「喂，條友星期五又call sick喇，連續幾個月係咁，每個星期請一次病假，次次唔係星期五就係星期一，擺明係自製long weekend啦，好唔好郁佢呢？」
內容你都睇得好清楚啦，所以逢星期五或者星期一，我都會定時定候收到呢個朋友打電話或者WhatsApp嚟吐苦水，好理解佢面對嘅壓力同埋苦惱，自己都曾經有下屬係咁，call sick call得更誇張都見過，有時我覺得只要佢做得掂啲嘢就夠喇，不過老細成日見到嗰位同事請病假會畀說話我聽，其他同事見到又以為你大細超，當時夾喺中間都好難做。
我識咗呢個朋友好耐，雖然大家行業唔同，但一樣係由低做起，我哋後生嗰陣都試過扮病唔返工，記得有一次圍內幾個friend即興飛台灣睇show，仲要係呢個朋友負責買飛嘅，星期三confirm，我星期四下晝已經喺公司扮暈扮嘔，當時個line manager仲叫我早退，我交足戲呀：「唔...唔好喇，ok嘅，好多嘢做，做埋先，聽日再係咁先請假啦！」影壇真係欠我一個交代。
後來大個咗識得生性，又有一次病到七彩call sick，然後收到同事WhatsApp：「喂，阿頭唔信你病呀，佢話你一定係拎假去見第二份工喎！」當時真心激到發顛，但又傷風感冒臥病在床。同樣嘅情況，我呢位朋友都試過，佢當年仲話：「其實呢啲阿頭點解要咁多疑？即係佢哋都知份工唔好啦，與其猜度人哋請病假去見工跳槽，不如實際啲加人工留人咪得囉！」
所以聽到我朋友今時今日咁忟憎，我會同佢講：「記唔記得我哋以前扮病又有，真病又有，好上司又遇過，疑心重過你女朋友嘅上司都遇過？」
「記得，喂，不過都唔係每星期請一次病假咁離譜吖。」
我：「頻率點先算係高，個標準真係好難定，分辨真病定扮病唔係我哋嘅工作範圍，有時要幫啲細嘅諗下，係咪呢份工有啲咩係佢唔想去面對呢？如果真係成日都病，又係咪要搵啲方法增強免疫力呀？呢排流感好犀利，出街唔戴口罩搭程巴士都隨時中招，冇人想成日唔舒服睇醫生既。」
「咁我下星期捉佢入房了解下啦，次次佢請假都要其他同事執手尾，其他人已經有怨言㗎喇。」
我：「婉轉啲，關心下同事，叫佢食下維他命C啦！記得soft啲呀！後生仔女係咁㗎喇，我哋都年輕過。」
「呢個下屬年紀大過你同我喎！」
我：「......咁嘅情況......其實做嘢交唔交帶？身體好定唔好？又真係同年齡冇關嘅，不過一樣可以食維他命C，提升同維護免疫系統功能，仲有預防傷風呢啲嘢，係人都需要㗎啦！何況就嚟過年，大家都唔好病呀，兜個圈介紹隻 #Jamieson 畀佢啦，呢隻天然長效維他命C經特別配方製造，仲係Made In Canada𠻹 ，而且可以喺人體內持續發揮作用，萬寧、屈臣氏、華潤堂同埋指定藥房有售。」
「嘩，想佢注意下唔好請咁多病假啫，又要兜個圈介紹隻維他命C畀佢，又要提佢增強免疫力去預防傷風，做人阿頭甚艱難。」
係咁㗎喇，你做阿頭份糧多過人，唔使你做呀？我介紹 Jamieson HK 呢隻咁好嘅維他命C畀你哋，都係兜咗個大圈說故事啦，等大家上心啲吖嘛，就係因為搵食艱難，我哋一個二個更加要注意身體健康，唔好下下都要病先走去睇醫生，預防永遠勝於治療呀！
#Jamieson #加拿大No1品牌 #加拿大製造 #病咗就休息一下 #夾心階層的秘史 #做人啊頭唔係咁容易 #新年流流唔好病 #新一年大家要健健康康 #鼠年健康 #新年睇醫生都麻煩 #病咗先嚟食維他命C太遲喇
