Search
黨鐵呢間公司真係幾神奇，手機八達通拖了又拖，拖到天荒地老，好唔容易等到三叔同蘋果終於用到，就爭在另一主流陣營 Google Pay 未用到。但黨鐵就係偏偏唔同資安算係做得好啲嘅 Google 合作，而先同华为合作，預料明天推出。
咁啱又得咁橋，啱啱先有消息話，有人建議用八達通追蹤個人行蹤去搞跟蹤監控抗疫，而家又整個华为 Pay ＋ 八達通，到底資料點用，會唔會打通埋「安心上路八達通」，真係唔知道。
遲啲嚇到大家唔敢用八達通，黨鐵就真係得不償失。
不過，畢竟用得华为，其實都應該唔太介意啩，佢哋連华为都用得，分分鐘大番你轉頭：「我行得正企得正，誰怕誰？」
近年喺香港可以使用嘅電子支付方式越嚟越多，好多朋友都好似我咁睇優惠做人。銀聯 Unionpay 近嚟就大力推廣「雲閃付」服務，除咗大家熟悉嘅將銀聯卡加入 Apple Pay 之類嘅 NFC 支付之外，亦都可以透過手機應用程式使用銀聯二維碼支付。
喺 2020 年嘅 1 月，只要用銀聯二維碼喺香港嘅 7-11 便利店買嘢，HK$25 就可以即時扣減 HK$10，相當於高達 6 折優惠！不過每日只限用一次。你可以去 Google Play 或者 App Store 下載銀聯雲閃付手機應用程式，揀「新用戶註冊」、輸入你嘅手機號碼、跟住你就會收到驗證碼、最後設定埋 App 嘅密碼就OK喇！
綁卡方面，你可以去「財富」入面揀「立即添卡」、之後影相或者人手輸入你嘅銀聯卡資料，之後跟住提示完成加卡嘅程序。不過要留意嘅係，截至 2020 年嘅 1 月，只有呢啲銀行嘅銀聯卡先至可以加入程式㗎。
俾錢嘅方式就同 WeChat 同埋支付寶大同小異，你可以揀「付款碼」、之後俾個 QRCode 收銀員掃描就OK！ 你亦都可以透過掃描商戶嘅二維碼完成付款嘅程序。
《Z世代達人》
麥卓華
好多人都有個錯覺，覺得QR Code支付就等同 WeChat 同支付寶，不過近來我去到台北都見到Visa大肆宣傳緊佢地新推出嘅QR Code支付服務，究竟點用法？等我一齊同大家睇下！
今次Visa喺台灣推出嘅QR Code支付服務，符合國際規格，即係話用戶除咗可以喺台灣使用之外，將來可以喺其他地區以同一個技術「跨網」俾錢，絕對唔輸蝕俾一般信用卡架！
只要係指定銀行或者手機錢包嘅用戶，就可以將手上嘅Visa卡綁落相關手機理財或者手機錢包嘅App入面開始使用。根據介紹，用戶只需要喺購物時打開手機錢包，之後掃描商戶展示嘅QR Code同埋輸入要付款嘅金額，再經過認證就搞掂！
你可能會話，點解已經有NFC手機支援Apple Pay、Google Pay甚至Samsung Pay，仲要用返感覺上比較原始嘅QR Code呢？ 相信Visa係希望透過QR Code支付，將手機錢包呢個方便嘅功能帶俾用唔到Google Pay或者Apple Pay呢類NFC錢包嘅Visa用戶，藉此擴大市場佔有率。同時商戶亦可以透過手機做卡機，降低銀行同埋商戶嘅成本，每單交易服務費用亦可望降低。
《Z世代達人》
麥卓華
喺香港，新一代嘅超市都有自助結帳嘅服務，但好多朋友都同我反映，自助收銀機功能有限，如果有新鮮食物、或者要用禮劵、用唔同嘅方式夾埋俾錢、都做唔到，變咗有等於無。
最近我在澳洲，大部份嘅超市都有自助收銀系統，而且功能齊全，一齊同大家試下！ 今次我來到呢間Woolworths 超市，除咗買咗啲日常嘅雜貨之外，仲揀咗部份新鮮食品，有啲逐件計，有啲就要按重量計價。睇下點用先，首先試下呢5個蕃茄，先將貨品放在呢個有磅重功能嘅條碼掃瞄器上面，再在畫面上面揀Tomato，咁就OK！薯仔亦都一樣，放上個磅之後，揀番Potato，之後幾件以重量計嘅商品都一樣！
當你輸入晒所有嘅貨品之後，你就可以結帳！ 同香港唔同，呢度嘅系統除咗可以收信用卡之外，仲可以收現金、禮券、或者混合使用！先試下用Apple Pay先，一嘟就OK，唔錯。好喇，我又買多次嘢，試埋用現金，只要將錢放入下面嘅紙幣同埋硬幣機，好快就會收到找錢，完成付款嘅程序，相當方便！
不過最令我覺得方便嘅，係澳洲兩大超市集團 Woolworths 同埋 Coles 在大部份分店都已經裝咗呢類自助收銀機，而且每間嘅收銀機數量都係相當多，大部份選擇自助付款嘅客人都唔駛排隊就可以俾錢，加埋咁齊嘅功能，先有誘因吸引客人多加利用，超市慳咗人手，客人亦慳咗時間，一舉兩得！今集講住咁多先，再見！
Z世代達人
麥卓華
google pay點用 在 Youtube Premium VPN 教學｜2分鐘訂閱印度、阿根廷最便宜 ... 的必吃
... <看更多>