職員改票被困火車站25小時
(圖文不符)
上回講到我失望而回冰湖後，
好不容易又再搵返信心，
再次從西伯利亞出發。
第二日，
我又走到呢個方山野既Irkutsk火車前，
今次我既目的地係城市「莫斯科」，
Yessssszzz!
今次呢張歷程100個鐘既火車飛，
我一早就係香港就上網買左，
我又心諗今次真係萬無一失掂過碌啫啦。
首先就無人困住我係嫁車到先，
到左火車站後都見到小小外國人，
擔粗粗問下佢地係咪坐同一班車啦，
一陣100個鐘有個朋友傾下計照應下都好麻。
丫，又好好彩佢地真係同我同一嫁車，
好開心咁同佢地交流大家點黎同旅行經，
傾傾下就過左1個鐘，
佢地其中一個人就建議我快D換左張飛先，
因為佢地收好早，
換唔到就上唔到車。
咁我都好快換左飛，
之後join返佢地，
又再吹水，
到到上車前30分鐘大家都話不如去check in 先，
成班人就柴娃娃準備出發。
係呢個時候旅人A捉住左我隻手，
佢係黑人黎既，
我到今日都會記得佢隻眼既白色同黑色皮膚既強列對比，
同佢個隻淨到好大，
大到好似美劇D浮誇表情就快跌出嚟既眼珠。
佢大叫:你係咪買錯飛丫？
我成個人呆燃左，
乜燃野呀，
我係香港對左好多次先買嫁，
有咩可能買錯呀！
我再慢慢底頭望住自己張飛，
然後個咀O到佢隻眼咁圓。
咩咩咩話？
二二二十五？
What the fuck 今日係二十四喎!!!
我同佢互雙對望，
佢話；你不如去售票處睇下改唔改到飛先啦，我地上住車等你！
我話好。
重好開心同佢地所有人講等間見！
望住佢地走入檢票月台，
我地大家舉高雙手揮動話等間見，
然後我呢世人都無再見到過佢地😂
我即刻攞出岩岩去換票既iPad，
肯定下係自己錯定係個職員打錯左，
無錯，
我真係無買錯。
其實錯唔錯都好，
我都要換返張飛嫁喇。
係仲有2十幾分鐘下，
我排隊。
十分鐘過去，
唔知點解條隊都好似郁都冇郁過咁。
屌！原來俄羅斯都興插隊，
插完一個又一個，
仲要表露着戰鬥民族嘅凶狠眼神，
係呀我插隊啊你吹咩個樣。
時間一分一秒過去，
我真係好急，
所以你不仁我不義，
我直接沖左最前。
不停用英文講要換返張飛，
佢又一直用俄文講，
屌，又黎？
又再想屌人既時候，
個俄國老女人好大聲叫左幾下，
將個閘好大力咁閂左。
😯😦😧😨😱
完全驚嚇到一個點，
我俾佢大聲既閘聲嚇一嚇手上張飛都跌左落地。
下一秒又所有人四散，
再無任何服務既前台得返我一個on99企左係到。
回神既時候，
班車已經出發左。
我汁返地下既車飛，
再對一對時間，
距離下一班車時間仲有25個鐘....... 我背住我個又重又多既走出火車站外面，
抺走石波上既積雪，
坐左上去既我又開始眼淺。
我以為自己好叻，
我以為自己好型，
我以為我好strong，
原來我一D都唔係。
原來天氣成日都不似預期，
捱過不似人既日本生活後，
幸運應該會搵返我先啱架嘛，
原來佢一D都唔鐘意我。
死過2次都唔夠仲要困我係火車站，
你地班西伯利亞人太過份喇。
我幻想自己拍緊戲向空地大叫，
心裏面帶住嘅生活不如意嘅委屈，
對自己既自大慚愧，
一滴又一滴由心裏面流出眼框，
眼淚熱䁔既溫度一直停留面珠足足半個鐘。
直到11月嘅冬風吹乾我塊面為至，
我又走返入火車站。
我坐返喺等候區，
成個等候區得返全部着住沉色衫嘅老人家，
我有少少肚餓。
但係原來成個車站都冇餐廳㗎！
我去到士多見到有啲杯麵，
但係原來佢哋係冇熱水供應㗎！
我諗緊我係咪要生食個杯麵嘅時候，
我見到一部自動販賣機，
有好多朱古力同零食，
於是我足足食咗25個鐘頭朱古力黎充飢。
多謝🙏🏻 人生就好似天氣一樣，
變幻莫測，
有好多不如意嘅事，不似預期既事。
你唔需要去討厭佢，
因為好唔好都係視乎你嘅態度，
未經歷過挫折嘅人係永遠唔會成長。
我好感激旅行上遇到所有嘅挫折，
因為佢哋令我知道，
我而家安穩嘅生活有幾幸福，
令我帶着笑容咁過每一日。
其實我覺得我自己寫緊小說囉，
每篇都咁長，
嚟緊我會出返一啲短篇嘅遊記。
而呢一個遊記會一星期更新一次，
終點係英國🇬🇧
如果你鍾意我寫嘅嘢麻煩你哋比多個like同留言都係一個對我嘅支持✍️ #Thailand #visitchiangrai #chiangmai #旅行好きな人と繋がりたい #instatravel #旅行 #summer #traveler #worldtravelpics #travelphotography #hkig #hkiger #hkiger #hkig #hktraveller #thailandtravel #travelholic #旅行 #worldtraveler #latamairlines #タイ #chiangrai #chiangraitrip #清邁 #清萊 #worldnomads #travelrepost #traveltagged #girlstoptravel #遊記 #旅遊日記 #長文
latamairlines 在 LATAM Airlines - 首頁 - Facebook 的必吃
LATAM Airlines 。 13763441 個讚· 695 人正在談論這個。 Discover your world without frontiers with LATAM! ✈️ We keep connecting you and your next ... ... <看更多>