關於 hkfoodie_life_馬卡龍 ，我們在網路上蒐集到這些相關的討論、資訊與評價

📍ʜᴀɴɢ ʜᴀᴜ, ʜᴏɴɢ ᴋᴏɴɢ 🇭🇰
<台灣殿堂級可頌又有新口味推出 八月堂>
雖然小編之前已經幫襯左兩次，都已經將佢哋嘅常規口味可頌全部試過晒😳不過新店開張之後佢哋又出多咗五款新口味，所以今次就特登去試下佢哋😙
-
🍴紫薯芋泥可頌
評分：7/10
可頌中間唧入左滿滿既芋泥，再喺可頌表面灑上紫薯粉😯製作出呢一款台灣味十足嘅可頌🤗
可頌一開始入口會食到有陣陣嘅牛油香味，其後先會食到淡淡既芋頭😉不過食落就真係唔太食得出有紫薯味😂估計都係以點綴為主。入口口感方面，可頌貫徹一貫香脆嘅口感，而且中間嘅芋頭蓉本身都唔係打得特別碎，所以入口依稀會食到有少少芋頭粒😝不過可頌入口整體感覺偏向比較乾身，應該係個芋頭蓉影響嘅關係🤔
價格：HKD $20
-
🍴香蔥味噌可頌
評分：7.5/10
可頌入面放滿左蔥花、味噌同芝士粉🧀，然後再以芝麻喺可頌表面作點綴🤪
可頌入口有好香嘅牛油香味，其後先會慢慢帶出有少少味噌同芝士嘅鹹香味😝最後先食到有清爽嘅香蔥味。而入口口感方面，呢款可頌嘅口感就較為一般😅應該係由於入面放滿左蔥花嘅關係，所以都食嗰陣可頌入口嘅質感都已經變淋左🧐不過成個味道上嘅配搭就確實有驚喜。
價格：HKD $19
-
🍴炙燒明太子可頌
評分：7/10
可頌既表面同裏面都抹上咗明太子醬，成個配搭都帶有濃厚日式風味😍
可頌入口口感香脆，帶有淡淡的牛油香味，而且入口食落有少少辣辣地咁，非常特別😝而且明太子嘅鮮味都幾突出，雖然成個配搭出嚟未至於話好驚為天人🤔但都比小編上次食嘅時候好味左少少😎
價格：HKD $18
-
🍴榛果馬卡龍可頌
評分：7/10
可頌上有榛果醬、榛果粒、馬卡龍粉，焗香後再撒上糖霜點綴🥳
可頌入口口感一啲都唔香脆，而且內皮偏厚😅同「馬卡龍」呢三個字真係唔太扯上關係😔而且依個可頌裏面其實冇內餡，唔係太食得出有榛果醬嘅香味🤫只係表面有少少糖霜，入口食落甜甜地咁，而且表面香脆既榛果粒亦都稍為豐富成個可頌嘅口感😎雖然隱約食得出有少少杏仁嘅香味，不過整體來講都有啲失望🤭
價格：HKD $22
-
🍴牛奶糖可頌
評分：7/10
可頌入口有好香嘅牛油香味，不過要好仔細品嚐先可以食得出有牛奶糖嘅香味😳但可頌嘅味道亦都唔會太甜。而可頌中間嘅牛奶糖醬份量其實唔算好多，只有薄薄一層😐所以可頌入口食落個牛奶糖香味確實比較弱。整體來講，雖然呢個配搭聽落確實好吸引🤤不過出到嚟嘅製成品確實有啲落差，所以都有少少失望😞
價格：HKD $22
-
🍴焦糖布丁可頌
評分：8/10
原味蜂巢可頌當中加入幼滑卡士達醬，放上Q彈布丁🍮後再唧上太妃焦糖醬🍬。
呢一個配搭其實小編一直都好想試🥰估唔到而家終於都試到啦！香脆嘅可種配搭上滑溜嘅布丁，兩種唔同嘅口感形成咗強烈嘅對比，非常特別☺️而且布丁可頌入口有非常重嘅雞蛋布丁香味，雖然就唔係太食得出可頌本身嗰種牛油香味，但成個配搭都非常創新😳而且配上左太妃焦糖醬，整個焦糖布丁嘅味道還原到就更加高，所以真心係有驚喜嘅，可以一試😎
價格：HKD $23
——————————
店舖名稱：八月堂
環境：4/5
服務：4.5/5
地址：坑口重華路8號東港城商場1樓162號舖
交通：港鐵坑口站B1出口，步行約5分鐘
——————————
#hkfoodie_life_坑口
附近鐵路沿線仲有咩食👇
#hkfoodie_life_將軍澳綫
同類型食物嘅介紹👇
#hkfoodie_life_麵包
．
．
．
．
．
#croissant #hazukido #twfood #台灣美食 #八月堂可頌 #可頌 #八月堂 #牛角包 #牛角酥 #麵包 #パン

📍Hong Kong 🇭🇰
<超COLOURFUL馬卡龍 AnotherStoryByAnotherBaker>
Another Story By Another Baker絕對係近期小編最鍾意嘅網店之一。佢哋喺五月份就推出左一個限定嘅茶味馬卡龍禮盒，個人都覺得幾特別下，至少有啲味道係平時喺市面比較少見。
🍴茶味馬卡龍禮盒
評分：8/10
呢個禮盒裏面總共有6款唔同味道嘅茶味馬卡龍，每款味道各有兩粒，total有12件。雖然今次嘅馬卡龍出來的顏色就偏向比較屬於係earth tone色系，但影出嚟個效果一樣都係超級靚啊！
馬卡龍嘅口感依舊鬆脆，入口即化。而且唔知點解每次交收嘅馬卡龍裙邊都可以焗得咁靚。不過今次馬卡龍中間既butter cream就明顯比起之前做得更加幼滑，而今次嘅馬卡龍就冇左額外嘅夾心內餡，但茶味亦都十分突出。
1️⃣泰式奶茶馬卡龍
馬卡龍嘅茶味入口比較淡，相對奶味就會比較重，所以甜度亦都相對其餘五款較高，特別係中間嘅butter cream有好重嘅白朱古力味。而中間嘅butter cream唧成花花形狀，望落真係超級靚。
2️⃣印度奶茶馬卡龍
馬卡龍第一啖入口會食到幽香嘅茶味，其後慢慢食多幾啖就會食得出有好香好重既肉桂味，超級符合印度奶茶嘅特質。呢隻味嘅馬卡龍平時都比較少見，而且係印度奶茶上嘅還原度都幾高吓！
3️⃣俄羅斯商隊茶馬卡龍
呢一隻馬卡龍亦係平時比較少見既口味。馬卡龍入口有輕微嘅麥芽甜味，而且有好香嘅煙熏味，而嗰種煙熏味仲要停留喺個口腔裏面好耐，久久不散。馬卡龍嘅味道好有層次變化，都幾特別下。
4️⃣焙茶馬卡龍
馬卡龍中間嘅butter cream可以食到有好香嘅焙茶味同輕微嘅烘焙味，butter cream本身嘅甜度唔算太高。不過可能馬卡龍整體來講就會中和返大家嘅味道，唔會太甜，但又可以食到焙茶既香氣。
5️⃣抹茶馬卡龍
馬卡龍嘅表面有啲輕微焗過抹茶粉，增加抹茶嘅香氣。馬卡龍中間嘅butter cream有好香嘅抹茶味帶有少少回甘。不過成個馬卡龍尼講可能會偏向比較重甜味，唔會食到有回甘嘅效果，但都仲可以食到抹茶味。
6️⃣伯爵茶馬卡龍
尼一粒馬卡龍嘅顏色真係調得超級靚，有少許雲石feel。而且中間嘅butter cream目測可以見到有啲茶葉碎喺度，入口亦都可以食到有果香味。不過呢一款馬卡龍今次嘅味道就甜左少少。
價格：HKD $220
——————————
店舖名稱：Another Story By Another Baker
環境：-/5
服務：4/5
地址：-
IG：@another_story_by_another_baker
——————————
#hkfoodie_life_網店
想睇店舖其他既食評👇
#hkfoodie_life_AnotherStoryByAnotherBaker
想睇翻同類型既食評👇
#hkfoodie_life_馬卡龍
#hkfoodie_life_抹茶
．
．
．
．
．
#matchaholic #matcha #dessert #desserthk #macarons #hkigshop #hkbakery #earlgrey #macroons #milktea #masalachai #hojicha #伯爵茶 #奶茶 #馬卡龍 #網店 #甜點 #甜品 #抹茶 #抹茶控 #焙茶 #まっちゃ #マカロン #アールグレイ #チャイ #ほうじ茶

📍Macau 🇲🇴

其實今次試嘅呢兩款蛋糕都唔買小編最想試過隻，小編說想試嘅係雲呢拿士多啤梨馬卡龍個款，不過行左兩日都冇咁就算啦！希望下次有機會試到佢哋嘅馬卡龍款啦！
1️⃣草莓芝士
評分：6.5/10
呢件蛋糕個樣就夠晒靚啦，不過味道方面個人就覺得爭咗少少。其實小編研究左好耐到底中間嗰層係士多啤梨定係紅桑子？小編估計應該係紅桑子，因為佢嗰隻酸味好似😂上面嗰層係cheese，cheese做得好滑，不過個人就覺得漏咗少少。而最底果層就係海綿蛋糕，但唔知點解攞出黎食嗰陣好濕，唔知係佢本身係咁定係酒店嘅雪櫃唔夠凍呢？
不過食完之後小編只係有兩個字嘅感想「好漏」。
價格：MOP $38
2️⃣蘋果啫喱朱古力慕絲
評分：7/10
雖然呢件蛋糕嘅樣就冇上面嗰件咁靚，不過味道方面就較為有驚喜。首先朱古力慕絲係蛋糕裏面真係佔咗極大嘅份量，慕絲做得好滑，而且朱古力味好濃郁，成個口都係滿滿嘅朱古力味。而中間嗰部份就係蘋果啫喱，裏面有一粒粒嘅蘋果粒而且蘋果粒總係爽口架，同啫喱夾埋一齊食都幾特別下。雖然朱古力慕絲食得多會有少少漏，不過佢因為中間加左蘋果啫喱所以可以中和返隻漏。個人覺得呢款嘅配搭比較新奇同埋有驚喜。
價格：MOP $38
——————————
店舖名稱：Cacao Patisserie
環境：4.5/5
服務：4/5
地址：澳門高士德渡船街75號
分店：澳門氹仔埃武拉街469號麗駿軒地下K座
——————————
#hkfoodie_life_澳門
想睇翻同類型既食評👇
#hkfoodie_life_蛋糕
．
．
．
．
．
#cacaopatisserie #dessert #cake #cheesecake #cheese #valentinesday #情人節 #芝士 #甜品 #蛋糕 #情人節蛋糕 #芝士蛋糕 #鏡面蛋糕 #鏡面