話說早兩日係同老公結婚3周年紀念，
咁一於去食好少少啦😃😃
我哋揀左位於尖沙咀Marco Polo 酒店入面嘅意大利餐廳 - Cucina 🤨。
🍽午市套餐可以揀2️⃣ course, 3️⃣ course（頭盤、主菜、甜品）, 4️⃣ course都得（兩個頭盤、主菜、甜品）。
❤️頭盤揀左Parma Ham 同鵝肝。Parma Ham 就都係果啲味架啦，但我真係好鍾意食芝士🧀，所以我好鍾意個頭盤😍！而於鵝肝呢，我就真係唔太識得欣賞，有冇人可以教下我點食😬
🧡主菜就揀左意大利飯同辣三文魚籽意大利粉🍝。意大利飯口感濃郁，又有菇類🍄嘅香氣，但食晒都完全唔會漏。意大利粉微辣，令到個味道層次更豐富🥳！
💛甜品就揀左焗蛋白配Vanilla 雪糕🍨同沙巴翁配士多啤梨雪糕🍓。
個焗蛋白擺盤真係好吸睛，好似一個藝術品咁，未食都已經好開心😳！
恕我見識少，今次係我第一次認識同食沙巴翁，完全打開左我個新世界。軟滑微暖嘅沙巴翁配冰凍雪糕，一個字：正😋！
💜餐廳超sweet☺️，因為知道我哋係慶祝3周年，特別送多個甜品俾我哋，仲加多個朱古力牌寫：Happy 3rd Anniversay。呢下真係驚喜同窩心嘅🥰！
最後，成個環境、坐位同服務都非常好！侍應會好關心我哋食得開唔開心，好唔好食，另外因為我坐窗邊，佢哋又會問下我曬唔曬👏🏻👏🏻👏🏻。
我覺得我一定會再嚟架！下次等星期六、日試吓佢個半自助餐先得！🤩🤩
marco polo自助餐好唔好食 在 ［為食D］自助午餐Cafe Marco @馬可孛羅酒店/ 七 ... - YouTube 的必吃
... Buffet令我有少許失望..... Cafe Marco (at Marco Polo Hotel Hong Kong) 馬哥孛羅咖啡廳尖沙咀廣東道3號海港城馬哥孛羅 ... 【 自助餐 】年尾食 自助餐 邊間好? ... <看更多>