［今日寫呢啲］港股就固然冇乜力，彈完一日就冇貨賣，實在唔靚仔。美股呢？連升5日啦喎，但你見升幅極之細。亦係冇力
月尾join Patreon有得回水一個月呀下，當然係要下個月你仲訂緊先回畀你，即係免費益你睇幾日。仲可以睇晒舊文。睇完覺得垃圾都只係一舊水啫。拎晒我啲Excel唔使自己data entry 搵晒我啲Good Read save起佢睇到下年都夠抵啦
＝＝＝＝＝＝＝＝＝＝＝＝＝＝
一週年！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1900人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝
咁可以點？答案好簡單。有乜可以點？你想點？我諗一樣最重要嘅嘢，係管理你嘅期望。本人或者市場從來冇欠你任何嘢。你可以諗下點解你老奉要贏錢。
雖然事實今年又真係老奉要贏錢，我當你一半港股一半美股，都冇理由要輸錢。今年已經相當易玩（舊年都唔難），遠比我想像中易。而家只不過係個市冇乜力，你就己經問點算唔耐煩嘅，年頭跌到年尾嗰啲日子，你點捱？哦，你話沽晒佢，但幾時上返車？冇人會開車話你知
當然呢啲係正常人都會有嘅心態，點克服？Patreon話你知
咁大師冇點你嘅，Nvidia Google ASML BlackRock 呢啲創新高就不用講。「升得唔快？」。頭三隻年頭到而家升六七成喎！咁你都唔滿意，我都唔知點安慰你，你都係去賭波啦。你話輸嗰啲你唔講？但，仲有其他贏嘅我都未講啫。咁夾埋晒係點？Patreon貼晒出嚟啦。你話遲話你知？喂，舊年已經不停貼啦喎。你知唔知咩叫「新高」先？就係任何位買你都唔會輸錢。
大把讀者跟住買SGPI 買理文化工 買NIKE啦。我下個月頭先貼出嚟賣廣告。
另外，我想講，50年前嘅8月，金本位制死亡，法幣誕生。但另一方面呢？10年前嘅8月，Steve Jobs退位，添曲上任。剛剛好10年。
呢十年間？蘋果由4000億市值唔夠，升到24000億，創造咗20000億美金財富，史上無人能及。居然仲有人質疑佢稱唔稱職，果然係我唔識踢波都可以話美斯屎波。
另外留意，蘋果股價升咗10倍（點解4000億升到24000億唔係6倍？文入面有講），你又有冇渣過升10倍嘅股票？
最重要係：10年前添曲上任，蘋果已經係家傳戶口賺錢賺到笑嘅公司，你根本唔使質疑套嘢 work 唔work．但你又怕已經過咗高峰。咁即係呢，買未成功嘅你又怕會爆煲，買成功咗嘅你又覺得已經見頂 — 咁你想點？
嚟緊下星期我Patreon都仲會專題寫蘋果。真係好好嘅故事。再講一次，點解十年前你冇買？唔係叫你去買啲唔知成唔成功嘅公司，十年前人地已經賺到笑。點解下星期？因為月頭寫文賣廣告。
每日一圖嘅，第一圖話你知，Amazon 服務收入就快多過貨品，呢個亦係我冇沽走嘅原因。都話公司廣告收入多過Youtube，而AWS盈利貢獻公司一半。好快就會係呢啲嘢佔主要，網購只係現金牛。
第二圖嘅，畀你睇到，美股啲公司，出業績，差過預期嘅就大跌，但好過預期嘅就只係升少少。咁點算？代表乜？文入面講
Good Read兩篇嘅，第一篇係Howard Marks，非常之好，佢批評經濟師全不客氣，簡單嚟講就係對投資冇用，佢公司都唔請，亦唔會問佢地意見。事實亦係如此，行家嘅可以諗下，你寫報告會唔會理你公司個in house economist 睇乜？點解冇用？文入面解。
第二篇，講買SPAC輸錢記。我就從來都冇買過，亦都極少推。咁但，你同人講話「買SPAC高風險好易輸錢」，總有人話你知「買股票夠會輸錢」。實在係好難溝通，我都懶得去辯，你輸錢之嘛，關我春事。但，客觀係美股今年日日創新高，買乜都贏，垃圾倉連公司係乜都唔理亂買都贏（我示範咗啦），而堆SPAC，平均高位跌咗一半。繼續努力。
月尾join Patreon有得回水一個月呀下，當然係要下個月你仲訂緊先回畀你，即係免費益你睇幾日。仲可以睇晒舊文。睇完覺得垃圾都只係一舊水啫。拎晒我啲Excel唔使自己data entry 搵晒我啲Good Read save起佢睇到下年都夠抵啦
＝＝＝＝＝＝＝＝＝＝＝＝＝＝
一週年！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1900人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝
