Search
今日飾演麻雀俠。好耐冇見喇老友🤣
#我要幫我個仔報仇
#我要幫我奶奶報仇
#我要幫我新抱報仇
#Yeah啲運未走呀
#我最憎屎桶㗎喇
#細姪你識唔識打牌㗎
#四同五筒唔做得眼㗎
#我呢隻係五筒扮四筒
#係喺上面黐咗粒飯啫
#我細佬輸美國麻雀我就同你打美國麻雀
#都話咗做莊未必好㗎啦
#我唔制我要做麻雀大俠
#大四喜十八羅漢
#黐線讀書又唔見咁好記性
新正頭，少不免打下麻雀玩下啤牌射下龍門，旨在親戚朋友開心下啦；電視賀年節目未必人人鍾意睇，播套經典賀歲片就實冇人異議。身邊總有一類人，鍾意一路玩一路背對白，以為自己賭神上身；我，就係其中之一。
經典賀歲片嘅嘢，其實咁多年嚟都係得嗰十套八套，諗一諗連叫做比較「近期」嘅《嚦咕嚦咕新年財》都已經係16年前嘅作品，真係時光飛逝。一年睇咁多次，想唔入腦都難；非正式統計，喺「聯誼」期間，經常有人講嘅對白包括：
- 「牌品唔好即係人品唔好」
- 「我唔制！我要做麻雀大俠！」
- 「Yeah！啲運未走呀！」
- 「我要幫我奶奶/新抱報仇」
- 「擺吖？擺啦嘛？仲唔擺？」
- 「未散功不得講粗口」
- 「花你都打到我夫佬？咁你老豆都變鬼佬啦」
- (怒啤對住家)「仇笑痴......」
- 「唔好意思，兩隻八，我都係六點」
- 「電腦分析，38個%係女、7個%係9......」
- (一定要黃子揚嗰隻語氣)「你撞柱嘞！過多五叉嚟！你瀨嘢嘞你！」
- 「我要錢呀！唔係鍊呀！美女！」
- (咬牙切齒)「我要同你賭身家！」
- (國語)「高進，你只有一個機會贏我，就是紅·心·A！」(留意：呢度個A唔可以讀做「煙」，要讀成英文字母”A”先為之正確)
- 「係呀！呢度興㗎！呢度興投降輸一半㗎！」
- 「Yeah! I’m the king of the world, international!」
- (國語)「你不愧是至尊......」
- (國語)「我在賭桌上有廿多年的經驗，我保證你這把不是順喇！」
- 「我分吖。再分吖。再分。(背景音：嘩，16隻煙屎派埋一齊呀！)
讀書唔見咁好記性，呢啲嘢就入晒腦；以上只限賭片，連埋其他嘅話，真係可以寫到人日都未寫晒。當年嘅賭片仲有幾個特色：鬼佬鬼婆一定識講唔鹹唔淡嘅廣東話、外國警察指揮官通常叫Mr.Robinson、但係講英文竟然會更加唔鹹唔淡。記唔記得《賭俠》入面嗰個阿Sir講嗰句：”Next time you play Mahjong very quietly, let’s go!”？
少少瑕疵，反而睇得大家更加開心。嗰個年代嘅港產片，神采飛揚，閃閃發光。賭片之外，新年當然唔可以唔提《家有喜事》；《表姐你好嘢2》唱K嗰段「陳太100、王先生300、無名氏三萬」係阿太至愛；《至尊三十六計之偷天換日》又係勁好笑。我係港產片之鬼，又有朋友叫我做爛片之鬼，歡迎較量；當年《一蚊雞保鑣》我係買飛入戲院睇嘅，而家就個個都知係正嘢嘞！
新年等食飯等拜年，有套戲笑下，時間易過得多；好似我咁，而家等去拜年，又冇戲睇，咪惟有寫咁大段嘢出嚟囉。年初二，繼續祝大家新年進步，身體健康！
平昌冬奧的收視率原本已是歷屆最差，未料北京冬奧更慘。 ... 19APRBruxelles recommande aux 27 d accorder le statut de candidat la Bosnie Herz ... ... <看更多>
yeah啲運未走呀 在 嚦咕嚦咕新年財Fat Choi Spirit - 「Yeah ! 啲運未走呀！媽 的必吃
Yeah ! 啲運未走呀！媽，我地上樓啦，係我未發達嗰陣我申請咗公屋呀。等咗十年終於都等到啦！仲係牛頭角上邨添呀！」 ... <看更多>