有讀者inbox文科生話有位中醫學生說文科生將中醫歸類為另類療法，暗示文科生貶低中醫，覺得中醫不是正規的醫療。
原來不太想回應，但我覺得咁樣無啦啦被屈心有不甘。
一路以來文科生講親中醫都會好小心，因為唔知點解有小部分的中醫師或中醫學生總是好玻璃心，動輒覺得西醫無時無刻都在打擊中醫的發展。
就算我寫到明話中醫西醫都是正統醫療，都可以同我上綱上線話我貶低中醫。
我成篇文都係講緊我當年睇完中醫西醫都搵唔出病因而要去搵另類療法（靈界媒人、符水、亞麻籽油導演、「隱世神醫」）等等。我邊一隻字邊一句有中傷中醫唔係醫？暗示中醫係另類療法？
又有人話跌打師傅不是中醫師
喂，大佬，咁個跌打師傅個診所成個中醫牌（骨傷科）掛係到，點樣又唔係中醫？
個中醫學生最後話文科生睇個西醫都一樣誤診，我有無講過話個醫生無誤診呀？我最後成段paragraph都係寫話醫生會誤診，特別在風濕免疫科的atypical presentation更容易出現。
除非你可以somehow做醫師/醫生做到sensitivity + specificity 100%，你先唔會有誤診的可能性。任何醫療，中醫、西醫都好，都一定會有誤診。如果你可以寫包單話自己從來唔會誤診，我諗下個諾貝爾醫學獎個得獎者就係你。
#highlight埋比你
================後記================
追擊緊文科生的中醫學生出咗新post。原來係講緊我之前一篇尿道炎瘋狂飲紅苺汁的文章的disclaimer講話中醫絕對有用處，但急症的話建議要及早求醫，無寫明求醫要求中醫/西醫。
當時文科生成篇文都係針對緊紅苺汁同素人父母荒謬的建議。原本諗住寫清楚唔係針對中醫，急症要睇醫生，唔係飲紅苺汁，但寫得衰的關係，令中醫的同學覺得我故意中傷中醫。係我寫得唔夠好。下次會好小心咁寫disclaimer
不過有趣的是，中醫同學cap我彩蛋篇文話我中傷中醫，但成篇彩蛋文章我都係講緊中醫係正統醫療。如果你想講尿道炎篇文咪直接講尿道炎文章囉，我點會估到你cap彩蛋篇文譴責我一輪原來講緊另一篇文，仲難捉摸過以前考評局中文閱讀理解😳
cap醫學中文 在 內科學筆記簿- #cap 每一個醫生都應該要透徹地了解肺炎 的必吃
cap 每一個醫生都應該要透徹地了解肺炎： Diagnosis and Treatment of ... 以後內科各次專科醫學會要制定指引時，是否應該要把副本送給其他的次專科 ... ... <看更多>