關於 hkfoodie_life_中環 ，我們在網路上蒐集到這些相關的討論、資訊與評價

📍ᴄᴇɴᴛʀᴀʟ, ʜᴏɴɢ ᴋᴏɴɢ 🇭🇰
<屹立中環半世紀咖啡室即將結業 蛇竇>
早兩日蛇竇要結業嘅消息流出，小編就知道係時候要去試吓bookmark咗好耐嘅滑蛋叉燒飯啦😞因為再唔試就真係可能永遠都冇機會試😩不過可惜小編去到嗰日一早已經賣晒，可能真係有緣無份啦🥺但好彩是日最後一盤菠蘿包都俾小編試到，都算冇咁遺憾😉
樂香園係1950年代開業，聽聞因為當初環境隱蔽，吸引左中環嘅打工一族去蛇王，所以又有蛇竇嘅稱號😚店舖有兩大名物必試，分別係滑蛋叉燒飯同雞批🤫
-
🍴粟米肉粒飯
評分：8/10
雖然小編今次食唔到佢哋個滑蛋叉燒飯，不過粟米肉粒飯亦有驚喜。金黃色嘅粟米肉粒茨汁🌽鋪滿晒成個飯面🍚，非常吸引。味道方面，茨汁入口有好重香甜嘅粟米味😋而且目測粟米份量都算幾多，絕對係真材實料🤗另外，粟米肉粒嘅質感亦偏向比較杰身，撈飯一流😚雖然啲肉粒入口嘅質感就比較嚡口，不過入口仍然可以食得出有肉香味😝整體來講粟米肉粒飯真係非常好食，話佢係小編生平食過最好味嘅粟米肉粒飯一啲都唔誇張😎所以如果大家都同小編一樣同滑蛋叉燒飯緣慳一面，都可以考慮吓試吓呢個吖😁
價格：HKD $42
-
🍴菠蘿包
評分：7.5/10
菠蘿包🍍新鮮熱辣辣啱啱出爐，所以攞上手嘅時候仲係暖暖地架，嗅落亦都帶有少少菠蘿嘅香味😯菠蘿包入口估唔到真係食到有菠蘿嘅香味，而且麵包亦都比較大個😳食起嚟口感暨鬆軟又厚實，唔係空氣包，所以絕對抵食☺️另外，菠蘿包表面嗰層菠蘿皮會做得比較厚身，所以入口亦相對會比較脆😉整體來講菠蘿包絕對抵食，而且食到有菠蘿味亦都係驚喜位😚
價格：HKD $6
-
🍴熱奶茶
評分：8/10
熱奶茶☕️入口非常香滑，帶有濃濃嘅茶香味但又唔澀🥰香濃嘅茶葉味又會夾雜着有少少淡奶嘅味道，即使唔額外加糖都唔會覺得好難入口😙而且飲每一啖奶茶口腔都會留有茶葉嘅香味喺度徘徊，真係好好飲😌只可惜小編發現得實在太遲啦🤧
價格：HKD $18
——————————
店舖名稱：樂香園咖啡室
環境：3.5/5
服務：4.5/5
地址：中環機利文新街8-12號地下
交通：港鐵上環站E1出口，步行約4分鐘
——————————
#hkfoodie_life_中環
附近鐵路沿線仲有咩食👇
#hkfoodie_life_港島綫
同類型食物嘅介紹👇
#hkfoodie_life_港式餐廳
．
．
．
．
．
#PineappleBun #樂香園 #樂香園咖啡室 #蛇竇 #菠蘿包 #奶茶 #粟米肉粒飯

📍ᴄᴇɴᴛʀᴀʟ, ʜᴏɴɢ ᴋᴏɴɢ 🇭🇰
<中環夢幻花花茶飲店 T-Parc>
其實小編留意左呢一間茶飲店已經好耐🤫一直都比佢哋個花茶吸引着，不過每次去親嗰邊都會比其他茶飲店吸引左走😁所以就一直都冇試到🤥
T-Parc係一間本地品牌茶飲店，主打玫瑰花茶同奶蓋😊另外，店舖嘅出品亦主打冇茶精，冇奶精，而店舖使用嘅水果亦都係每日新鮮送到架😆
-
🍴T-Parc花花蘇打
評分：8/10
夢幻粉色系嘅花花蘇打係將玫瑰糖漿🥀、藍莓同蘋果🍎混合梳打水🥤製成，再喺飲品表面放上迷迭香同薄荷葉🌱及灑上玫瑰花🌹、桂花同茉莉花，絕對係花香四溢☺️
整杯飲品嘅present都非常夢幻🥰底層有個淡粉色嘅漸層，而且仲係表面灑上大量嘅乾花真係即刻心心眼呀😍飲品入口味道唔會太甜😆帶有淡淡味道香甜嘅玫瑰糖漿味道😋而梳打水個氣量亦唔會太重，飲完之後唔會覺得有野頂住頂住咁😎而且飲品入面亦都加入咗少量生果，絕對係口感豐富😚睇得又飲得。飲品攪勻之後仲會多咗一浸獨特嘅迷迭香味道，令到成杯飲品嘅味道層次變得更加豐富😁整體來講個人覺得呢一杯蘇打都幾易入口😉雖然加入左玫瑰糖漿，不過飲品味道亦都唔會太甜🤔而且飲品既present真係靚到爆燈😳
價格：HKD $34
-
🍴熱帶水果茶
評分：8/10
以熱帶水果做嘅茶飲確實比較少見，飲品裏面加入左菠蘿🍍、香蕉🍌同檸檬🍋打成，再混合四季春茶🍵沖製而成，最後再喺茶飲表面放上菠蘿同薄荷葉🌱做裝飾。
平時都好少聽到有人會將香蕉加入到茶飲裏面，一開始聽到嘅時候小編都覺得怪怪地🤐不過原來飲落又幾特別喎😯飲品入口除咗可以品嚐到香濃嘅四季春茶茶底味之外，亦都可以食到有一絲絲酸甜嘅菠蘿肉😝而最特別嘅就係飲品居然仲可以食到一粒粒香甜嘅香蕉肉添😜飲品除咗口感豐富之外，味道上嘅變化亦係非常特別，先係飲到香濃嘅茶底味繼而再食到香蕉肉同鳳梨肉😁成個配搭都非常意想不到。雖然呢個配搭聽落就怪怪地😏不過入口味道反而就帶有少少驚喜，相對就比較特別😎
價格：HKD $34
——————————
店舖名稱：T-Parc
環境：5/5
服務：4.5/5
地址：中環威靈頓街83號地舖
交通：港鐵中環站D2出口，步行約6分鐘
——————————
#hkfoodie_life_中環
附近鐵路沿線仲有咩食👇
#hkfoodie_life_港島綫
#hkfoodie_life_荃灣綫
同類型食物嘅介紹👇
#hkfoodie_life_茶飲
．
．
．
．
．
#tparc #tparchk #水果茶 #梳打 #玫瑰氣泡飲 #氣泡飲 #氣泡水

📍ᴄᴇɴᴛʀᴀʟ, ʜᴏɴɢ ᴋᴏɴɢ 🇭🇰
<台北超夯的清新系茶飲登陸香港 不要對我尖叫>
近呢一年台式茶飲店越開越多😎特別係專賣黑糖珍珠鮮奶，飲到小編都覺得有啲厭🤫所以又係時候要𨍭飲返啲清新系嘅茶飲🥰
不要對我尖叫，日常茶間 係一間由台灣藝人丫頭主理嘅茶飲店😯之前喺台灣每日可賣出近千杯飲品，絕對係台北嘅人氣茶飲店之一😊店舖嘅飲品主要可以分為五個系列，分別係：老茶莊配方、鮮奶茶、氣泡飲、咖啡☕️、可可牛奶。
-
🍴冬瓜菊花地瓜芋圓［半糖微冰］
評分：8.5/10
冬瓜菊花係店舖嘅人氣飲品之一，飲品由菊花蜜🍯、冬瓜茶同小菊花🌼沖制而成。另外今次小編仲加咗地瓜芋圓，店舖主打嘅爆漿珍珠小編今次就買唔到啦😞
雖然飲品個名聽落就比較普通，但攞到上手打卡一樣好有效果😏飲品竟然都有兩層漸變顏色😍飲品入口味道香甜☺️但有淡淡冬瓜茶同清甜嘅菊花味。地瓜芋圓入口雖然冇地瓜又冇芋頭味😅不過口感都叫做煙煙韌韌，同個冬瓜菊花嘅味道都幾夾😝而且茶飲本身個味道同地瓜芋圓都幾匹配🤔所以佢亦都瞬間成為左小編最愛嘅飲品之一🥰
價格：HKD $18（冬瓜菊花）+HKD $6（地瓜芋圓）
-
🍴莓果洛神氣泡飲
評分：7.5/10
呢杯飲品亦都係店舖嘅人氣之選😉店員首先加入莓果醬🍓同梳打水，再喺飲品嘅表面放上兩大朵洛神花同檸檬片🍋。
飲品同樣做左個漸變效果出黎🥳不過今次就係紫色，會比較夢幻😳飲品入口明顯飲到有酸酸甜甜既莓果味同偏淡既洛神花味🤔雖然小編今次冇調整個甜度，但入口既味道都已經啱啱好🤗有機會同店舖唔係用蜜餞洛神花沖調有關。而且飲品入口都算係幾夠氣😚另外飲品表面放上左半片檸檬🍋，亦都令飲品本身嘅味道更加突出，配色亦更加靚😍
價格：HKD $26
——————————
店舖名稱：不要對我尖叫，日常茶間，
環境：5/5
服務：4.5/5
地址：中環擺花街23-19號中環大廈地下H號舖
交通：港鐵中環站C出口，步行約3分鐘乘搭行人扶手電梯於第二個出口，再步行約2分鐘
——————————
#hkfoodie_life_中環
附近鐵路沿線仲有咩食👇
#hkfoodie_life_港島綫
#hkfoodie_life_荃灣綫
同類型食物嘅介紹👇
#hkfoodie_life_茶飲
．
．
．
．
．
#twfood #DontYellAtMe #台北美食 #不要對我尖叫 #不要對我尖叫日常茶間 #日常茶間 #冬瓜菊花 #莓果洛神氣泡水 #台式飲品 #タピオカ