#TB00 #收擔 #SiuTànn
▩ 七月限定，《#學校無教的TB俗語話》停刊，再會。
Tshit--gue̍h hān-tiānn, “Ha̍k-hāu Bô Kà ê TÂI-BĪ Sio̍k-gí-uē” thîng-khan, tsài-huē.
▩ 煞毋知影收著真濟訊息，叫阮著愛緊共《TB俗語話》收起來，無，按呢會教歹囡仔大細！龜怪呢，明明都攏揀佇「子時」才咧鋪文矣，欲哪會知影恁兜的囡仔攏遮晏睏。
Suah-m̄-tsai-iánn siu-tio̍h tsin tsē sìn-sit, kiò guán tio̍h-ài kín kā “TB Sio̍k-gí-uē” siu--khí-lâi, bô, án-ne ē kà pháinn gín-á-tuā-sè! Ku-kuài--neh, bîng-bîng to lóng kíng tī TSÚ-SÎ tsiah teh phoo-bûn--ah, beh ná ē tsai-iánn lín tau ê gín-á lóng tsiah uànn khùn.
（ 就因為收到很多訊息，叫我們要快點把《TB俗語話》結束掉，不然這樣會教壞各大大小小的孩子！奇怪內，明明都選在「子時」才 PO 文了，誰曉得你家的小孩都這麼晚睡。）
▩ 好啦，知矣啦，莫教歹囡仔就莫教歹囡仔嘛。
Hó--lah, tsai--ah--lah, mài kà pháinn gín-á tō mài kà pháinn gín-á--mah.
( 好啦，知道了啦，別教壞小孩就別教壞小孩嘛。)
▩ 紲落來，另日仔欲換來分享「教歹大人」的 ──《#社會無教的STB俗語話》。
Suà--lo̍h-lâi, līng-ji̍t-á beh uānn lâi hun-hiáng KÀ PHÁINN TUĀ-LÂNG ê — “Siā-huē Bô Kà ê STB Sio̍k-gí-uē”.
( 接下來，改天要換成分享「教壞大人」的 ──《社會無教的STB俗語話》。)
▩《STB俗語話》才是香[hiang]、才是辣[lua̍h]，才是大刺激，才是會想得煞袂講得，才是愛暗靜仔會[huē]、愛偷偷仔喃，絕對毋是《TB俗語話》彼款囡仔組話矣。不而過，較驚有衛道人士會 tsàn 袂牢，所以閣予阮想看覓咧，看欲按怎做才袂去 hông 囉嗦。會想偌久？這袂按算得，無的確想甲年拄年去--liooh。
“STB Sio̍k-gí-uē” tsiah-sī hiang, tsiah-sī lua̍h, tsiah-sī tuā tshì-khik, tsiah-sī ē-siūnn--tsit suah bē-kóng--tsit, tsiah-sī ài àm-tsēnn-á huē, ài thau-thau-á nauh, tsua̍t-tuì m̄ sī “TB Sio̍k-gí-uē” hit khuán gín-á-tsoo-uē--ah. Put-jî-kò, khah kiann ū uē-tō jîn-sū ē tsàn bē tiâu, sóo-í koh hōo guán siūnn khuànn-māi--leh, khuànn beh án-tsuánn tsò tsiah bē khì hông lo-so. Ē siūnn luā-kú? Tse bē-àn-sǹg--tsit, bô-tik-khak siūnn kah nî-tú-nî khì--liooh.
(《STB俗語話》才是又辛又辣，才是超刺激，才是能想卻不能說，才是要暗地裡討論、要偷偷地唸著唸著，絕對不是《TB俗語話》那種小孩子話。然而，就怕有衛道人士會承受不了，所以讓我們再想想，看要如何做才不會被找麻煩。會想多久？這無法預料，說不定想到明年此時呢。)
#袂當教歹囡仔 #教歹大人無要緊
tb00 在 TB00 #收擔#SiuTànn 七月限定，《#學校無教的TB俗語話 ... 的必吃
TB00 #收擔#SiuTànn ▩ 七月限定，《#學校無教的TB俗語話》停刊，再會。 Tshit--gue̍h hān-tiānn, “Ha̍k-hāu Bô Kà ê TÂI-BĪ Sio̍k-gí-uē” ... ... <看更多>