19:02 update: 剛剛再打咗去SPCA (HK) 香港愛護動物協會 佢哋搵緊人嚟接。
19:38 update: 漁護救援人員已接走雀仔，已拎跟進編號，希望雀仔最後冇事。
頭先落樓下買少少嘢，我同幾個路人同時見到馬路上有隻細細隻嘅雀仔，有架車倒後泊緊車就嚟車落去，我即刻沖過去叫停個司機，隻雀仔就走咗去車底。我同路人們伏喺馬路，幾經辛苦終於引到隻雀仔出嚟，佢飛唔高，撞咗落隔離花店嘅盆栽上面，我估計佢隻腳受咗傷。
花店員工即時入去拎個膠袋，袋身剪開幾個窿，隔住手套放咗隻雀仔入去。但佢哋行唔開，所以我就負責拎佢去就近一間動物診所搵人幫手。
我入到去，同個reception姑娘講我頭先喺出面馬路救咗隻雀，我未講完佢即刻彈開，話「你自己打去1823啦，我哋唔收雀仔」。我心諗我都知你哋唔收雀仔，因為我個仔Simba都係睇你哋醫生，我都認識位醫生，我哋仲請過佢上《五夜講場-真係好科學》講解獸醫嘅科學知識添。獸醫都分好多唔同專科，唔識醫當然唔應該醫，咁先係科學。
我問佢「冇問題我自己處理，但至少你可唔可以幫我打電話，或者畀個電話號碼我？」我唔係獸醫專業，我真係唔知點做先啱。點知佢完全唔望我，不斷叫我「你自己打去1823問啦」。
最後屋企人幫我打去1823問咗，而家雀仔喺我屋企休息緊，暫時冇事。我哋畀咗個紙箱佢暫時坐吓，入面鋪咗廚房紙。原來雀仔有分死咗同未死嘅處理團隊，而家等緊 漁農自然護理署 Agriculture, Fisheries and Conservation Department 救援專人嚟接佢，佢哋聲稱如果唔係禽流感係唔會殺佢，一定會盡力醫佢。
我而家只係想科學地陳述事實：一間動物診所嘅姑娘，對於一隻受傷嘅動物嘅第一個反應係彈開，而且冷漠回應拯救咗隻動物嘅人。我係天體物理學家，我唔識生物學，但我知道喺生命面前，咩係應該做嘅事。一個人當然可以打份工照稿讀，同理心搵唔到食的。
作為人類，我只能慶幸香港嘅醫護人員有同理心，保護市民生命安全。但如果你係隻雀仔，就未必咁好彩。
最後我必須強調返，嗰間動物診所嘅醫生護士都好有愛心，所以我先放心Simba去睇。今次呢個姑娘嘅反應態度，的確令我非常震驚，相信只係個別事件。
後續會再update。
@afcdgovhk
spca診所 在 SPCA (HK) 香港愛護動物協會 的必吃
愛協西貢中心診所目前只有3名員工，其中包括1名獸醫。 當陳先生和阿珍到達時，我們的當值獸醫正為另一隻兩周大、病重的小貓進行 ... ... <看更多>