Search
Gimme 5陪著我成長，
亦可能陪住某啲聽眾長大。
曾經有一位小妹妹，
佢小學就聽我地節目，
間唔時我都收到佢嘅留言，
喺電台活動亦都有碰過面。
後來，佢講過升中比較忙，
少聽咗電台。
當時無為意，
覺得每個階段都是人來人去，
成長後當然有不同的世界，
所以也不介懷。
但係有一日，
佢話俾我知佢會去外地升學，
打算選修同媒體有關嘅科目，
而原因係細個聽我地做節目，
令佢都想做相關行業。
我知道之後嘅反應係：唔係呀嘛？！
你明唔明我有幾震撼？！
我影響咗一個人嘅選擇！
雖然我唔知佢揀得岩唔岩（我真係好驚害咗佢），
但呢件事一路都提醒著我，
電台嘅聲音唔止陪伴，
仲有可能一點點地成為了啟發別人的小種子。
另一方面，
多年嚟聽眾們喺節目分享嘅故事經歷，
寫俾我嘅文字（如圖中的小信箋），
送嚟嘅小心意，
通通亦在這些年來在我的心裡萌芽，
同樣地啟發了我的思想，
也在身上植根了很多愛，
全部我也珍而重之。
至於只在收音機旁邊靜靜聆聽的你，
我也想謝謝你，
因為沒有你們，
我甚麼都不是。
#待續 #gimme5 #gimme5回憶錄 #神奇之旅 #聽眾篇 #多謝每一位 #倒數第三日
Gimme 5 開播以來經歷過5個朝代：
我+Eric /
我+Eric +的神/
我+Eric+波盛/
我+波盛/
我+波盛+方梓豪/
總括嚟講，喺呢個節目入面我都係「俾仔圍」。
其實⋯⋯我幾鍾意，哈哈！
（放心，我地無人愛上過對方，男同男，男同女都無。）
喺一班男人之中，一聽女聲就知係我：
又可以獨霸女人仔角度；
同男仔做野可以好直接，
同埋講到尾，
呢班合作過嘅男伙伴都好有風度，好照顧我。
兩個字：著數。
曾經我同波盛嘅二人時代要加番個人時，
其實我地都考慮過一個女生。
當時好似波盛有問過我介唔介意，
咁嗰時覺得個女仔幾有趣，
而且係爽朗type，
又有啲我地無嘅特質，
都無咩考慮係男定女呢回事。
（不過電台好似都係男多女少）
可惜我地揀人時人揀我地，
最後對方拒絕咗⋯⋯
繼續無人同我爭風呷醋，
但就造就到方梓豪嘅加入。
我發現的神 @tiksanf ，波盛 @ballshing 同梓豪 @tszhobaba 呢三個後期加入的主持
都有一個共通點—有觀眾緣。
三位分別都係加入好短嘅時間就已經被聽眾們接受。
或者聽眾挑通眼眉，
深明二人組合點都唔夠三角關係過癮。
係嘅，三個人組合起上嚟嘅企位同打法可以多元化好多。
有時可以兩個恰一個，
有時可以兩個爭一個，
有時可以扮歸邊，玩投票，
一個唔小心動真火，仲可以有個和事佬。
至於有無動過真火？
咁你要問哂五個人，
聽哂五個人講可能先歸納到答案。
不過，
歷年來出現在我身邊嘅拍檔都確實有過人之處，
彌補了我嘅不足，又完整了節目。
或許，
冥冥中上天都會派遣一些你需要在他身上學習的人，
停留在側的時間未必很長，
但都有其因由。
感謝與我廣播的男孩們。
#待續 #gimme5 #gimme5回憶錄 #神奇之旅 #拍擋篇 #見拍檔多過見屋企人 #有時offair係唔講野 #因為每日都真係傾咗好多野
#有諗過其實咁耐以嚟佢地都當咗我係男人 #倒數第四日
最後一星期嘅Gimme 5，
想每晚來一點小總結，
當成是最後的紀錄。
Gimme 5是我在電台第一個的weekday節目。
當初是怎開始已經不算是甚麼秘密，
直白點說就是因為當時電台啲大人傾唔掂數，
臨時取消了原有節目，
又臨時拉伕，拉了我和Eric 上馬。
仲記得當年我好頹廢，
日日瞓到成十一二點。
就喺還睡眼惺忪之際，
收到了副台長急召，
心諗：死！我係咪做錯咩？
扮精神應對兩句，
一收線即刻刷牙換衫仆番電台。
下一格菲林亦係成件事最深刻印象嘅一幕。
眼前畫面好似睇戲咁：
主觀鏡行入會議室，
大頭Zoom住老細個樣，
然後老細個嘴好似slow motion咁對住我講咗一句：
有信心下午5點做節目嗎？
痴線，點會有信心？
個節目做咩？個節目名叫咩？
係咪度咗名即刻做sigtune先？
定度咗節目方向先？
點搵嘉賓？開節目要點同聽眾交待？
無人幫到我地，
因為電台入面基本上每個人都係有野忙緊，
類似就係陸續有人掉低咗「加油，得架你地」
之類嘅說話就由我地「自由發揮」。
就喺毫無預警，
正正如wiki所寫「首播前並沒有任何宣傳」
的情況下，
Gimme 5用咗幾個小時就誕生咗。
而聲稱有信心嗰兩個節目主持人就喺好無信心嘅心態下做一個聲稱「為人打氣」嘅節目，
世事何其諷刺。
回過頭來，
我還是十分感激當初上司來得突然
卻又改寫我廣播生涯的提拔。
要知道當年電台想插個位做weekday節目
並不是容易的事，我連諗都未敢諗過。
所以，
在此再三多謝 @djv115 ，CY ，@platolai
喺「DJ生還者」呢個比賽入面，
由零開始帶我認識廣播的一些基本功。
還有，真要感謝梁奕倫先生。
喺我剛剛完成DJ生還者嘅時候就俾機會我參與
「輪住嚟試」呢個紅牌節目。
嗰時交環節之餘，有時仲可以行入直播室插兩嘴，
已經開心到無人有。
某程度我幾享受呢段「做細」嘅日子，
或者係咁，
我反而嫌「跟大佬」嘅日子太短，
到而家都好唔長進，
心底仲留戀做「妹妹」嘅角色
（年齡/心境/工作也如是）。
也因為這緣故，
曾經有人說我是承繼了梁奕倫的時段，
但其實在我心目中，
根本我就是學師未滿（半滿都無），
跟這位前輩相提並論是侮辱了他，
更遑論「承繼」二字。
幸運地，呢個節目有個叫梁德輝 @ericleung_duckfight 嘅人。
佢比我有character,
比我聰明大膽，
比我更懂探索節目節奏⋯⋯
但，佢都只係比我叻嘅新丁一名，
但佢好似知道要帶住我（可能我當時個天然呆表情由聽到order一刻已經keep到開節目）。
唔係佢，
我諗我無咩可能可以捱到一個咁迷失嘅時期。
嗰時每日都係苦惱究竟我仲可以講咩講到兩個鐘？
人生第一次咁憎講野⋯⋯
（知道佢離開了一至五的行列，但發掘了他的健身世界和行業，祝福一切順利。）
嗰時好似日日都有聽眾鬧我地，
甚至好有心特登fax嚟鬧，
好似出現喺呢個時段本身就已經係錯，
因為聽眾想坐喺直播室嘅唔係呢兩個新丁。
不過，好在我地無咩時間傷心洩氣，
剩係諗聽日要做咩講咩已經覺得人盡燈枯，
好快已經無在意啲人講咩⋯⋯
糊里糊塗的開了一扇門，
由一個個問號及問侯
開始了「Gimme 5主持人」的身份。
這就是Gimme 5的開端。
#待續 #gimme5 #gimme5回憶錄 #神奇之旅 #我覺得呢個故仔最好聽就係開頭 #未知嘅你一定唔可以錯過 #主持人好鐘意講唔好錯過
Videos · Play all · 天赐鸿福好运到- Jim陈满靖高鸿 · 四乐草-我没有错 · 四乐草-Gimme 5 · 2009年高三文商班-回忆录 · 2009日新独中全校舞蹈比赛S3A-《变》亚军 · 动起来Jim ... ... <看更多>
gimme5回憶錄 在 #gimme5回憶錄 - एक्सप्लोर करें | Facebook 的必吃
लॉग इन करें. लॉग इन करें. अकाउंट भूल गए? #gimme5回憶錄. #gimme5回憶錄. ... <看更多>