(文字版)
從周星馳到科幻片 再到拍MV拍戲
「細個冇咩娛樂，自然就係將周星馳電影煲完再煲。我諗電影圈內差唔多年紀嘅人，都一定係睇佢大。」張子丰劈頭就講咗對電影有著情意結嘅來源，佢佩服周星馳創造力爆燈，可以諗到好多無人諗到嘅橋段。但由鍾意電影變成想入行拍電影，就要數到《Back to the Future》呢輯科幻片。「科幻片最正就係啲劇情現實睇唔到，所以我嘅作品好想俾觀眾脫離現實，又有觀能上嘅刺激，最終帶出想表達嘅訊息或者社會現實。」佢將呢個想法放入自己歌曲嘅MV裡面，例如《推銷員之死》MV有麥皮蟲滿佈喺佢塊面，《完美情人》MV充滿AI、未來感嘅場景，所以Fred先會堅持唱歌，因為可以透過歌曲同自導自演MV，講佢想講嘅嘢。張子丰嘅歌曲MV中，可以到處見到科幻場景，目的要俾觀眾睇到現實不可能嘅事。
除咗自導自演MV，張子丰仲幫尹光拍過MV。佢笑言大家唔好停留喺《少理阿爸》果個年代，其實尹光又In又玩得。「呢行一定要與時並進，但同前輩好似尹光，合作時就算年齡有差距，但佢嘅想法可能同我地唔同，話唔定會發掘到好多可能性。」作為導演除咗要夠幻想力，仲要有好好嘅溝通能力，了解成個片場運作。但呢種技能喺佢做電視劇演員時，又可能要稍為轉變。「因為拍劇個畫面係導演嘅幻想，其他演員收到Order就擺十個Pose俾你睇，但我就會諗『乜我咁樣幻想唔好咩？』話雖如此，佢依然好尊重其他導演諗法。「咁樣自己做導演時，人地都會尊重返我。」
張子丰認為做得呢行除咗要夠勸力，仲要夠醒同夠Creativity. 隨住媒體同網絡盛行，愈嚟愈多人想入行，但偏偏呢行成日有開工冇收工。張子丰都表示無辦法，新人唔單止要醒頭醒尾，仲要肯搏肯捱。「公司每年都會收Intern，但有啲人嚟面試問佢點解想入嚟，佢地話要計學分，咁你梗係話鍾意呢行或者電影啦，係咪先？但就算入到嚟都可能要由最低做起，我自己曾經試過洗一個荒廢好多年嘅廁所。」雖然大家未必頂得順洗廁所，但可能要做啲好基本嘅野，例如打掃Office、做Admin嘢甚至買飯盒。不過佢就話千祈唔好因為工作咁瑣碎而求其做，因為導演、上司可能會留意佢地表情反應，究竟係開心咁做定黑住面咁做，所以可唔可以係呢行發展得順風順水，事業更上一層樓，就係睇呢啲細微位，大家識做啦！
「今日嘅MV係為咗下一套電影」
或者有人會覺得，張子丰想做導演，但點解又要拍劇又要唱歌？但其實所有工作都冇離開過「做導演」呢條路，因為透過同人合作先可以激發創作靈感。如果知道自己嘅路，就會識揀Project、工作嚟做。「開頭拍MV又辛苦但又冇咩錢，點解仲要做？就係為咗下一個廣告，拍廣告為咗可以拍戲，拍呢套戲為咗可以拍下一套戲。有咗呢個心態，人生條路就會走得易啲，未必會如願，但至少知做緊咩。」
Hair by @terrence_chann @hair_salon_hk
Makeup by Priscilla Tse @makeupforeveracademy
makeupforeveracademy 在 Make Up For Ever Academy 非常作- Home | Facebook 的必吃
http://www.makeupforeveracademy.com.hk/. 香港首間國際專業化妝學校, Juliana Yang創辦逾22年，開辦化妝髮型美甲美睫課程，out job機會助你多元發展，帶你入行，零售 ... ... <看更多>