好多人對我去台灣嘅行程有興趣咁我就同大家分享一下啦！
Day 1: 5pm到台灣住咗一間叫做Sonnien嘅酒店（有bb浴缸）。第一晚打算食火鍋，然後喺酒店附近真係已經搵到我哋想食嗰間無老火鍋店啦。依間火鍋店超級好味，有提供BB櫈，然後BB主要嗰晚就係食白飯仲有煮一啲南瓜粟米俾佢食。（有用熱水沖一沖啲火鍋湯底味）食完飯去到附近嘅超級市場，買咗一啲蘋果香蕉同埋麵包比BB做早餐同埋做呢幾日嘅食量。
Day 2: 一早就出發去嘉義，到步後同BB一齊食咗個中午飯我就去工作佢就返酒店（承億文旅）。BB同我一樣食台灣當地嘅土雞同埋白飯。夜晚返到酒店之後就同老公同埋家人一齊去咗嘉義嘅夜市。BB就同我一齊食咗碗滷肉飯。（飯多肉少，因為肉部份比較多醬油，唔想佢食得太重口味）
Day 3: 一早返返去台北，去Les Suites Da An Hotel check in （無bb浴缸）呢個酒店係大安區大安路一段附近，都有好多商店俾你shopping同埋食飯。夜晚同BB一齊去食日本菜，叫咗一條魚俾佢食，同埋一碗白飯，大人就食超新鮮超好味嘅omakase。夜晚返到酒店我就陪BB瞓覺，老公同家人就去咗附近嘅誠品書店睇書同埋飲嘢。
Day 4: 約咗個朋友去食午餐，佢帶咗我哋去食一間喺永康街七巷嘅正宗台灣菜叫做大來小館。都係叫左個滷肉飯同埋一條魚比BB食。我地覺得超好味，bb就胃口一般。呢個區域有好多手信買，同埋有個小公園可以比BB玩一陣。到咗夜晚就同BB一齊去行饒河夜市，夜市見到有粟米同埋雞咁就叫咗俾佢食。（叫左走鹽，走醬料，走牛油同埋自己去咗啲雞皮）返到酒店我氹左BB瞓覺之後，就輪到我同我老公行5分鐘，去附近嘅誠品書店睇下野買下野啦。
day 5: 朝頭早八點就要去機場，所以食咗個早餐就call車走啦。酒店早餐都唔錯，有雞粥同埋好多南瓜粟米魚BB食。
呢個Trip過得好開心，每一日我都有返酒店確保小寶貝有個午睡嘅，所以我唔會安排啲行程安排得太緊密。台灣雖然都幾BB Friendly，但係好多地方都無升降機，同埋好多地方好似夜市咁都比較多人同埋逼，所以都建議大家用carrier.
其實我朋友同我講台灣仲有好多地方係親子餐廳嘅，會比較適合帶小朋友去，然後又有科學館都可以帶小朋友去玩下。
小寶貝係呢一個trip到食咗好多大人野,不過其實我一日都會餵三餐人奶俾佢確保佢飽肚嘅。
分享係咁多，希望幫到大家啦。
想睇更多分享就Like我個page同埋follow我個YouTube啦！ 多謝大家嘅支持。
www.facebook.com/mamacollege
www.youtube.com/mamacollege
#mamacollege Mama College 張嘉兒 #travelwithbaby #原進莊 #同BB去台灣嘅行程 #Sonnienhotel #饒河夜市 #LesSuitesDaAnHotel #台灣土雞超好味 #台北 #無老火鍋 #嘉義 #大來小館 #滷肉飯好正 #PetitBateau Petit Bateau
sonnien hotel 在 Sonnien Hotel 松哖酒店 的必吃
Sonnien Hotel 松哖酒店, Taipei, Taiwan. 1766 likes · 3 talking about this · 3737 were here. Sonnien Hotel provides a "home-away-from-home" experience for... ... <看更多>