關於 on99好l嬲系列 ，我們在網路上蒐集到這些相關的討論、資訊與評價

#On99好L嬲系列－大碌7蝦 Giant67ha

世上總有好多大頭蝦，當班大頭蝦大頭蝦到左一個瘋喪既地步－佢地係會將自己唔見左野，改成有人偷左佢野。我地就會叫Lee D大頭蝦做－ 大碌7蝦。學名Giant67ha。

其實你知唔知你唔L見左野既責任係 唔係間餐廳度呢？
日L日D 大碌7蝦 唔見左野都要用把死人蝦聲黎"質問"你：

『下！唔會無囉！一定留左係你地果度嫁！』
『搵唔到？點會搵唔到嫁，你有無睇清楚嫁？我坐係XXXXXXXX』
『真係無？我明明係放左係台面嫁喎。』
『你問過哂你D同事未嫁？真係無一個人執到？』
『我肯肯定係你地間餐廳唔見左囉！係咪你同事拎左呀！』

其實自己唔L見左野，求人幫你搵既時候係咪應該語氣好少少呢？
再唔係你咪搭車番黎自己搵囉！
大佬一定要幫你搵嫁？
實要俾CCTV你睇嫁？
一定有部CCTV射L住你個位嫁？
係度唔見實係侍應偷嫁？
Weekend一晚都番2,3轉台啦！你唔俾係你下手個客拎L左嫁？

仲有D唔L見左野既客，係Walkin 黎嫁喎？幫你Keep嗨呀？
名又唔L知你！樣又唔L係突出～
Keep到一個星期都算俾面你啦。
但你一個月後黎問我你上個月留左野係度⋯⋯
屌～你當我係時昌迷你倉呀？
時昌迷你倉都失火無L哂啦D野！
我仲會有你一個月前留係度既唔知乜差野？
仲有D應L誠左番黎拎但又消失左成個星期，
打去提又無人聽果D⋯⋯
其實D野姐係唔重要啦？燒得啦下化？

－凡事留一線，日後好相見－
成日實牙實齒話自己一定留底左係度，
或者話係有人偷L左唔係自己整唔見果班人，
其實都係想自己心安理得D，講到責任唔係自己度。
但講野都唔好去到咁盡，咪用好L肯定同一定係⋯⋯
你係咁L醒就唔會大大部電話都唔L見啦！
你係咁L精明唔會擺L明放係台面都唔L記得拎啦！

試過有個鬼佬熟客，真係好L熟。熟到有埋我地老板電話。
話說佢俾L完錢之後唔L見左個銀包。
打去屌9我地老板話肯肯定係間餐廳度唔見。
最搞笑係佢係去我地隔離鋪食飯，但要我地兩邊餐廳都要搵佢個銀包⋯⋯
仲講到好L肯定話一定係度唔見，俾完錢之後就無拎過個銀包出黎！
亦極度懷疑⋯⋯有人手腳唔L乾淨囉！
又話佢好失望乜乜77 又好嬲，中年情緒病發咁L樣。
搞到老板都好激動，我地又好激動，真係廚房條Gap都幫佢搵L埋。
但真係無囉⋯⋯

講真！邊有人咁L on9偷野係自己公司偷呀！7上腦咩！
不過 大碌7蝦 係無係乜邏輯思考能力既。
最後⋯⋯當然Lee位 大碌7蝦 梗係搵L得番佢個銀包啦 ！
原來一直都係佢Office度喎。
真係好L彩佢無俾人係街度偷L左⋯⋯
如果唔係佢Lee一世都話我地D Staff 手腳唔L乾淨。
咁當然啦～ 大碌7蝦 都係無乜禮貌。
對唔住梗係唔L講啦！
淨係講左句: found in my office. Thanks!

不過咁⋯⋯
D客唔見得野賴屎賴尿咁賴落D Staff度，
其實都預左唔會再番黎食。
所以梗係屌L左你無蝕先啦！
妖，10%包左嫁嗎！
話過D staff手腳dirty喎，即係骯髒呀！
仲唔怕我地真係整D好Dirty既野俾佢食咩！

#顧客永遠是嗨的。
#Customer is the hiest.

#On99好L嬲系列－遲到L (latepenis)

自古以來，
準時從來都係一種美德，
遲到果方都要求等人果方既原諒同寬恕。

但係係Lee個濕9世紀，
遲到果方係可以Duo9番你轉頭，
仲可以R折R著數。
此乃並非聞所未聞，
而係日9日係餐廳行業入面發生。

遲到L有如滔滔"肛"水的多，成日覺得⋯⋯
要人準時到係一件好"Rude"好"絕"好"死板"既事。
所以有D餐廳會好有禮貌地有設有Hold台時間，
但都係不被遲到L珍惜而係極度濫用。
遲到L即使預料自己會遲到而又可以接受遲少少食，
都唔會訂遲幾分鐘⋯⋯
部份遲到L會話！挑！係你地逼我簡個時間嫁！話無其他Period呀嗎！
咁谷氣，遲到L又唔會唔食⋯⋯
有D好人好姐斯斯文文既遲到OL"L"
一知道自己遲到被人放左將台就發哂癲⋯⋯
十分羞家。

遲就係遲，
即使已講L明過左10分鐘一定會放台。
遲到L點都會同你拗！
有時仲大9你話：
『你個鐘同我個鐘都唔L同。
我個未夠鐘囉！』
咁你不如話自己Jetlag呀！
仲係美國Timezone,
依！遲到L，計你咁講，
你而家仲係尋日，你聽日再黎食啦！

遲到L又專簡D繁忙時間黎遲到，
例如專簡係震驚100萬人既Lunchtime⋯⋯

震驚聲：『下！訂L哂！係真唔L係呀！』
震驚樣：『下！你半個場係吉嫁喎！你無台俾我？』
震驚西：『Are you kidding me?』
震驚嬲：『搞錯呀無台！我五分鐘就食完啦！』

當你被周9圍兇猛既壓逼目光底下"準時地"放左遲到L將台，
而遲到L又"準時"地過左一分鐘Hold台時間到左：
『下！放左我將台！又話會Hold台10分鐘，
我都係遲多左1分鐘！你就放左我將台！我訂黎做乜7呀！』

你其實唔係遲左1分鐘，係你遲左11分鐘。
Hold俾你係10分鐘，並唔係11分鐘。
對於一個Receptionist黎講，
1分鐘既時間真係好漫長嫁⋯⋯
1分鐘可以有人Noshow無左將台，
1分鐘可以有人知道自己將會有台。

Music～～～～～～～～～
我的一分鐘和你一分鐘
怎會與你相沖
可以各有輕重
～～～～～～～～～～

目露兇光既客人會企定定對L哂錶地等No show：
『你話1點鐘台Hold 10分鐘呀嗎！
如果佢1:10分鐘唔黎，咪俾我囉！』
人地合情合理，所以你遲果1分鐘，咪俾人入L左囉！

仲有遲到L通常個電話都係廢嫁。
自問我食過好多次屎，
所以就過Hold台時間我點都會打個電話打個底，
廢L事D遲到L黎到又係度嘈⋯⋯
不過LunchTime唔知係咪電信公司都要放飯，
無人收到電話嫁喎！
所以我一定會狂打3,4次。
等佢Show到爆哂record。
話明俾D遲到L知：
我試過打俾你個仆街嫁！
提你個仆街就過時嫁啦！
係你自己遲到嫁炸。

不過又係果句：
顧客aka 遲到L/ 乞客/ R折黨/ 聾西
is the king, is the new world。

不論你係佢訂台時講明（hold到10分鐘，過時就放台嫁啦！)
係早一日Confirm時講明（hold到10分鐘，過時就放台嫁啦！)
係過左時間錄音再講明（hold到10分鐘，過時就放台嫁啦！)

佢地都會無理力爭地！
下！我都係遲少少姐！
下！放左我將台！有無搞錯呀。
下！你都無打俾我！
下！你放之前好大都打俾我同我講呀！
下！咁點呀！我約哂朋友／客！
下！我唔理呀！你死都死番將台俾我呀！

下！你係唔係ON9嫁！
你理解能力有問題早講呀！
你一打黎話自己係弱智既，
咁我可以一早答你Full L 左唔做你生意呀嗎。
唔好成日咁樣黎玩9我地D做Recept嫁啦⋯⋯

咁又係！
你地係新世界，
樣樣遲到都無所謂既～
咁大支野！記得搭飛機咁做喎！
遲左！屌～無緊要嫁！
你係機場lur地又西面又發下癲～
人地飛到半空都番番黎接你一個啦實！
挽下手仲可能R到機票免費Tim呀！

你地D口技咁L厲害！
真係弱智都被你吹到變霍金！
記得Keep住Lee種濕9世紀既遲到美德呀！
實人見人愛，
車見車⋯⋯
車9死你呀！

《後話》
遲到L，
如果你知道自己將會遲到，
其實不防打個電話黎講聲呀大佬！
有禮貌既客人點都會Hold俾你既。

等No Show友，
如果真係要等，建議你地都係企係餐廳出面等台啦！
我地都唔想客人企係度等太耐，點都會安排你入座既。
事關都係果句，Lunchtime電話無L用。
到我有台俾你，都成日俾人cut線或者無人聽，
到你行完街入番黎，我都放L左台。
有台到無台，可以係一分鐘既事黎嫁炸。

#On99好L嬲系列－問路盲巫

話說我間餐廳好Q近個地鐵站⋯⋯
真係一出行幾秒就見L到。
跟足指引行係無可能亦絕對唔會蕩失路。
但世界上總係有班7L矇矇，
好鐘意去新地方就要發掘新地頭⋯⋯
隨心隨意地自己行左去第二個宇宙。
蕩失路底下，打番俾個Reception問路。

嬸：XXX呀嗎！喂你間餐廳咁鬼難去嫁！我而家唔知行左去邊呀！
我：小姐，咁你見唔見地鐵站呀！
嬸：見到地鐵站我就唔洗問你啦！
我：(Diu) 咁你(個朦L)附近有咩建築物呀？
嬸：高樓大廈咁囉⋯⋯
我：(下! 你玩9我呀呀嬸)下⋯⋯可唔可以具體少少呀小姐?
嬸：Er～應該工廠大廈黎掛，有貨車又有D保安行黎行去咁囉。
我：咁你介唔介意去問下保安哥哥點行去最近既地鐵站呀。
嬸：下！我問緊你喎！你又要我去問人！你唔識嫁！！

哇，你講到咁我實知你係邊啦小姐！
你不如話：
我見到個橙色垃圾筒咁囉。

即使有陣時個客話得俾我聽係邊個大廈，
你個橦大廈唔係我平時行開果條街我都唔L知嫁！
我估我係個Professional Taxi Lo呀！
我都要D時間Load下嫁！
你唔好Expect我即刻覆到點帶你黎～
仲有～你地次9次都係簡大L把人係出面湧9入黎食飯既時間問⋯⋯
我應付既唔止係你個Google Search Request嫁BB豬！

有次幫阿大嬸們Google果陣，
發現班7喱竟然去錯左第二個地鐵站⋯⋯
真係好L想教你行過黎呀！
大概行2個鐘到啦！

仲有D真係唔知咩料⋯⋯
『下！我唔鐘意搭地鐵嫁喎！
我搭開巴士嫁！有咩車可以由XXX去到你果邊嫁⋯⋯
同埋話埋俾我知大概幾耐到呀～』
我先知道我除左係一個的士佬，我仲要做埋9巴app...
我鐘意搭地鐵嫁！我唔搭巴士嫁仆街！
我真心覺得你當我係咩姐⋯⋯！
渣車既就會問行邊條公路呀⋯⋯
有邊度可以入油呀。
其實我既Title應該係
Taxilo9busdriverhelpergoogle receptionist.

最頂癮係⋯⋯
唔。L。係。客。問。路。
屌。9。你。唔。L。識。路。

我有陣時要出餐廳外面清潔下塊玻璃既，
10am到一定會有班阿叔阿嬸問9你路⋯⋯
『阿姐！』
已經想打巴佢⋯⋯
我點睇都細你40幾年。
你叫我阿姐已經唔L想應你⋯⋯
叔：『我去XXXXX，點行～』
我：『唔清楚喎～真係唔好意思～』
叔：『下！係度番工唔識路！唔想答問出聲囉！挑～』

屌！我咪出左聲囉！
真係唔L明，
點解我係度番工就一定要識9哂附近D路先，
我做左MK妹幾年，長過我而家份工呀！
我都唔L記得MK D路啦！

Any肥，
教下大家，
由其鐘意投訴班HIHI，
你地其實可以用你地至愛既投訴App－開"煩"啦！
打個餐廳名，Click個地址
已經可以Locate你係邊7度，
仲教你點去間餐廳。
好L簡單嫁炸！

求求你可憐下我，
唔好再係最L忙既時間，
問9我你係邊啦！

＊＊＊＊＊＊＊
嬲西樣：唔好話我賣廣告呀！
我只係點L醒班盲巫唔L洗打地址又用到GoogleMap去餐廳炸！