【Futsal 封阻應用】
Futsal 守門員技術上，有幾個技巧應付單刀或近距離射門。呢類嘅封阻可以喺極近距離嘅情況下做出最大嘅封阻空間🙌🏻
可能有啲朋友睇得迪基亞或者外國波，即使學左個動作。但未能透過該技術增加成功率。喺應用該類技術上有一定限制。
1️⃣向前收窄距離 (基本單刀概念）
施行呢類技術最大嘅限制係距離，對腳伸到盡，只要自己同對手距離唔夠近，對方射門角度大。你睇到外國球員距離遠少少都擋到，係外國球員有1.8m 1.9m 高。至少你同我都冇咁嘅身高。所以唔可以盲目將英超西甲嘅技能複製。要因應自己身高同距離，決定用用咩方法。
2️⃣預斷動作
搵到岩嘅距離就要預判對手動作，好多時單刀嘅時候，對手有兩個選項。1.）射門 2.）扭過龍門
而呢類動作必須準確判斷對手一定係射門，因為應用呢類技術機會只得一次。錯誤預判係絕對會被對手扭雪糕筒咁扭過。而呢啲動作係好難回身再補救。所以必須預判對手下一步嘅比賽行為。
3️⃣準備動作
同一般單刀嘅準備動作一樣，重心要低，膝頭微曲令腳踭唔好「釘死」喺地下。雙手張開並掌心向對手方向。準備隨時射門，即使射高都可以擋到。
4️⃣時機
當距離夠，一定係射門，有好嘅準備動作。其他就要睇住對手出腳時就落腳，因為好多時諗住捉路而過早落地，有機會令對手改變角度。所以要透過觀察及經驗判斷出腳時機。
5️⃣柔軟度
呢個動作對下肢嘅柔韌性有一定要求，要將髖關節、臀部、後腰及大小腿肌肉做出大幅度伸展。平時要有足夠伸展去增加柔軟度。而且足夠熱身去拎血管膨脹，將更多氧份帶到所需要嘅肌肉及關節。所以要平時要多做伸展，減低肌肉拉傷嘅機會。
總結
喺7人場較多機會應用到5人守門員技術，當中呢個只係一個比較常用。但當中只係包含太多細節，所以只將一啲因素同大家分享。要記住我地同職業球員唔同，唔可以日日練波，亦冇人地咁快同咁好身型。所以當見到一啲技術嘅時候，係唔可以完全照做，因應唔同情況及需要去運用。呢啲絕對係練習同經驗累積番黎嘅成果。當然如果有咩問題或意見都歡迎提出，可以同大家交流一下。如果有興趣想接受守門員訓練，都歡迎同版主聯絡。
#Futsal應用 #futsalgoalkeeper #futsalskills #實戰應用 #封阻 #blocksave #守門員訓練 #守門員技術 #守門員裝備 #goalkeepertrainer #goalkeepertraining
goalkeepertrainer 在 The Goalkeeper Trainer - Facebook 的必吃
The Goalkeeper Trainer. 6213 likes. Dear visitor, Welcome to this site. A site for goal keeper trainers of all levels. A place to learn more about this... ... <看更多>