讀者投稿《短文四篇》
1. 燕窩達人奶奶篇
我陀B到6個月嘅時候,朋友提我可以每日食一湯匙嘅燕窩養胎。因為我同老公唔識買又怕比人呃,所以就請教99(佢一向有食燕窩的習慣,而且識人賣燕窩。)一問99,佢黑晒塊面話:咁快就要食喇!食到幾時?你去櫃度攞d囉!我全程無郁過,聽到佢咁講已經唔舒服,我諗住就算俾人呃都自己去買。點知老公就走去櫃度攞左包燕盞出黎,淨係敢揀d碎左嘅燕窩碎出黎,我含住泡眼淚返到自己屋企,叫老公唔好再好似乞兒咁攞燕窩喇。
大約過左一年,99發現乳房有硬塊要做手術,我提老公要同99講唔好再食燕窩,因為會養癌細胞,我自己唔會出聲,費事佢以為我謀住佢d燕窩。過左幾日,99打俾我問:你要唔要燕窩呀?我諗住俾d你補身。
xyzzzzhyyvsjfo-&;!;;@)!::@ 醒吖!由陀仔到生完咁耐,一d補品都無燉過俾我食。依家自己唔食得,先嚟施捨俾我呀?!(當然我係心諗)我回:唔喇!我平時都唔食呢d野,唔係幫你地生仔我都唔食嚟養胎,話晒拆人屋企嚟食好陰公,好造孽㗎嘛。
2. 又玩認人奶奶篇
話說生完阿仔時係醫院果幾日完全冇餐訓得安樂,知道可以出院返屋企我真係異常地興奮,點知上到車老公第一句係「阿爸、阿媽係我地屋企。」我一聽完心情即時好似股市大跌直插咁。
入到屋奶奶即刻衝埋嚟搶阿B去玩,然後就開始猜猜樂睇下阿B似邊個,點知我奶奶突然間講左句:「阿B個樣一D都唔似爸爸(我老公)。。。似阿爺多D。」我聽完真係汗都滴埋,我當時真係好想問佢係咪要食返D補腦藥。。。
3. 兩個星期貨仔奶奶篇
當年我生完BB坐緊月期間,因為唔係同屋企人住又要獨力湊BB只可以叫外賣飯盒食,每日中午奶奶都會化身成為導賞員帶佢D 3姑6婆上我屋企搞住哂,咁岩比奶奶撞正我食外賣飯盒就以責備口吻話「坐月唔可以食外賣飯,冇益呀!」,於是每日夜晚佢都會煮D坐月餸同湯叫老爺拎落黎比我食,情況維持左2星期奶奶就話唔再煮野比我食,叫我食返外賣飯盒🤣
4. 冇關係奶奶篇
奶奶每日不停話B痴身,成日不停話BB鍾意姑姐又話姑姐做咩都鐘意。成日將自己諗既當係岩有佢講冇人講。又污糟,成日同佢講要乾淨又話冇關係!大家同住唔乾淨最影響邊個?永遠表達意見佢都答我冇關係冇影響!我而家一諗到返呢個屋企會好辛苦。。。
#退一步海闊天高
#我的極品四大長老
#星期六有四篇睇
#咁岩四個都係奶奶篇
#3個投稿者4篇稿
⬇設計圖片
Search