Search
#foodiejobie西鐵線 #foodiejobie中式 #foodiejobie中環 #foodiejobie紅色線 #foodiejobie藍色線
味道：🌕🌕🌕🌗🌑
服務：🌕🌕🌕🌑🌑
抵食：🌕🌕🌕🌕🌑
.
《❤️譚仔新出撈米線！》
麻辣汁烤雞炸醬撈米線🍜（$45）
雖然已經立咗秋，但都仲係又熱又焗，見譚仔第一次出無熱湯嘅撈米線，好啱依家嘅天氣食，咁就去試吓啦！
一碗有三款配料，雞件、炸醬、酸菜，咁啱全部都係我食湯米線會叫嘅餸！
厚切雞件肉質都滑呀，唔會乾，唔油膩。原來除咗炸醬之外，佢仲有秘製麻辣醬汁係入面。酸菜味道甜甜地，配埋濃味嘅醬汁食，香辣中帶點fresh，個配搭又幾開胃。
蒜椒雞腳筋（$27）
其實唔知咩係雞腳筋，原來係軟骨嚟，口感係爽脆，加埋雞皮，好有咬口。
伴菜仲有木耳，一次過食到兩款爽口開胃小食，$27都幾抵。
醬汁有蒜同辣味，幾惹味，呢款涼拌小食香港好小地方有得食。
凍海鹽柚子樂（$12）
食辣野最緊要配解辣嘅凍飲先夠爽，可樂加柚子醬同海鹽幾夾，酸酸甜甜咁。
.
店鋪：
譚仔雲南米線🍜
#foodiejobie中環 #foodiejobie廣東式 #foodiejobie藍色線 #foodiejobie中式 #foodiejobie
.
味道：🌕🌕🌕🌕🌘
環境：🌕🌕🌕🌗🌑
服務：🌕🌕🌕🌕🌗
衛生：🌕🌕🌕🌗🌑
抵食：🌕🌕🌗🌑🌑
.
米芝連兩星🌟🌟
米芝連餐廳嚟講，價錢唔算話好貴果種，普遍水準都高，服務態度好好！食緊嗰時已經話下次都要再食邊樣邊樣。
嗰日係兩個人食lunch，叫咗兩個餸會令成張單貴咗，如果唔係嘅話，只食點心就應該會平好多。
.
🍴迷你菠蘿焗叉燒包（$52/2件）
呢個一定要食呀，我而家已經講起好想食，佢個菠蘿皮係好酥脆❤️👍，裏面嘅蜜汁叉燒甜鹹適中，叉燒唔會肥，好好食！
.
🍴原隻鮑魚雞粒酥（$156/2件）
鮑魚係細隻嘅，呢個幾好食，鮑魚下面，同個批之間都有足夠嘅汁同少少雞粒。
.
🍴珊瑚芙蓉蝦球皇（$390）
有好多蟹肉同蟹膏，芙蓉蛋白好滑，好食👍。
蝦球好靚，好彈滑，夠大隻，切得好靚。
.
🍴脆香貴妃雞（$290/半隻）
食落似係用三黃雞去烹調，油分好重，食雞好滑，肉都煮得好嫩，外皮好脆，好食。👍
🍴XO醬脆煎腸粉（$88）
XO醬包圍成個外層，好夠味，外層好香脆
，裏面好軟熟，呢個整得幾好食，唔係度度都有得食，所以我推介要試吓。😋
.
🍴紅菜松露鮮菌石榴球（$52/2件）
呢個係裏面有啲松露呀，菇菌幾香咁樣，不過我覺得唔係話好特別，可以唔叫都得。
.
🍴瑤柱花菇滑燒賣（$52/2件）
正常燒賣都OK的，但龍景軒比較好食。
.
🍴YJ甜品set（$80）
一set包括有白眉椰汁紅豆糕、香蕉蓮蓉芝麻球、牛油果朱古力西米露，最特別係牛油果糖水底嘅西米露幾香滑，上面灑左啲朱古力粉係面，西米大粒有咬口幾好食。
.
🍴焗西米布甸（$55）😍
呢個食第一啖已經覺得話佢好食呀，佢除咗好香之外，蓮蓉香而不太甜膩，西米好大粒，有咬口，軟硬適中，下次會再叫！
.
🍴Seasonal drinks青檸汁（$45/1杯）
呢個普通啦，冇咩特別，不過嗰日好熱，所以就一人叫咗一杯凍飲。
.
我覺得兩個人食lunch叫咗咁多嘢食係有少少多，再飲埋茶，人均$7xx-$800。
.
📍餐廳：
營致會館 (中環)
中環干諾道中41號盈置大廈地下G05、107及108號舖
#foodiejobie中環 #foodiejobie日式 #foodiejobie藍色線
味道：🌕🌕🌕🌕🌑
環境：🌕🌕🌕🌑🌑
服務：🌕🌕🌕🌕🌑
衛生：🌕🌕🌕🌑🌑
抵食：🌕🌕🌗🌑🌑
.
🇯🇵有下次嘅中環人氣居酒屋❤️
佢嘅內外裝修都好有日本感覺，而裏面佢係黑蚊蚊嘅，有啲似酒吧，但又唔會好似酒吧咁嘈，幾relax，有少少旅行嘅感覺！
整體嘢食都唔錯，食咗幾樣都幾OK！
.
🍴Prawn Tempura（$158）
正常tempura，唔係話特別好好食嗰種，但口痕想食吓tempura都可以叫嚟食。但佢個汁做得好好，為整體加咗唔少分。
下次我想叫火燒牛油帶子！因為見到隔離枱叫咗，真係有火燒住碟帶子，waiter會一邊幫你炒熟佢，超重牛油香味搞到我好想食！
.
🍴Kimchi Udon（$228）
呢間餐廳嘅其中一樣signature烏冬，雖然有泡菜，但係佢唔辣嘅，因為溝咗好多芝士做咗個汁有啲似韓國餐廳食到嘅卡邦尼年糕嘅汁，d烏冬就好似舊年糕咁，係幾得意，但唔係話好食到有驚喜嗰種，但個感覺幾新鮮，好食嘅，所以我都會想食。
.
🍴Crispy Caramel Butter Corn（$98）
呢個其實見到個名已經好想食，用焦糖燒到佢表面香脆嘅牛油粟米，呢個係好推介要食，啱晒鍾意食甜野又香口嘅人！我下次去都會再食！
.
🍴Agedashi Tofu（$98）
呢個豆腐係因為見到隔離枱叫咗，見賣相幾好又幾香所以跟人叫。佢係一個極之濃味嘅汁，有好多菇碎，質地濃稠，好容易掛汁上去豆腐到一齊食，呢個都幾有特色。
.
🌟佢有個好多人叫嘅雪糕餡macaroon甜品，我好想食，不過嗰日冇叫到，好想下次去試吓。
.
📍餐廳：
Fukuro (中環)
中環伊利近街1-5號永利大廈地舖
#foodiejobie中環#foodiejobie廣東式#foodiejobie藍色線#foodiejobie中式#foodiejobie ... 中環干諾道中41號盈置大廈地下G05、107及108號舖. ... <看更多>
foodiejobie中環 在 Foodie.jobie - Home | Facebook 的必吃
#foodiejobie西鐵線 #foodiejobie中式 #foodiejobie中環 #foodiejobie紅色線 #foodiejobie藍色線 味道： 服務： 抵食： ... <看更多>