【長文慎入 — 點解係微軟買TikTok 數微軟同中國曖昧史】
美國主要科技公司能夠喺中國經營嘅，冇幾多間，微軟（MSFT）其中極少數，旗下產品包括Linkedln、Skpye同埋Bing搜尋器都可以用到（審查版），而唔係Google嘅404 not found。你知我知，美國白宮貿易與經濟事務顧問Navarro亦都知，準備好晒去招呼微軟，同CNN嘅訪問數返微軟點樣幫中國政府做審查，彭博亦都以此為題跟進微軟同中國嘅悠長歷史。
故事要返返去1992年，即係中國改革開放冇幾耐，微軟初次踏足中國市場，第一樣做嘅生意係幫中國政府部門裝電腦，當然就係具有中國特色操作系統，配合佢地嘅審查制度。
甚至乎係近年嘅Cloud，即係Azure，喺2013年透過一間叫世紀互聯（VNET）做代理成功喺中國運作。
Xbox亦都係啦，可以喺中國賣，不過有留意最近新聞都會見到Xbox One中國版已經被鎖區，而個前因後果係中國合法上架嘅遊戲少至有少，所以佢地都會轉server去外國下載遊戲，之後喺3月篤灰潮之下先至禁埋轉server，從此無得連去外國。
Navarro喺CNN嘅訪問入面就講到「解放軍同中國政府用嘅軟件係邊個嘅？微軟」，指責微軟作為一間美國企業，透過幫中國做審查例如Bing同Skype，賺取數以十億計嘅利潤。佢就話如果微軟想買TikTok啦喎，咁你就應該放棄中國市場（divest its holdings in China）。FYI，微軟講過中國市場只係佔全球生意入面嘅1.8%。（參考2019年年報，1.8%國際市場就大約係12.5億美金）
睇返都叫做係同業嘅Google，講過Don’t be evil，就係2010年撤離中國市場，曾經為中國度身訂造嘅搜尋器Dragonfly最終喺一片抗議聲之中終結。而Facebook呢，任憑朱生有幾努力討好中國，都仍然唔俾你入去。
從過去嘅歷史入面可以睇到微軟應付中國政府就係有本事，甚至另一邊同華盛頓關係一樣keep得好好，最近嘅美國國防部100億雲端合約就係畀咗微軟，而唔係market leader Amazon個AWS。
咁你話微軟係咪比得錢多落去Lobby呢，又唔算特別多，參考OpenSecrets數據，2019年用咗1,000萬美金左右，然後就係甲骨文Oracle嘅820萬美金同埋高通Qualcomm790萬美金。以微軟市值1.6萬億市值去睇件事，又唔可以話特別多過人。
講咗咁多，其中一個幾肯定嘅結論就係，TikTok單咁L複雜難搞嘅Deal，除咗微軟有機會做得成之外，其他人唔使諗太多。而如果連微軟都唔搞，剩底最大嘅可能性就到Trump直接ban咗佢。咁而家就話仲有45日可以玩，市場反應呢一刻就樂觀啲，炒起咗先算。BTW，MSFT尋日升5%，市值多咗880億，個數夠買TikTok有突。
google keep電腦版下載 在 google keep下載2023-在Facebook/IG/Youtube上的焦點新聞和 ... 的必吃
Google Keep 是一款相當好用的網頁雲端記事本，共推出Android,iOS手機和電腦網頁版本，可以進[…] Google Keep - 記事和清單安卓下載，安卓版APK | 免費下載 · https://m. ... <看更多>