關於 foodiejobie網店 ，我們在網路上蒐集到這些相關的討論、資訊與評價

#foodiejobie小食 #foodiejobie網店 #foodiejobie日式 #foodiejobie #foodiejobie甜品
味道：🌕🌕🌕🌗🌑
抵食：🌕🌕🌕🌑🌑
.
《奢華矜貴的金箔蛋糕》
從前明月光，低頭思故香，相信日本係好多香港人懷念嘅故鄉。冇得去旅行嘅時候，又想應吓中秋節，可以考慮買呢款日本🇯🇵名店金澤萬久出品嘅「金箔蜂蜜蛋糕」嚟同親朋好友一齊品嚐，細味日本嘅風情。我打開個盒，畀佢鋪滿晒金箔嘅蛋糕嚇咗一跳，🌟點解可以咁奢華🌟，真係第一次見到全個蛋糕面都係😍鋪滿金箔！
仲要細緻到喺上面印咗一條條嘅金魚，感覺十分矜貴，呢啲拎嚟送禮一流🤣👍。
至於個味道呢，每一啖都係好甜嘅蜂蜜味道，真係好甜，但佢又唔係砂糖嘅死甜，真係有蜂蜜嘅味道，蛋糕好夠滋潤，再拌送一杯焙茶或者抹茶就Perfect啦。
.
📍網上超市：
@oisixhongkong

#foodiejobie網店 #foodiejobie中式 #foodiejobie
味道：🌕🌕🌕🌕🌗
服務：🌕🌕🌕🌕🌕
抵食：🌕🌕🌕🌕🌑
.
《❤️我愛芫荽豬肉水餃🥟！》
我平時都唔多食餃子，因為一直覺得餃子都係一式一樣，係好悶嘅野。
直到！😱我遇到呢間嘅新鮮手包餃子之後，先知原來自己之前一直無食過真正好食嘅餃子！💪🏻新鮮包一定係贏哂，但塊皮同餡嘅調味好緊要，直接影響你想食落去定唔想食。
而呢間餃子網店佢一開始比我試食咗佢6款不同水餃同煎餃（但我食哂之後自己比錢再買多4盒！），佢d水餃皮加咗鹼水製作，質感超薄，👍😋入口好滑，佢全部款式嘅餡料都好新鮮，調味出色，個鹹味啱啱好，唔會覺得淡茂茂。
.
✅即刻介紹有邊幾款口味先！
👍我同男朋友一食，就食到停唔到，我最鍾意食佢嘅芫荽豬肉味！！！我食第一啖，真係嘩咗出聲‼️點解可以咁惹味㗎⁉️我本身就唔食芫荽嘅，但係平時都會食吓啲芫荽味薯片咁啦。但呢隻餃佢又無芫荽嘅臭青草味，佢係散發住陣陣嘅香，食完之後開始明白到點解啲人咁鍾意食芫荽。😝
👍而我男朋友就最鍾意食佢嘅鳳城水餃🥟，入面有蝦🦐，豬肉同埋爽口雲耳絲，材料豐富，好有口感，真係好好食！
👍我都好鍾意嘅係佢個白菜豬肉🥬水餃，真係冇得彈，唔明點解啲白菜可以甜到咁，平時都覺得白菜水餃係啲冇乜特別嘅嘢，但係食完呢間返唔到轉頭啊！
👍佢嘅韭菜🥬豬肉煎餃都係非常之正，煎餃嘅皮比水餃係厚身一啲，方便煎脆佢嚟食，佢嘅肉汁係Juicy到爆，真係會令人着迷！佢仲有水餃㗎，都係一樣咁Juicy！
👍鮮蝦雲吞🦐都好正，啲蝦又大粒又爽口，呢個配蝦子麵食真係天衣無縫啦！真係講起都好想食。
.
店鋪：
@hkdumplinger

#foodiejobie網店 #foodiejobie日式 #foodiejobie
味道：🌕🌕🌕🌕🌕
服務：🌕🌕🌕🌕🌕
.
《屋企都食到高級嘅和牛壽喜燒🥩》
疫情關係大家都一段時間冇得去日本🇯🇵，有冇掛住和牛壽喜燒！最近發現原來香港都可以食到好高級嘅和牛！
今次就食咗A4 薩摩黑毛和牛西冷8片(約350g ±20g)！
佢係日本嘅薩摩牛，肉味香濃，油分好夠重，加埋佢哋嘅自家制壽喜燒嘅汁去煮，真係極品，雪花脂肪分布平均，咬落去啖啖甘香，味道仲正過日山！！！A4和牛都咁正，真係想像唔到A5同A5+會係點樣啊！！！😍😍😍以後只想食呢間！！！！真係十級推介，鍾意食壽喜燒嘅人一定一定要試吓！！！！
.
❤️佢呢個壽喜燒套餐相當豐富，仲包括咗：
-薩摩黑毛和牛牛脂
-二人份野菜盛合（京蔥、冬菇、日式燒豆腐、芝士竹輪😍、蒟蒻結、油揚、春菊、大白菜）👍👍佢啲菜好新鮮好靚！
-自家制壽喜燒醬汁1枝
-日本無菌蛋2隻👍👍蛋味極濃郁！
.
店鋪：
@nikuya_hkofficial 🥩