飛升，我唔撚信網上賣麥芽糖餅買2蚊塊。況且一般食肆最大成本係員工。而人工貴租貴係結果，唔係原因。
4. 冇錯，幾廿年前嘅事嘛，佢都死咗三十年。有通脹物價飛升。但有冇諗過點解物價升？視乎你係咩學派，但一般人都知，錢印得太多。
5. 但點解會印得多？聯儲局量化寬鬆後先開始？又錯。上次咪講過，尼克遜廢除金本位咯，自此法幣就任印（subject to certain conditions），貨幣供應脫離GDP，人工亦都追唔上人均GDP，都係金本位收皮後嘅事。五十年之嘛。歷史係咁讀的，你旨意啲濕鳩教授真係含得撚。
6. 但一樣，佢地根本don’t give a shit，佢份糧係咪基於教得好唔好？人人都知，呃funding 先係大茶飯嘛，阿富汗都係咁玩。
7. 我在經濟一週篇文，就用咗呢個有點不文但我覺得好貼切嘅比喻：
8. 匯率制度似買胸圍，唔啱身夾硬嚟，表面好睇，遲早出事。冇咁大個頭唔好戴咁大頂帽，33B就33B，唔好買大買細。
9. 唔信？英鎊被索羅斯狙擊，最後退出歐洲匯率機制（ERM），英鎊半年跌30%，英國納稅人輸咗10億美金（1992年嘅10億），索老一戰成名成為打爆英倫銀行的人，仲害到英國首相都下埋台。因乜？正係冇咁大個頭，唔好戴咁大個bra．對面岸嘅德國（當時已統一）就戴得起啦．ERM就係外判咗個揀胸圍嘅權利畀德國。
10. 舉一反衫反埋bra，亞洲金融風暴，仲有再老啲嘅墨西哥Tequila crisis，亞洲金融風暴泰國CEO賣三文治韓仔好愛國賣金救國（其實冇，只係政治宣傳），仲有阿根廷違約多過捧世界盃，全部都係因為夾硬嚟。
11. 咁你話，明知唔啱身都戴？自己唔知架咩？一般呢，係知嘅。但，點解唔舒服都戴？靚咯！邊個著高踭鞋貪舒服？女為悅己者容，政客就勾引選民，而男人就用下體思考，選民就冇腦嘅。呢啲就歷史啦。
12. 應該睇到一半，聰明嘅讀者應該已經問：咁香港聯擊匯率，咪即係外判咗個揀胸圍權畀美國咯。港女戴美國嘥屎，得唔得架？會唔會出事？
13. 會唔會出事？你咁問嘅，即係你未夠三十歲。索羅斯除咗有份招呼英鎊，亦都招呼埋港紙，親子丼（雖則個女改嫁咗），十分爽。亞洲金融暴風咪有份咯。咁但冇嘅，死唔到人。英國韓國泰國而家咪好地地。
14. 講遠咗，但，都係嗰句，見到8蚊嘅麥芽糖餅，你都仲唔信不投資往下流，我就真係幫你唔到。投資有風險？當然，但，唔投資一樣有風險，甚至更大，保證輸死
15. 係喎，其實我呢啲講法，某程度上都係販賣恐懼。現今最流行嘅生意，講真的，好多東西背後都係販賣恐懼。但，我有啲唔同，我唔係叫你份幾千萬保單，又唔係叫你個個月兩千蚊供基金嘛！我只係R你一舊水訂個Patreon．好快就食個麥芽糖夾餅都唔夠呀，大師冇點你。仲等？
（＊）有人提我打錯字。嗯，而家啲小朋友打麻雀應該唔會打花章。實情打花章呢啲基本功，如果大家都係普通素人唔係雀精物語（＊＊），咁你打得八圈，或者打得幾次八圈，識打花章嗰啲必然有edge．或者話唔打花章嘅一定蝕式，打得幾次，自然拉開晒。係咪又學到嘢呢？冇錯，正如你去賭場，長賭當然唔止冰茶，仲會必輸。但投資正好相反（可惜有啲人連呢樣都唔知），升日子嘅可能51%，跌嘅49%，但我拉到一年，五年，自然食硬你。你日日去估上落，當然搵唔到錢。況且，你仲要一定唔敢買得大。我拎幾球嘢買股票，你敢唔敢拎幾球嘢炒期指？
（＊＊）啲回憶返晒嚟。細細個辛苦到舖牌，睇住J幾耐呀！而家唔使錢乜都有。
（＊＊＊）多得阿公，打後四十年我都不能接受有餡嘅西多，而西多只能落糖漿，舊式茶餐廳有個壺嘅最好，但冇辦法之下只能接受一包包，殷海光話嘅。正如我都用咗三十年先勉強接受到有芝麻嘅雞蛋仔，但其他餡免問。呀同埋，打邊爐係不能放腸仔燒賣午餐肉，雖然埃汾太會放，我結婚前都知，但你係咪埃汾太丫？
（＊＊＊＊）諗起個故事，應該真人真事，外國有條友年青時打暑期工，家族Pizza 餐廳，咁佢落完啲茄膏就掉走個罐。大老細發現，拎返啲罐，然後用水沖，了埋入面啲剩低嘅茄膏出嚟，同佢講：you are washing away my profit margin
（＊＊＊＊＊）早排先講起，當年有個中學同學，真係埋到門唔識起腳，居然打電話問功課。我地就眾志成城電話幫佢指導。「喂埃汾你又話你大學先失身」。差矣，自己未做過唔等於唔識教人！我有睇書睇片嘛！都話冷氣軍師理論多，唔踢波都寫一大輪巴塞啦。
＝＝＝＝＝＝＝＝＝＝＝＝＝＝
月頭訂最抵！一週年！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1900人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝
tequila哥 在 [推薦] 孤單Tequila - 看板popmusic - 批踢踢實業坊 的必吃
https://youtu.be/Lt0fLHJ5N9w
不是它的音域而已
而在2處
第一， 真正中西精神融合的樂風
孤單Tequila開始於民謠
終結於藍調
中間是華語的勸酒歌
寶哥最後一張專輯有一首歌
我的心在發燙，算它的前生
https://www.youtube.com/watch?v=ntlEpyoum3o
第二， 歌詞的視角切換
https://music.douban.com/review/7462060/
中國豆瓣樂評有分析過
阿密特1比2好的地方
阿密特1裡，她更多是扮演一個游離於詞曲MV外的第三者，冷眼唱出世間百態。而到了2，
她則變成了所有詞曲MV裡的主角，直接赤裸裸地跟樂評宣揚她喜歡厭惡的種種。這種改變
其實是很微妙的，因為聽眾都是第三者，他們可以理解同是第三者的詮釋，但多半理解不
了第一人稱太直接的敘訴。
孤單Tequila可怕的地方在
A段必須如阿密特1的第三者稱視角克制
看盡酒館浮生眾的冷靜
還要為了後面的自溺爆發舖陳
也是到了快樂暢開的時候
經歷過最糟糕時期，阿妹才對A段開竅
我腦中其實有個畫面
寶哥花了很長的時間和阿妹談
搞不好當時錄製了很晚，也很累，搞不好還哭了
結論，這場演唱會dvd一定要有這首歌
--
※ 發信站: 批踢踢實業坊(ptt.cc), 來自: 101.10.94.96 (臺灣)
※ 文章網址: https://www.ptt.cc/bbs/popmusic/M.1649908476.A.492.html
... <看更多>