關於 target 營 收 ，我們在網路上蒐集到這些相關的討論、資訊與評價

第四集 (一連七集) 哈佛知識分享: What is strategy? How do you create value? 什麼是策略 ? 你如何創造價值?

一開始我講過:

"The first test of a strategy is whether your value proposition is different from your rivals. If you are trying to serve the same customers and meet the same needs and sell at the same relative price, then you don't have a strategy. " by Michael Porter

如果你嘅價值主張係同你嘅競爭對手一樣， 即係話你服務緊同一班顧客， 解決緊同一問題， 收緊差唔多價錢的話， 哈佛教授米高波特就講你係「人做你做」，你「無策略」 。

咁何謂一個好嘅策略 Good Strategy? 教授講要經得起五個 Tests:

A distinctive value proposition 獨特的價值主張

A tailored value chain 度身訂造的企業價值鏈

Trade-offs different from rivals 同競爭對手不同的「取捨」

Fit across value chain 成條企業價值鏈的活動要配合

Continuity over time 持續性、持續性，不能一時一樣

今集先再你講(1) 同 (2)。 (1) 何謂獨特的價值主張? 你先回答以下三條問題，睇下你同競爭對手有乜唔同。

Which customers are you serving? (What end users? What channels?) 你服務緊邊班客? 誰是最終顧客? 什麼渠道接觸他們?

Which needs are you going to meet? (What products、features、services?) 你想滿足他們什麼需求? 什麼產品、特徵 、服務?

What relative price? (Premium or discount?) 相比起競爭對手，你打算賣貴啲或平啲?

"The value proposition is the element of strategy that looks outward at customers, at the demand side of the business. The value chain focuses internally on operations. Strategy is fundamentally integrative, bringing the demand and supply sides together." by Michael Porter

策略入面的「價值主張」 是從由顧客的「需求」角度出發。 「企業價值鏈」反而是由內部的營運流程「供應」出發。 策略的基礎就係把「需求」及「供應」兩者整合在一起。

你要有好嘅策略，你就要第 (2) Have a tailored value chain 有一條度身訂造的企業價值鏈。由入貨、加工、包裝、市場推廣、 銷售 、出貨、至售後服務都要同競爭對手唔同， 都係度身訂做去服務你以上「價值主張」要服務的顧客。

Michael Porter 話做生意常犯嘅錯誤，亦都係最忌嘅就係 "Stuck in the middle" 「卡住喺中間」。即係平又唔係平過人， 靚又唔係靚過人， 服務嗰班客或者佢哋嘅需求又唔係特別嘅過人，咁你就乜唔係，「價值主張」無乜特別，好難突出。咁你可以點?

例如， 如果就咁開間租車公司，你點同業界巨頭 Hertz, Budget, Avis 打呢? 好容易就 "Stuck in the middle"， 因此絕大部分嘅租車公司你都唔會識，我亦都唔會提。 但美國有間獨特的租車公司，Zipcar， 佢同一般嘅租車公司好唔同。

Zipcar 唔係好似絕大部分嘅租車公司咁， target 區外客， 到咗某個城市要租車週圍走。佢係 target 平時市區內住，無養車， 但突然間想租車走一轉嘅人仕。佢唔係按「日租」，而係按「時租」， 你想去超級市場買一轉餸都可以租。

Zipcar冇話特定嘅租車中心， 而係啲車周街泊， 透過佢嘅Apps 你就知道架車泊咗係邊度及還車地點。 咁就更加方便同埋近你屋企。公司營運成本都平好多。

Zipcar 的車種經常畀人感覺係較 “Cool" ，比較型仔啲、環保啲。 佢唔會花好多錢大賣電視/戶外廣告，而係喺架車身上面貼住大大個公司 hip logo，變相周街免費流動廣告。

Zipcar 叫自己做 Car Sharing Company, not Car Rental Company。因為唔係個個人都租得，而只係付月費/年費的會員才能夠租。 依家月費每月7元美金或年費70元美金。咁佢就可以每次收費更平出租，但重複地賺你個月費年費。 佢想建立個形象就係 Car Sharing 遠遠環保過自己一個買架、保養、同埋棄置成架車。專攻年輕、活躍、較 "Green“ 的新一代。

Zipcar 仲有好多好多嘅特點講唔晒。總之就係，佢嘅 value proposition 價值主張 (Which Customers? Which Needs? What Relative Price?) 同所有其他租車公司巨頭都唔同， 成條嘅企業價值都係為咗個「價值主張」而去度身訂，同所有競爭對手都好唔同。

記住前幾集我同你講過，what's the right mind-set for competition? 你應該點諗競爭?

盡量得，你應該諗 Not be the the best, but be unique。 唔係要做到最好，而係做到最獨特。Zipcar is unique.

Not be number 1, but earn higher returns. 唔係要做到第一，而係要多啲回報，賺多啲錢! Zipcar 回報最高嘅係不斷重複收嘅月費年費，最穩定。

Not focus on market share, but focus on profits. 唔係要市佔率，係要利潤。Zipcar 賺錢。

Not serve the "best" customer with "best" product, but meet the diverse needs of target customers. 唔係要「最好」嘅產品，畀「最好」嘅客。而係用唔同嘅產品，滿足唔同顧客嘅需求。Zipcar 班客同其他租車公司好唔同。

Not compete by imitation, but compete by innovation. 唔係人做你做，而係要創新! Zipcar 肯定創新。

Not ZERO SUM game, but POSITIVE SUM. 唔係「零和遊戲」、互相廝殺， 而係大家從不同層面創造價值， 可以有好多個贏家。Zipcar 吸引咗一班平時唔係租開車嘅客， 佢做大咗個餅。

Zipcar 就係做到上 "Be Unique“ 嘅表表者。因此短短幾年間就可以係租車業界一支箭咁標上去，2000年係美國波士頓創立, 2013年就俾另一租車業界巨頭 Avis Budget Group 以美金5億收購了。2016年9月 Zipcar 公佈，全球9個國家，500個城市，擁有超過一百萬個會員。 一百萬個付費會員， 即使全部人唔租車，只係收月費年費都幾和味。 呢個就係我成日所講嘅做生意要做「農夫」，唔好做「獵人」，必須要客人係重複性購買， 你塊田先至會越嚟越大。

包括我自己在內，如果我純粹買賣舖， 根本我同其他商舖投資者無分別， 我錢又唔夠佢哋多，經驗又唔夠佢哋老到。 直接對撼，I have no strategy! 但我做「商舖基金」就完全唔同啦。班目標顧客、佢哋嘅需求、我所收嘅價錢，都完全唔同。 大家都係做「舖」，但我成條做「舖」嘅「企業價值鏈」， 由集資、買舖、 整理間舖、搵租客、諗計仔幫佢做多啲生意、至出售間舖、同售後服務， 都係同其他競爭對手唔同。亦都解釋咗點解， 即使社運/肺炎，我哋基金每季集資起碼6000港幣都季季爆額，近年全香港買賣街舖無人多過我哋， 我相信只要我哋專注係我哋條買舖的獨特嘅「企業價值鏈」，未來幾十年香港都唔會有人買賣舖多過我哋。

"Choices in the value proposition that limit what a company will do are essential to strategy because they create the opportunity to tailor activities in a way that best delivers that kind of value." by Michael Porter

「選擇」係重要嘅! 你公司就要選有乜嘢做，同更重要 - 有乜嘢唔做，咁你先至可以更加度身訂造地做好你成條「企業價值鏈」，去為你嘅「價值主張」創造最佳價值。

有興趣一齊研究下點做? 聽多啲 Michael Porter，就來我星期六嘅早餐會啦! 下集我再同你講 (3) Trade-offs different from rivals 同競爭對手，應該有什麼不同的「取捨」?

。。。。。

My hobby 《星期六早餐會》!

九月份早餐會 Topic: Applying "Michael Porter" to your business: How to compete and win!

哈佛分享: 如何應用「米高波特」於你盤生意? 點競爭? 點贏?

講起哈佛策略教授， 無人出名過 Michael Porter. 有幸我2017年在哈佛親身上過他教的課程， 今次早餐會同你分享，希望對你做生意亦有所啟發。

有興趣參加啦 😃 每次限四位 (包括我)。 人多傾唔到計。

9月份，逢星期六早上9時開始，約三小時。地點中環。

對象: 中小企老闆/創業者/公司管理層，連我限4位。

有興趣參加的話，請 whatsapp 你的名片給 Suki (我助手) (+852) 5566 1335。

我唔係靠呢行搵食，免費，我請食早餐 😉 Be friends ..... 有機會到時見你。李根興 Edwin

www.edwinlee.com.hk
www.bwfund.com

聯絡李根興 whatsapp (+852) 90361143

#michael_porter #競爭策略

【龔成問答信箱】（Q22541-Q22560）

Q22541：

老師！持倉部位現在-40%，請問如何調整心理質素？之前聽你說好像是去跑步

現在我天天飯都吃不下了！

龔成老師：

如果投資影響了生活，你的心理問題都開始大，我強烈建議你：

第一，唔好睇股價3個月。

第二，這段時間逼自己睇10本巴菲特相關書。

第三，這段時間睇你持有股票，佢地的年報，每一間都要睇5年年報。如果你能做到，3個月後，當你見到優質股股價跌（前題要優質股），你會變成天天都開心都不得了，每天的食量都很好。

（當然，我地要分析企業的價值有無改變，但不是睇股價，而是睇業務與前景因素，如果前景轉差，要止蝕的）

------------------------------------------------

Q22542：

龔成老師，我近日面對股票市場感到十分迷失和迷惘，我年初曾大手買入股價20元的心通醫療2160，但今日已跌穿9元，十分心痛，不知如何處理。
希望你能指引一下，謝謝

龔成老師：

微創心通醫療科技（2160）是有危有機類。最大問題是上市價貴，以及之前熱炒。

係一家中國醫療器械企業，專注於心臟瓣膜疾病領域創新的經導管及手術解 決方案的研發和商業化。

佢自主研發的第一代經導管主動脈瓣植入（TAVI）產品VitaFlowTM，於2019年7 月獲國家藥監局審批並隨後於2019年8月在中國進行商業化。

根據資料，截至2021年1月17日，有五款TAVI產品在中國獲批准或商業化，其中，VitaFlowTM是首款使用牛心包作為瓣膜組織的產品。

佢亦推出第一代自主研發的AlwideTM瓣膜球囊擴張導管及AlpassTM導管鞘，使其成為中國唯一一家全面提供自主研發互補性TAVI手術配套產品的醫療器械企業。

VitaFlowTM II是唯一在中國研發並已在歐洲開展臨床試驗的TAVI產品。

除TAVI產品之外，佢目前還擁有五款經導管二尖瓣（TMV）在研產品，通過自主研發及與全球合作夥伴（即4C Medical及ValCare，均為專注於二尖瓣及三尖瓣醫療器械研發的醫療器械企業）的共同開發戰略性地針對所有主流可行的二尖瓣返流經導管瓣膜療法（TVT）方案。

企業都有一定獨特性，同時長遠發展不差，不過估值方面就十分難，因為這刻仍未有似樣的盈利。

如果你持貨多，宜減，但如不多，就長線，耐心等企業好轉。

------------------------------------------------

Q22543：

龔sir:我已經睇緊你本「選股勝經」，想貴埋你本「80後百萬富翁」、但行咗幾間書間都只有2同3，請問喺邊度買到第一呢？

謝謝你的建議，我在過去一星期小注了

2800，0066，0002，0006 及0270 等平穩股，諗住遲D慢慢放曬D 1336 佢，平穩股慢慢長揸

我都係比較心急，在508 及500 各一入了一手 700，在14.62 又入了3500 服3067，睇來都要等下，暫時高風險股都唔入住了

揸住D現金就等個市跌多D時再入吧

龔成老師：

書本在三聯、商務、誠品都有得賣。由於部分書在一些書店已斷，所以若你見唔到，問下職員就得（又或向職員訂都可以）。

以下是我的13本書：

《80後百萬富翁》（第9版）
《80後2百萬富翁》（第4版）
《80後3百萬富翁》（第2版）
《財務自由行》（第7版）
《大富翁致富藍圖》（第5版）
《50優質潛力股》（第4版）
《50穩健收息股》（第3版）
《50值博倍升股》（第3版）
《股票勝經》（第6版）
《選股勝經》（第2版）
《年報勝經》（第2版）
《5年買樓4部曲》（第2版）
《80後千萬富翁》（初版）

記住，最重要是建立一個長遠的優質股組合，用長期角度配置，同長期角度去買入，唔好心急，要有策略。

現時大市波動，點都要有一定的現金在手。

------------------------------------------------

Q22544：

老師，小弟打算4月左右移民，有40萬流動現金，請問有什麽投資建議？附上現有倉資訊，謝謝無私指導

700 一手 430入
3319 1250股 28.8入
3918 16000股 6.343 入
1177 5000股 7.214 入
6862 1000股 30.263入

感激

龔成老師︰

我地投資增值，係要長線，因為中短期有好多波動會出現，我地係預計唔到。

你只有9個月就移民，時間不多。我假設你移民前，係需要賣出所有香港資產，你40萬資金我建議最多做定期好了，一切以保本為主。

而你現時持股，現時就要開始分段沽出，去慢慢換回現金。唔好等到離開前一刻才沽，因為無人知個個時候，個大市係什麼環境。所以你要分段沽貨，去平衡價值波動的風險。

------------------------------------------------

Q22545：

老師，我明白長期持有優質股的道理，亦明白分注重要性，但跌市時分注買入優質股，永遠不懂注碼控制，

本人分注得比夠保守，可能一次恐懼跌浪當中只買了組合的百分之十，手持夠大現金，比如上年2020年3月，能把握機會，但買的量可能只有20-30%，

在上升軌當中便一值錯失加注機會，回報並不理想，記得老師說過上年把握大市購入小米，必瘦站等優質股，當時是用了多少現金或組合百分之幾去買？

過了上年3 月跌浪在之後的升浪有否加注？

同埋永遠保留適當現金當然沒錯，但如果你說恆指在23000是便宜區，我能否在範圍內增持組合股票水平至8成或9成？

我知一個熊市可能長達半年什至兩年，我應以時間比如每月去月供還是在便宜區去大手吸納？從而令自己持倉股票水平夠高，當遇上升市時有夠好的回報，謝謝

龔成老師︰

其實分注，我地無話一個好100%準則，乜野水平，就入幾多貨。

因為大市下跌，唔代表所有股票都會下跌，有時候個市開始平，但你目標股票無乜點跌，你都唔應該視佢為平宜，而去大注入貨。

所以，大市平貴所定的入市比例，只係一個參考。

由於近年恆指將好多波動性較大股票，納入恆指成份股，故便宜區都有所調整，你預23000點左右，係開始平宜。

但你要記住，這只是初步平宜區，未去到好平，持貨比例大約7-8成左右。

我地雖然唔知會唔會再跌，但基於平貴去衡量，我地必需留有資金，去等你個可能再下調的機會。

------------------------------------------------

Q22546：

龔sir, 你好！現時上緊你的課堂，真的獲益良多。有少少野想請教，我想問中泛控股（00715）你點睇？

我家人買了此的股票，已套了很久。請問呢隻係咪就係所謂嘅老千股？

龔成老師：

這企業年年虧損，你持有這盤生意，當然無意義。

這企業本質一般般，長遠價值向下，建議你賣出。如果不想一次過賣，都建議減持部分，將資金投資更有增長的股票，會更好。

你要記住，最重要不是睇「賺蝕」，不是睇「買入價」，而是睇質素。質素不好，增長力弱，就有可能賣出，蝕都要賣。

你要分析「之後的組合情況」，不是過去，是將來。應該持有那些優質股，比例如何，能為你帶來怎樣的長期財富。

你要分析你的投資目標，你想潛力股的比例多少？平穩股的比例多少？組合風險程度如果？

即是你想設計一個怎樣的投資組合？長期、優質、平衡、適合你。

------------------------------------------------

Q22547：

老師，從國策層面來看，醫藥股（中生製藥）在我們堂上研究target它為未來倍升股潛力會否長遠大受影響而大打折扣和阻力嗎？

從5月上你初班開始，我已列入「中生製藥」在我的配置表中(其中10％的潛力股之列）, 但我一直有留意著股價，

從$8.x跌到$7.x到現時$6.x, 已接近52週新低，雖然你曾說股價由之前好貴（去年$11.x, 現在已跌咗一半) 已經慢慢回落合理估值的上部或中部可以分注買入，

但我看股價圖表一直呈現向下走勢，睇返2019年低位曾經大概是$3.x，就算現在是合理估值中或下部，可分注開始買入也要$6.x，但是還有可能冒著再向下跌一半的風險，

你曾說過唔好去估個底、亦唔好去估個市，買股票就係買公司，唔好事後孔明、就算買貴咗都有得守…………

我已經睇過你很多本書籍，也十分認同你的理財和財務想法與概念，即使我的理念同樣也是———「用便宜價格買入優質股票長期持有而不理會中間價格波動」，

但我心裏仍有忐忑不安，覺得我會用多咗多餘的資金而買貴咗要捱價x年才能返回買入價，雖然你常言道不要看買入價為神聖價位只看股票本質有沒改變，

如果沒有改變不用擔心股價上落，讓優質股票慢慢成長，最終股價也會回歸到合理估值，但我心裏仍覺得不安買貴咗，從而導致少了資金去買配置表內其他優質股票…………..

所以我仍然在迷惘中和猶疑不決，不知道應該第一注資金應該幾時、什麼價位開始買入，（我正常一般都會分3注），請龔sir再指導我一下

龔成老師︰

首先，你唔好再用圖表，或者52週新低這些短炒方法，去做分析。因為股票過往價格，同將來發展唔一定有關係，特別係一些發展好快，有質素的潛力股。

我地無人會知，佢中短期股價會發展成點，只能以平貴，去定策略。係合理頂時，先小注。再回調，就再加注。到平宜區，才大力掃貨。

你唔好有個錯誤想法，等到平宜區先入，就最穏陣和回報最理想。但你要記住，優質股係有權唔回至平宜區。

如果你平宜區先去入，可能最終結果係，你乜都入唔倒，白白睇住隻股票係咁升。

策略性分注，有機會會有一段時間出現帳面虧損，而且一定唔係可以最大回報的方法。但佢可以平衡左各方面不確定性，令你可以係可接受風險程度，得到最好回報。

近期中央推出一些醫藥相關政策，對醫藥股發展的確係有影響。但長線睇，相信會加快左行業汱弱留強速度，對好似中生(1177)這類優質企業，長線反而係有利。

但你預佢中短期都會較波動，長線投資價值未見大變，你可以按我教的策略，去慢慢分注入貨。

另外，你要留意翻2019年最低價係$4.X，你記得我初班上堂有教過，當企業派息或紅股，個股價圖條線，係會全條按比例下調。由於2020年有2送1紅股，所以條線係下調左。

如果直接睇圖見2019年初係$3.X，就當佢係當時真實價位，那就錯了。

------------------------------------------------

Q22548：

想請教，66 2800 應該長持，因為2800可分散風險。66 地鐵公司長遠收息及增值可觀？

3 及11 算高位？ 待其升10%才放較好?

大家樂 大快活又如何 收息及增長?持有誰較好?

這星期港股大跌 應該持有66 2800 11 3 因長遠來說會升番 優質股不用怕 除非作炒賣?

總括咁問，2638 270 等股市升回正常價才放。11 66 2800 3 可長期持有 因是優質股？ 股市波動對其影響有限 只要不是炒賣 風險好低？thx

龔成老師︰

你現時持有股票，都係優質股，係可以長線持有。我地係唔會因為股市中短期波動，去沽出一隻股票。除非佢已經係好貴，又或者佢長線質素轉差，才會賣出。

但港燈(2638)係收息股，增長力不高，若你係年青至中年人士，就不宜持有太多。

大家樂(0341)和大快活(0052)，質素上大快活會較好。佢有平穏增長之餘，都有一定股息。但如果疫情再反復，可能會令佢中短期再現波動，要留意風險。

近期大市比較波動，但未見對上述股票，質素上有明顯轉差，你照持有係可以。

------------------------------------------------

Q22549：

早晨龔成老師，我今年35歲了，近來確診癌症，將有一筆大概250萬嘅危疾保險。想早點將這筆錢增值，因為將來我可能還有好多時間，並不想成為老公及其他家人的負累。

我應該如何分配？

我不會有小朋友，同老公及患病父親同住先母物業，不需要供樓，一家人每月支出3-4萬。

龔成老師︰

以你情況，一切都以你身體健康為重點。

這筆危疾賠償，你要先扣起一部份，最好預多少少，用現金持有，以備不時之需(生活或醫療上)。

未來時間，為了可以令你安心治病和進行療養，投資選項上，我會建議以創造現金流為主。透過現金流，去支援你生活上開支。

目標會係一些優質收息股，目標是5%、6%的股息率的收息股，例如港燈（2638）、深高速（0548）、香港電訊（6823）、工行（1398）、恆生（0011）、置富（0778）、陽光（0435）或收息基金(3110)都可以。

如果你能承受到風險，有些更有超過8%、10%的高息股，但股價就略有風險，要自己衡量，佐丹奴國際（0709）、中石化（0386）、互太紡織（1382）、富豪產業（1881）等（記住，股價略波動，只能小注）。

現時大市只係合理水平，資金唔好盡用，大約留翻3-5成現金。等大跌市出現，才加大力度掃貨。

當然，如果你精神未必足以你進行上述操作，你可以入完首注後。用銀行月供股票服務，去將餘下資金，慢慢投入收息股當中。

但緊記，我地唔好成個組合，只集中係1,2隻股票身上。

最重要是建立一個長期的「財富組合」，要優質，要平衡。同一行業不能高於組合30%，同一股不能高於組合15%。

祝你早日康復!

------------------------------------------------

Q22550：

想請教1. 如公司個人/高層持股多於50%，在評估公司質素上是否要扣分?

2. 在計算669估值上時，為甚麼用現金折流法得出的數字只是$4X? 但現價卻是$130，差距很大。然而，典業主盈餘卻是按年増加，而折現率亦採用了合理的10%，所以想問問現金折流法是否不適合用在669估值上?原因又是甚麼?

3.想請問2128 中國聯塑積素如何?

龔成老師：

1）要睇那類公司，如果是細公司，有可能佢地好易操控股價，如果大公司，可能佢只是正常持股、睇好自己公司，因此問題不大。

2）現金流折現法不易運用的，你在推算增長率時要小心計算。

3）中國聯塑（2128）這股不差，有長線投資的價值。佢主要從事製造及銷售建材家居產品、提供裝修及安裝工程、環境工程及其他相關服務、金融服務和物業租賃及其他相關服務。
生意與盈利都不差，現金流強，股本回報率理想，基本上有長線投資價值。不過股價上落較大，要注意注波動。
現價合理區中上部，分注投資都可，但不是大手時機。

------------------------------------------------

Q22551：

多謝龔成老師回覆和分享，其實我都是大約年初才買136，我現在手上還有好多不同的股票，但係全部帳面都是蝕包括

匯豐 1200@$68
恒生 500@$151
煤氣 5000@$13.28
小米 2000@$26
騰訊 100@$579

阿里巴巴 500@$278
恆大汽車 2000@$16.4
中國鐵路 20000@$1.21
醫渡科技 2000@$65
金沙中國 2000@$30

上述帳面現在合共蝕緊200,000左右

小米同金沙都係睇得你多分享先至跟買，價位都不算貴所以我不擔心，反而阿里巴巴同埋騰訊真係有啲擔心，仲有隻醫渡科技一上市嗰陣高追又冇止蝕所以搞成咁

上面的股票大部份都是由上年七月開始買入，當時因為手頭上套現左一舊資金所以就入市，另外有1,000,000我放咗入每月收息基金，

最理想的都是allianz income and growth, 一年帳面連基金收入已賺了15%，可惜我當時買了少部份，另外我買咗亞洲的基金，到現在連基金收入都是打和！

一年後review, 最大的虧損都是136

我覺得自己好失敗，將所有資金放入銀行mortage link 收息都好過現在做無謂的投資

現在我只希望所有股票回升，不要再蝕太多我已經心滿意足

龔成老師︰

你要記住，我地投資係為左財富增值，而唔係打個平手就算。

唔好用短期帳面賺蝕，去衡量持股質素，或者個投資組合成敗。因為投資係一個長線計劃，就算最優質的股票，中短期都會有波動。只有長線其價值，才會在股價中反映出來。

你現時持股都有質素，若你係年青至中年人士，這個組合係可以長線持有。(我估你"中國鐵路"係打錯，應該係"中國鐵塔")

但若你偏年青，恆生(0011)和匯控(0005)這類收息股，就不宜持有太多。

另外，醫渡科技(2158)、恆大汽車(0708)不確定性較高，不宜持有太多。

至於基金，你可以衡量基金的投資策略，所投資的資產類別、投資策略、風險程度、市場、費用成本、以及過往的表現。

你可以睇佢過往5-10年(唔好只係睇當前的一年表現)，如果回報係比主要投資市場高，就有機會值得繼續投資。

提翻你，最重要不是睇「賺蝕」，不是睇「買入價」，而是睇質素。質素不好，增長力弱，就有可能賣出，蝕都要賣。

你要分析「之後的組合情況」，不是過去，是將來。應該持有那些優質股，比例如何，能為你帶來怎樣的長期財富。

你要分析你的投資目標，你想潛力股的比例多少？平穩股的比例多少？組合風險程度如果？

即是你想設計一個怎樣的投資組合？長期、優質、平衡、適合你。

------------------------------------------------

Q22552：

成哥，你好，之前是你的學生，有問題想問問。

我計緊銀娛0027價值，用市盈率估值法，但我見他在2020年度市盈率和每股盈利都是負數，這個特別的情況(疫情）我應唔應該計算呢一年的數據？

另外，用市盈率估值法，是否每一隻股票都加多10%緩衝？謝謝

龔成老師︰

其實不論是否市盈率估值法，一些中短期發生事件，如果係一次性，預期將來極細機會會再發，好似今次疫情咁，其實我地就應該將這年的收字忽視。

但由於疫情依然反覆，預期中短期業務，都有較波動，故有需要將估值下調少少。銀娛(0027)現價算係合理區中下部，可分注。

至於10%緩衝區，唔係一定要加。當你發現你計出來合理價區間，係好窄，無法有效反映一個正常合理區時，你就要加這10%緩衝區。

你可以溫習翻初班第5堂的NOTE，重點會係SLIDE26和58，當中有較詳細指引和例子，你睇左會較易明白。

------------------------------------------------

Q22553：

Sir, what do u think about premium financing by insurance company

龔成老師︰

保單融資，其實就係透過借貸，去以槓桿形式放大回報。相比傳統儲蓄保險，佢增長潛力會相對較大，同時風險會相對較高。

若保單實際回報，係多於貸款利息，投保人自然會因為槓桿操作，而令回報放大左。

但由於保單本身，好多時回報和利率都係不保證。再加上貸款利息，多為浮息。在低息環境，固然會受惠。但進入加息週期，利潤將進一步被蠶食。

因此，用保單融資去投保，係有一定風險。

其實係財富增值上，最好集中係優質資產上(如物業、優質股)。

"保險"只係一種產品，主要係用作防守，買足夠保障就可以。儲蓄成份架保險，唔係唔可以買。如果你個人風險承受能力好低，或者完全無投資能力，這類保險都有持有價值。

但最好係一些較傳統儲蓄保單，而非這類有槓桿性質的產品。

------------------------------------------------

Q22554：

老師你好! 我和先生40歲, 每月收入共$54000, 有一層自住物業, 市值700萬,尚有170萬要還, 每月供款$12000, 月儲$13000, 股票合共約45萬, 外幣加現金共$44萬,

如果層樓唔想做加按, 如何能制造每月被動收入$15000-$20000?謝謝

龔成老師︰

如果你希望每月有2萬蚊現金流，以股息率6%計，你需要本金400萬。

若你想做到這個財務目標，你可以透過投資一些「平穩增值股」+「潛力股」，去累積這筆資金。

以現時大市合理區狀況，你可以考慮用部份儲蓄，進行月供股票。你可以每月先用一半儲蓄，另一半就先儲起架策略。

假如你現時無太多投資經驗，潛力股這類風險較高的股票，你就不要持有過多，最多維持2成好了，甚至先集中係平穏增長股類。

若你有一定投資經驗﹐潛力股比重可以相應調高，佔組合約3-4成，視乎你投資經驗多寡和了解這些股票程度而定。

現時大市只是合理區，你現有44萬現金和每月所儲倒的資金，就等大市出現一定程度的下跌，才大力度掃貨，然後長線投資。

我假設投資回報有10%（連股息再投資），你每月投資$13000 + 現有約90資產(現金和持股)，預計10年左右時間，就會增值至400萬。

你可以以此作參考，視乎你自己情況，再去調整月供計劃。

------------------------------------------------

Q22555：

本人51歲，計劃四年後退休，先生和我各月入5萬，依家手上有500萬現金，有三個鋪位，租金約6萬，貸款尚欠110萬

股票約90萬，係中銀香港、電能實業同埋永利，計劃買多100萬中銀香港收息，

亦有投資保險類年金，仲有八年要供

小朋友剛剛大學，疫情過後去海外升學，咁樣資產部署退休可以嗎？

龔成老師︰

我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

若你4年後就會退休，我地就要將資產，慢慢轉向收息項目。透過這些收息項目，去創造穏定的現金流，去援你退休生活。

你現時財富組合中，主要係物業類。這些物業用作收租，能提供現金流，所以應保留作你退休組合一部份。但由於佢地佔成個組合比重好高，故物業類就唔好再大了。

現時你應加大優質股部份，去令財富組合更平衡。

你現時持有的股票，都係有質素。但永利(1128)雖有增長力，但派息都幾波動，長線不宜作為收息股一員。你現時可持有，但要慢慢換至其他優質收息股上。

至於中銀(2388)和電能(0006)可長線，退休時都可以持有。

我地唔好成個組合，只集中係2,3隻股票身上。

最重要是建立一個長期的「財富組合」，要優質，要平衡，要適合你的年齡與風險承受程度，新舊經濟各類股都要有。

同一行業不能高於組合30%，同一股不能高於組合15%。要平衡，建立後長期持有，不是買賣賺差價，而是成為你財富組合一部分。

所以，唔建議你再投資中銀(2388)太多，以免因過度集中，造成風險。

以下是一些適合你的股票，你可以一半資金儲指數基金，佢係一籃子組合，就算持有30%以上，都唔會有過度集中性風險。

你可以用佢，係退休前作適度增值。另一半資金，就買入不同收息股，係用來為退休後生活，作準備。

目標是5%、6%的股息率的收息股，例如港燈（2638）、深高速（0548）、香港電訊（6823）、工行（1398）、恆生（0011）、置富（0778）、陽光（0435）或收息基金(3110)都可以。

如果你能承受到風險，有些更有超過8%、10%的高息股，但股價就略有風險，要自己衡量，佐丹奴國際（0709）、中石化（0386）、互太紡織（1382）、富豪產業（1881）等（記住，股價略波動，只能小注）。

現時大市只是合理區，你現有500萬資金可以多投入150-200萬，用"分注"形式，慢慢買貨。餘下一半就等大市出現一定程度的下跌，才大力度掃貨，然後長線投資。

退休後，除了收息股、收租物業外，你都可以加入一些年金(現有那份可照供)、定息產品、A級債券等，去令自己收息組合更多樣性和平衡。

而小朋友升學資金，由於好快會動用，所以不宜投資。你要另外以現金模式扣起，到升學時就動用。

------------------------------------------------

Q22556：

龔成老師，早前拜讀了你那本80後一、二、三百萬富翁、五年買樓4步曲。你的看法讓我打通了自二十年前看富爸爸窮爸爸開始認識的概念。並且能確實、有效實踐出來。

我打算繼續在股票市場努力學習投資，直至儲夠一百萬，就買樓。

但有以下一些疑問：

想請教如何可了解現時樓市是否合適買樓的時機？因擔心一買樓，樓市便下跌。

龔成老師︰

中短期樓價點樣走，其實好難預測。但我認為香港樓，長期會向上。

首先，我用身邊的朋友去分析（因為佢地都是適婚年齡的），我見到一個現象，唔少朋友結婚後，買唔到樓，要同父母用住，這幾年都係咁，而且人數不斷增長。

佢地正在儲錢，正在等樓價跌，只要在適當時機，就會搬出去住，你知道這是甚麼？這就是潛在的購買力，而且不斷累積！

香港樓長期供應不足，需求正不斷累積，這將會令樓價保持向上，跌少少，又會升過。

另外，你要明白，樓是資產，現金不是真財富，所以物業長期一定向上，中間會有上落。這是財富系統最典型的模式，詳細概念你可以睇《財務自由行》，當中會話你知，點解資產長期一定升，現金一定跌。

另外，我地做財富增值，會考慮埋成個組合平衡性。

所以，係你置業同時，最好留有一定優質股作增值。否則，你就會成個財富組合，偏重左係物業一邊，造成風險。

------------------------------------------------

Q22557：

你好龔sir! 經朋友介紹睇你個page，有問題想問問：

話說早排試下開始接觸股票（0經驗+無study）閒錢只有5萬，入左以下兩隻：

1. 3300(中國玻璃)@2.95/3手
2. 6909(百得利)@7.67/2手

請問龔sir點睇呢兩隻？

另外想買你既書睇但無從入手，邊本較適合我呢類0經驗者睇？股票勝經？

期待回覆，謝謝！

龔成老師︰

中國玻璃（3300）主要從事生產、營銷及分銷玻璃與玻璃製品；設計及安裝藥用玻璃生產線。

佢的產品包括無色玻璃、有色玻璃、鍍膜玻璃、節能及新能源玻璃產品（如超白玻璃、低輻射鍍膜玻璃及光伏電池模塊產品）。

這股不算，但又未到好高質。

整體發展正面，但盈利有點不穩，不值得持有太多，同時要留意股價較為波動。

百得利控股（6909）主要在中國從事提供汽車銷售、售後服務及其他汽車相關增值服務。

佢經銷之汽車品牌包括保時捷（Ｐｏｒｓｃｈｅ）及賓利（Ｂｅｎｔｌｅｙ），而豪華品牌包括梅賽德斯－奔馳（Ｍｅｒｃｅｄｅｓ－Ｂｅｎｚ）、奧迪（Ａｕｄｉ）、沃爾沃（Ｖｏｌｖｏ）及捷豹－路虎（Ｊａｇｕａｒ－Ｌａｎｄ　Ｒｏｖｅｒ）。

售後服務包括維修及保養服務、配件及其他汽車相關產品銷售、保險代理服務及車牌登記服務。而其他汽車相關增值服務則包括汽車融資（將客戶轉介予融資公司及商業銀行）及二手車經紀服務（將客戶轉介予從事二手車評估及交易業務的第三方公司）。另集團的經銷店亦可協助召回汽車事宜（汽車製造商可能不時召回汽車以糾正問題）。

質素算是不過不失，但企業獨特性及增長力唔算強，此股只宜小注投資。

其實你現時無投資知識和經驗，對企業估值，點去定平貴未必會太了解。我比較建議你先利用月供模式，去做增值，可以減低買貴貨風險，對你而言會較理想。

現在你每月先用5成儲蓄做月供。其餘先儲起，用一邊月供一邊儲蓄的策略。

假設你係年青至中年人士，你可以用「平穏增長股」 + 「潛力股」的組合。如果你係偏年青，比例大約可以去到各一半。

但由於「潛力股」有一定波動性，較適宜年青和有投資經驗人士。若你投資取態較保守、經驗較淺或者較接近中年，「潛力股」比重就要相對下調。

至於餘下的現金，就等機會，當大市出現一定程度的下跌，就可以動用現金去投資，在平宜價加大力度掃貨，然後長線投資。

書本上，你可以先睇我架《80後百萬富翁》、《財務自由行》和《股票勝經》，都適合初學者。

同時間，你要去多讀其他投資相關書本、年報，新聞和課程，努力累積投資知識，長線回報才會好。

------------------------------------------------

Q22558：

龔老師你好啊！想請教你1928 金沙中國而家可以入嗎？重有請問呢隻買得過嗎？

龔成老師︰

金沙（1928）有質素的。

佢中短期會弱，加上全球疫情反覆，都對佢有不利影響，不過，相信這只是中短期，以長遠的角度分析，企業仍是有質素的。

在正常的經營環境分析，佢持有的資產好有質素，行業本身好賺，雖然疫情略有反覆，但全球疫情最壞的情況，相信已過。佢長遠是收息及平穩增長型。

但由於仍有未知數，加上之前虧損，因此將企業估值調低左。

現水平在大約在合理區中下部分，如果本身有貨，可長線，耐心持有就得，如果無貨，現價已經可以分注，但都要留現金。投資貨要有心理準備，中短期會弱，要長線，企業有長線投資的價值。

------------------------------------------------

Q22559：

龔成老師你好，人到中年，想投資股票增值財富，但投資知識拙劣，想請教一下老師。

以下幾隻股票，可以長線持有嗎？（一年以上）

00823 領展
01038 長江基建集團
02638 港燈
00008 電訊盈科
01373 國際家居零售

另外有否其他平穩增長股票提供？謝謝老師指教

龔成老師︰

你持有股票，都係有質素，適合長線持有。當中領展(0823)、長建(1038)會有息收之餘，都有平穏增長力。而其餘3隻，主要係收下息。

但留意電訊盈科(0008)負債較高，唔係無投資價值，只係風險較其餘4隻為高，故不宜持有太多。

其實以你中年人士計，都有財富增值需要，但係策略上就會保守少少，主要集中係一些平穏增長股上。以下是一些有質素的平穏增長股，你可以參考下。

平穏增長股︰盈富(2800)、金沙（1928）、恆基（0012）、平安(2318)、中銀（2388）、港鐵（0066）、煤氣(0003)、長建(1038)、領展(0823)。如果有投資美股，可投資VOO。

現時大市只在合理區，未算平，你可以先用一半資金，分注慢慢買入上述股票，並長線持有。餘下一半資金，就等大跌市，才去掃平貨。

------------------------------------------------

Q22560：

龔sir 最近d 人話恆指成份股換入d 好高PE 既股票 例如6862. 搞到恆指既代表性不及以前 以致恆指愈來愈弱 無乜起息 月供2800係咪已經失去優勢?

龔成老師：

其實恆指進行較大的改革，長遠會將成份股，加至80-100隻，會加入更多不同類別的股票，例如一些新經濟股，長遠反而會令恆指的增長力提高。不過，同時會令波動大左。

由於這改革只是進行左短時間，而我地睇表現，一定要以長期作單位，所以，你以短期表現去衡量，並不正確。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

第四集 (一連七集) 哈佛知識分享: What is strategy? How do you create value? 什麼是策略 ? 你如何創造價值?

一開始我講過:

"The first test of a strategy is whether your value proposition is different from your rivals. If you are trying to serve the same customers and meet the same needs and sell at the same relative price, then you don't have a strategy. " by Michael Porter

如果你嘅價值主張係同你嘅競爭對手一樣， 即係話你服務緊同一班顧客， 解決緊同一問題， 收緊差唔多價錢的話， 哈佛教授米高波特就講你係「人做你做」，你「無策略」 。

咁何謂一個好嘅策略 Good Strategy? 教授講要經得起五個 Tests:

A distinctive value proposition 獨特的價值主張

A tailored value chain 度身訂造的企業價值鏈

Trade-offs different from rivals 同競爭對手不同的「取捨」

Fit across value chain 成條企業價值鏈的活動要配合

Continuity over time 持續性、持續性，不能一時一樣

今集先再你講(1) 同 (2)。 (1) 何謂獨特的價值主張? 你先回答以下三條問題，睇下你同競爭對手有乜唔同。

Which customers are you serving? (What end users? What channels?) 你服務緊邊班客? 誰是最終顧客? 什麼渠道接觸他們?

Which needs are you going to meet? (What products、features、services?) 你想滿足他們什麼需求? 什麼產品、特徵 、服務?

What relative price? (Premium or discount?) 相比起競爭對手，你打算賣貴啲或平啲?

"The value proposition is the element of strategy that looks outward at customers, at the demand side of the business. The value chain focuses internally on operations. Strategy is fundamentally integrative, bringing the demand and supply sides together." by Michael Porter

策略入面的「價值主張」 是從由顧客的「需求」角度出發。 「企業價值鏈」反而是由內部的營運流程「供應」出發。 策略的基礎就係把「需求」及「供應」兩者整合在一起。

你要有好嘅策略，你就要第 (2) Have a tailored value chain 有一條度身訂造的企業價值鏈。由入貨、加工、包裝、市場推廣、 銷售 、出貨、至售後服務都要同競爭對手唔同， 都係度身訂做去服務你以上「價值主張」要服務的顧客。

Michael Porter 話做生意常犯嘅錯誤，亦都係最忌嘅就係 "Stuck in the middle" 「卡住喺中間」。即係平又唔係平過人， 靚又唔係靚過人， 服務嗰班客或者佢哋嘅需求又唔係特別嘅過人，咁你就乜唔係，「價值主張」無乜特別，好難突出。咁你可以點?

例如， 如果就咁開間租車公司，你點同業界巨頭 Hertz, Budget, Avis 打呢? 好容易就 "Stuck in the middle"， 因此絕大部分嘅租車公司你都唔會識，我亦都唔會提。 但美國有間獨特的租車公司，Zipcar， 佢同一般嘅租車公司好唔同。

Zipcar 唔係好似絕大部分嘅租車公司咁， target 區外客， 到咗某個城市要租車週圍走。佢係 target 平時市區內住，無養車， 但突然間想租車走一轉嘅人仕。佢唔係按「日租」，而係按「時租」， 你想去超級市場買一轉餸都可以租。

Zipcar冇話特定嘅租車中心， 而係啲車周街泊， 透過佢嘅Apps 你就知道架車泊咗係邊度及還車地點。 咁就更加方便同埋近你屋企。公司營運成本都平好多。

Zipcar 的車種經常畀人感覺係較 “Cool" ，比較型仔啲、環保啲。 佢唔會花好多錢大賣電視/戶外廣告，而係喺架車身上面貼住大大個公司 hip logo，變相周街免費流動廣告。

Zipcar 叫自己做 Car Sharing Company, not Car Rental Company。因為唔係個個人都租得，而只係付月費/年費的會員才能夠租。 依家月費每月7元美金或年費70元美金。咁佢就可以每次收費更平出租，但重複地賺你個月費年費。 佢想建立個形象就係 Car Sharing 遠遠環保過自己一個買架、保養、同埋棄置成架車。專攻年輕、活躍、較 "Green“ 的新一代。

Zipcar 仲有好多好多嘅特點講唔晒。總之就係，佢嘅 value proposition 價值主張 (Which Customers? Which Needs? What Relative Price?) 同所有其他租車公司巨頭都唔同， 成條嘅企業價值都係為咗個「價值主張」而去度身訂，同所有競爭對手都好唔同。

記住前幾集我同你講過，what's the right mind-set for competition? 你應該點諗競爭?

盡量得，你應該諗 Not be the the best, but be unique。 唔係要做到最好，而係做到最獨特。Zipcar is unique.

Not be number 1, but earn higher returns. 唔係要做到第一，而係要多啲回報，賺多啲錢! Zipcar 回報最高嘅係不斷重複收嘅月費年費，最穩定。

Not focus on market share, but focus on profits. 唔係要市佔率，係要利潤。Zipcar 賺錢。

Not serve the "best" customer with "best" product, but meet the diverse needs of target customers. 唔係要「最好」嘅產品，畀「最好」嘅客。而係用唔同嘅產品，滿足唔同顧客嘅需求。Zipcar 班客同其他租車公司好唔同。

Not compete by imitation, but compete by innovation. 唔係人做你做，而係要創新! Zipcar 肯定創新。

Not ZERO SUM game, but POSITIVE SUM. 唔係「零和遊戲」、互相廝殺， 而係大家從不同層面創造價值， 可以有好多個贏家。Zipcar 吸引咗一班平時唔係租開車嘅客， 佢做大咗個餅。

Zipcar 就係做到上 "Be Unique“ 嘅表表者。因此短短幾年間就可以係租車業界一支箭咁標上去，2000年係美國波士頓創立, 2013年就俾另一租車業界巨頭 Avis Budget Group 以美金5億收購了。2016年9月 Zipcar 公佈，全球9個國家，500個城市，擁有超過一百萬個會員。 一百萬個付費會員， 即使全部人唔租車，只係收月費年費都幾和味。 呢個就係我成日所講嘅做生意要做「農夫」，唔好做「獵人」，必須要客人係重複性購買， 你塊田先至會越嚟越大。

包括我自己在內，如果我純粹買賣舖， 根本我同其他商舖投資者無分別， 我錢又唔夠佢哋多，經驗又唔夠佢哋老到。 直接對撼，I have no strategy! 但我做「商舖基金」就完全唔同啦。班目標顧客、佢哋嘅需求、我所收嘅價錢，都完全唔同。 大家都係做「舖」，但我成條做「舖」嘅「企業價值鏈」， 由集資、買舖、 整理間舖、搵租客、諗計仔幫佢做多啲生意、至出售間舖、同售後服務， 都係同其他競爭對手唔同。亦都解釋咗點解， 即使社運/肺炎，我哋基金每季集資起碼6000港幣都季季爆額，近年全香港買賣街舖無人多過我哋， 我相信只要我哋專注係我哋條買舖的獨特嘅「企業價值鏈」，未來幾十年香港都唔會有人買賣舖多過我哋。

"Choices in the value proposition that limit what a company will do are essential to strategy because they create the opportunity to tailor activities in a way that best delivers that kind of value." by Michael Porter

「選擇」係重要嘅! 你公司就要選有乜嘢做，同更重要 - 有乜嘢唔做，咁你先至可以更加度身訂造地做好你成條「企業價值鏈」，去為你嘅「價值主張」創造最佳價值。

有興趣一齊研究下點做? 聽多啲 Michael Porter，就來我星期六嘅早餐會啦! 下集我再同你講 (3) Trade-offs different from rivals 同競爭對手，應該有什麼不同的「取捨」?

。。。。。

My hobby 《星期六早餐會》!

九月份早餐會 Topic: Applying "Michael Porter" to your business: How to compete and win!

哈佛分享: 如何應用「米高波特」於你盤生意? 點競爭? 點贏?

講起哈佛策略教授， 無人出名過 Michael Porter. 有幸我2017年在哈佛親身上過他教的課程， 今次早餐會同你分享，希望對你做生意亦有所啟發。

有興趣參加啦 😃 每次限四位 (包括我)。 人多傾唔到計。

9月份，逢星期六早上9時開始，約三小時。地點中環。

對象: 中小企老闆/創業者/公司管理層，連我限4位。

有興趣參加的話，請 whatsapp 你的名片給 Suki (我助手) (+852) 5566 1335。

我唔係靠呢行搵食，免費，我請食早餐 😉 Be friends ..... 有機會到時見你。李根興 Edwin

www.edwinlee.com.hk
www.bwfund.com

聯絡李根興 whatsapp (+852) 90361143

#michael_porter #競爭策略

INSEAD 知識分享【做生意如打仗 - 尋找 Blue Ocean 的六條新路】

如果你的競爭對手比你更強，你應該如何打勝這場仗呢? 根據 Blue Ocean Strategy 藍海策略之父 W. Chan Kim，有六條路「打勝」這場仗。你應如何應用?

聯絡李根興 WhatsApp (+852) 90361143

全文內容:

做生意好似打仗咁， 如果你嘅敵人好強，你同佢正面交鋒 ，即使你贏，你都只係慘勝。 你會好傷。

你同個強過你的競爭對手鬥平 鬥靚，就等如係同佢係正面交鋒。 呢個係一個紅海， 互相廝殺，血染大海。咁點呢?

我星期六經常同唔同嘅朋友交流下做生意心得， 4位，人少少方便傾計， 如果你有興趣參加，可以whatsapp你張卡片畀我助手 Suki 5566 1335， 免費，我請食飯, 大家交個朋友。

前排就同其中一做開手袋嘅朋友Brainstorm 下佢盤生意點可以突破。 始終牽涉私隱，唔好開佢公司或人名啦。Let's call him Peter.

Peter 好成功， 紅褲仔出身，廿年前由東南亞 OEM (Original Equipment Manufacturer) 做起， 即係幫人哋嘅品牌生產手袋。 前幾年就建立埋自己嘅品牌， 有埋自己十間八間嘅專門店， 賣到全世界都有佢嘅袋。 (為保障佢私隱，上面有啲內容我修改咗些少。)

表面上好成功，但老實說，佢都話做得好辛苦， 俾大品牌挨住嚟打。肺炎疫情更加唔洗講，基本上每個月蝕住做。

我同佢講， 佢就好似正面地同強過自己嘅敵人打仗咁， 敵人就係 LV，Chanel，Gucci，Prada 等， 佢哋永遠都喺度， 鬥平或者鬥靚，即使打贏場硬仗，好大機會即使打贏，自己都只會受重傷，慘勝。

要打佢，就應該從側邊打。 攻佢一啲佢唔為意嘅地方。 吸嗰啲根本唔會幫襯佢或就嚟發想想再幫襯佢嘅客人。吸佢嘅 Non-Customers。

你諗下，如果喺街上面問一百個人， 佢哋有冇買LV/Gucci 手袋，99個都可能答你「無買」 或唔打算「再買」。 只係得一個有。 咁你同佢打就唔應該搶嗰一個客，而係應該target嗰99個 non-customers。而嗰99個non-customers 入面，只要有一個願意幫襯你，你嘅市場佔有率就係50%，有兩個幫襯你，你嘅市佔率係66%。

你係要target嗰啲「買袋 for those do not enjoy 買袋嘅客人」。

點搵? 根據Blue Ocean Strategy 藍海策略之父 W. Chan Kim 有六條路， 唔需要條條行曬，行通一條已經足夠。

(1) Across alternative industries 跨越另一選擇行業, (2) Across strategic groups 跨越策略性群組, (3) Across chain of buyers 跨越買家決策鏈, (4) Across complementary services or products 跨越協同效應服務或產品, (5) Across functional-emotional appeal 跨越功能及情感的吸引力, (6) Across time and trend 跨越時間及趨勢. 

我同Peter講， 你做手袋可唔可以試下以上六條路。

(1) Across alternative industries 跨越另一選擇行業， 例如我做商舖基金，就係跨越咗兩個行業 - 商舖及基金。 啲人覺得買舖好煩嘅，就會買我嘅商舖基金。一樣係「買舖 for those do not enjoy 買舖。」

當時我哋食緊飯，我同Peter講:「咁你又可唔可以考慮將手袋 cross 另一個行業呢? 好似我哋而家食完飯，成枱都係餸，你又可唔可以推出一啲名牌專打包外賣嘅手袋賣俾餐廳? 環保啲、保溫好啲、 款式多啲，咁餐廳可以轉售畀個客人圖利， 咁就唔會直接同 LV / Gucci 競爭， 咁會唔會吸到嗰99％嘅non-customers， 用手袋 cross Catering 餐飲，又會唔會殺出條血路呢?

(2) Across strategic groups 跨越策略性群組。 一個手袋，可以買亦可以租。係兩個Strategic Groups。既然係咁，可唔可以推出一啲月租計劃， 月費500蚊，預繳每年6000蚊，就每個月無上限，只要個客寄返個袋返嚟，就換個新袋畀佢用呢? 甚至乎搵個形象顧問，幫個客度埋嗰個月嘅新形象，畀啲surprise個客。 咁嘅話，會唔會吸引咗好多老公，幫老婆買個plan送俾佢呢? 咁老公唔使煩，老婆又有surprises。 咁係唔係「買手袋 for those do not enjoy 買手袋? 」 LV / Gucci 嘅 non-customers?

(3) Across chain of buyers 跨越買家決策鏈。 買手袋，有 users 用家 (可能係個阿太)，payers 俾錢嗰個 (可能係個老公)，influencers 具影響力嘅人 (可能係啲KOL，佢側邊啲阿太朋友或者仔女)，critics 評論者 (可能係啲雜誌/網上專家)， 上面咁多人，其實每一層都可能影響咗成個買袋嘅過程。 你想賣多啲袋，rather than 好似LV/Gucci 咁狂賣廣告， 不如可唔可以洗啲錢喺唔同層次上面影響個買家呢? 例如專門 target 啲孝順仔女， 唔知你點樣設計個手袋法， 但畀啲仔女感覺到話想阿媽用了個袋後就會「健康」啲，「青春」啲? 或者專門送啲手袋畀KOL (Key Opinion Leaders)，俾啲阿太見到，佢哋又跟住買呢?

(4) Across complementary services and products 跨越協同效應服務或產品, 好似外國嘅IKEA， 通常都有個 Child Care Center， 比啲阿媽免費放低個仔女幾個鐘? 入面免費有嘢食，有嘢玩。點解? 佢呢就可以有時間入去 IKEA shopping。放低十次唔買，第十一次，冇嘢做，行下行下自然會買。 買一次就能賺返曬返嚟。

我同佢講:「咁你做手袋專門店， 又可唔可以試下提供一啲免費嘅協同效應服務，例如， 修甲、吹頭、 即場享用嘅修身飲品，whatever， 總之就吸咗個客入嚟舖頭先，十次唔幫襯，第十一次自然會買個袋。 有冇留意到坊間有好多品牌其實都已經做緊同樣嘅嘢，皇后大道中嘅 Mercedes 餐廳，銅鑼灣嘅Leica Cafe 等。

我自己日日拍片畀你免費睇，其實都係行緊呢條 Complementary 路，你睇下睇下， 睇咗100條，1000條，遲早有一日你會買返間舖。 到時第一個搵邊個? 你都可能會考慮下我。

(5) Across functional-emotional appeal 跨越功能及情感的吸引力。 要贏人，就唔好淨係鬥價或者質量。 等如買部手機咁， 唔係function勁就贏曬。 蘋果手機好多嘢都過人，但硬係有好多蘋果迷， 情感上就係要買蘋果。 佢哋多啲錢，都要願意買啲渣啲嘅產品。 呢個就係 Emotion 大過 Function.

包括我在內，點解人地幫我買舖? 可能睇咗我300條片之後，覺得呢條粉腸李根興，日睇舖晚睇舖， 講埋啲乜鬼個人道理/故事，放埋佢老婆仔女上網，感覺呃人都呃極有個譜 ， 唔介意畀啲錢佢賺下。

我同Peter 講，你背後又有咩故事同人分享呢? 你盤生意呢?人哋feel唔feel到你呢? 你有乜嘢去 drive emotion 呢?

(6) Across time and trend 跨越時間及趨勢.  隨著時間同埋趨勢/科技嘅改變， 今時今日先有機會有 Deliveroo / Food Panda 等叫外賣應用程式， 網絡速度快才能做到。 以前網絡好慢嘅時候，根本做唔到。我同Peter 講，手袋一樣，有無可能推出一啲袋， 每日可以 track 住佢去邊度，提出消費建議。又或者佢唔使拎銀包出嚟就方便畀到/收到錢呢? Whatever ...

目的就係吸引嗰班 LV/Gucci 嘅 Non-Customers。 只要你吸到1％，你就有50％ market share. 唔需要六條路行曬，行通一條已經可以不得了。

我同Peter佢講，there is nothing wrong with what you are doimg now. 正面交鋒，鬥平鬥靚， 養活咗99％中小企。 不過佢哋大部分都只係繼續浮浮沉沉， 要突破嘅話，就係要搵到你嘅藍海。

藍海唔係喺Customers 道搵，而係喺 Non-Customers 道搵。 唔係要去爭，而係要做大個餅。Not Compete, but to Create.

如果我買賣舖，下下都要鬥平 鬥靚，根本無錢賺。 論身家，大把舖王多我幾百倍。但點解過幾年， 係市場嚟買賣賺錢嘅街舖 ，按宗數我哋能夠佔超過五成嘅市佔率? 就係因為我哋吸咗嗰1％嘅 non-customers。

「買舖 for those do not enjoy 買舖。」 我哋搵到我哋嘅藍海。

你呢? 你有無更強嘅競爭對手? 你又係咪同人鬥平鬥靚緊? 係咪正面交鋒到好攰呢? 試下用上面六種嘅方法， 從你嘅敵人側邊打佢， 唔需要條條行得通，只要行啱一條， 希望你盤生意之後長遠亦有所突破。

「做生意如打仗。遇上更強的敵人，要避免正面交鋒。 應從側面六條路，打他們唔為意的地方。」李根興

。。。。。。。。。

星期六我經常會搞下 Brainstorning-for-4 早餐/午餐會，大家交個朋友???? 互相俾下意見睇下盤生意有乜可以做好啲。

地點是中環。約3小時。

對象: 管理層/生意經營者/創業者

有興趣參加的話，請 whatsapp 你的名片給 Suki (我助手) 5566 1335。她會再聯絡你。

免費 (我不是靠這行搵食?)。我請食飯 ? Be friends ..... 多謝! 李根興 Edwin

www.edwinlee.com.hk

哈佛知識分享 - 行業分析及定位《點做生意? - 裙褂》Case Study

(想睇全程 unedited 訪問，可whatsapp 我90361143)

做生意要識得分析個行頭， 你一定要認識哈佛教授 Michael Porter 的波特五力 Porter's 5 Forces:

(1) Competitive Rivalries 行內的競爭性
(2) Threat of Substitution 代替品的威脅
(3) Threat of New Entry 新入行競爭者的威脅
(4) Supplier Power 供應商的議價能力
(5) Buyer Power 買家的議價能力

多謝經營了44年的鴻運繡莊老闆黃師傅接受訪問。

. 如何分析行業?
. 如何定位競爭?
. 做生意最忌什麼?
. 裙褂行業如今發展? 

訪問內容有答案。大家有大喜事也可幫襯他。

鴻運繡莊
總店:
元朗教育路69號地下全層
(852) 2477 6688 (敬請預約)
營業時間:上午12:00 至 下午8:00
逢星期四休息

尖沙咀店:
尖沙咀金巴利道73號新業廣商業大廈2樓202室
(852) 2787 9708 (敬請預約)
營業時間:中午12:30 至 下午8:00
逢星期日休息

內文: 
今次呢個case好特別，鴻運繡莊， 專做裙褂， since 1975 年，做咗44年，同我一樣，今年都係44歲。 佢個行頭又點呢，點做生意? 我後面呢間係去元朗嘅老店，而家又去佢尖沙咀嘅分店睇下。

呢盤生意係由阿黃師傅嘅爸爸44年前做起。Michael Porter 話你要分析一個行業，你睇五大影響個行業嘅大力量。

以5個力量唔係加起嚟(Additive)喎，只要其中一個失衡呢，就成個行頭可以玩完。 依家我逐一逐一同你解釋， 不過先了解下鴻運繡莊其實做乜先。

咁大家其實又知唔知道裙褂分類又點呢？ 

咁你又知唔知，褂係買多定租多呢？ 幾錢呀？

(1) 要了解個行頭， 就要先了解行內競爭性 Competitive Rivalries. 咁你就要睇有幾多競爭者， 品質的差異性，顧客嘅忠誠度，同埋離開市場唔玩嘅成本。 有啲行頭視對手為死對頭，互相廝殺，割喉式減價! 有啲行頭就互相禮讓， 基本上可能係合謀競爭，好似油公司咁，抬高個價。 咁阿裙褂呢行又點呢? 

(2) 市場上有冇代替品，都會影響成個行頭嘅表現。 例如以前有好多人用計數機， 依家一個智能電話就已經代替晒啦。 高鐵代替咗公路，港珠澳大橋代替咗搭船等。 當然要睇下個代替品係唔係代替得曬啦。咁裙褂呢?

(3) 新入行競爭者多唔多威脅呢? 係咪話抄就抄， 有冇咩特別專業知識? 有冇任何入行嘅障礙呢? 好似係外國醫生嚟香港一樣，未考過香港醫務委員會嘅試，就係唔準係香港做醫生。 有冇任何技術嘅保障， 或者 economy of scale 好似百佳/惠康咁大，先至壓得低個價錢呢? 

(4) 供應商的議價能力。 你同邊個人入貨? 多唔多選擇? 佢哋會唔會大過你好多，大石砸死蟹? 你轉其他供應商議會唔會成本好大?  你係賣電腦嘅，可能大部分嘅利潤就去咗Intel 粒 chip 嗰道， 因為你部電腦冇咗佢粒chip 就唔值錢。

(5) 第五個力量， 最後你就要睇買家議價能力。 市場上多唔多買家?佢哋嘅order 大唔大? 佢哋對價格敏唔敏感? 佢哋入其他貨改變嘅成本高唔高? 例如，醫藥行業一向都好賺錢， 因為買家為咗身體好, 多多錢都願意畀。同埋佢哋轉食另一隻藥嘅話，改變嘅成本可能係付出健康，太大喇。 做藥廠嘅，反而最怕就係insurance 公司， 因為佢哋主宰咗客人見咩醫生同食咩藥。 裙褂呢個行業有點呢? 

裙褂又點樣令到個買家願意畀多啲錢? 有咩新意呢? 

Hello Kitty 呢啲叫做licensing專利授權。 一般你都會同個licensor簽訂的合約，用佢個圖案幾多年嘅時間，預期有幾錢嘅收入， 當中幾多百分比嘅營業額會畀返佢 Royalty Fees， 平則百分之幾，貴則20%至30%。 當然你作為licensee , 就要upfront 俾個minimum guarantee 佢， 即是你一件都賣唔出， 你都一早已經付出咗。 當然佢唔係個個批，都要你有返咁上下料到先畀你用啦。

除咗hello kitty 嘅褂， 一件傳統嘅裙褂需要有咩呢?

咁講完一大輪，做裙褂嘅成本架構係點? 賺幾錢呢? 

一般做零售批發嘅，攞貨返嚟，轉手賣畀人，賣100蚊，賺3/4成啦。 但如果係自己品牌，H&M 馬沙等，賺5/6成啦，luxury brand, Prada 咁就7/8成啦。咁做褂呢? 人工超貴又點呢?

要提防新競爭者嘅進入威脅， 原來你做時裝零售都可以註冊外觀㗎喎。 你去知識產權署， 各種產品外觀設計都可以註冊㗎，包括電腦，電話，DVD/CD，紡織品，珠寶，同埋手錶。 只要你係獨特嘅， 填幾份文件交啲證據，成功註冊咗保障有效期最長就係25年，每五年續期一次。 咁做裙褂又點呢? 

最後根據Michael Porter 做生意， 你先要用以上5 forces 去分析個行業好唔好做。 好做嘅，就有以下四種方法贏人，比行家做得更好。

(1) Cost Leadership 大眾市場, 成本平過人，好似佳寶， 百佳，惠康咁。

(2) Cost Focus 小眾市場，成本都係平過人， 例如而家好多新興嘅夾公仔機，專 target 一班年青人/細路仔， 半賭博嘅心態去刺激呀，唔使人管理， 啲公仔成本都唔值錢。

記住喎， 我講緊係成本平過人，唔係價錢平過人喎。 成本平過人，即是價錢一樣，你自然賺多啲啦。

要贏人? 仲有 (3) Differentitation 大眾市場，但係行差異化， 好似Starbucks 咁。

(4) Differentiation Focus 小眾市場，都係行差異化，啲嘢靚過人。好似Prada， Chanel 咁。

想知多啲，可以睇返我之前有條片講關於100間士多嘅故事， 就同你仔細分析左呢四格。 咁鴻運繡莊做裙褂又點呢?

好明顯黃師傅就係行緊第四, differentiation focus strategy. 我自己做商舖基金都係一樣， 做專啲，做好啲，我哋基金收費唔平， 但最緊要服務好，投資者同租客賺到錢。 

根據Michael Porter, 四格入面做生意選擇邊格都得，但最忌就是Stuck in the Middle, 你唔願意作出tradeoff 取捨，就難贏競爭對手。

希望你都透過呢啲嘅影片學到嘢，做生意更加叻。 最後身邊有朋友結婚或者你自己又大事都好呢，記住呢鴻運繡莊啦! 

買舖/租舖/放舖/投資商舖基金熱線: 28301111 或 whatsapp +852 90361143

盛滙商舖基金 Bridgeway 網頁  www.bwfund.com

李根興創業之友 https://www.facebook.com/EdwinNetwork/

李根興商舖之友 https://www.facebook.com/edwinprimeshop/

李根興 youtube 商舖創業及投資分享商舖創業及投資分享https://www.youtube.com/channel/UCEN66AnLghXESgCDIsz-3Nw

#哈佛知識，#鴻運繡莊，裙褂點做生意，#michaelporte#michaelporter, #點做生意，#商舖, #李根興, #創業, #edwinlee, ＃盛滙, ＃bridgeway, #舖, #商機