關於 sharedomoootd ，我們在網路上蒐集到這些相關的討論、資訊與評價

前日出咗個story講boot之後，大家反而覺得我本身對黑色短boot 最吸引🥲DM被炸了🥲真係沒有比較沒有傷害😩我仲未決定到對長boot點處置好🥲
.
//自購 from @styleclosetkr // Auria Classic Leather Boots
預訂價 𝙷𝙺𝙳 𝟺𝟿𝟿
講定先，依家已經無得買啦，下年請早🥲
之前睇ig 廣告燒到冚冚聲，買完之後真係無後悔，成對鞋皮革好軟熟，鞋底都係軟軟地，有返咁上下厚度，完全唔硬唔刮腳。我腳型偏厚所以買大咗一個碼，着落零夾腳問題，平時腳骨位好易腳痛但呢對完全沒有。鞋踭4cm，着住黎輕鬆跑跑跳跳行遠路🤪呢個款襯長褲或者短裙都好睇😀
.
本身無諗住特別出post講，因為最近好多類似款，我又唔係好講得出呢對有咩咁特別。但前日試完The Korner 比較之下，呢對真係修腳好多，應該係因為呢對boot頭無咁闊，方得黎有少少尖尖地，望落再顯瘦啲。加上靴口留咗少少空位，視覺上再修腳啲。大家如果想買短boot都可以留意一下類似cutting😛
.
缺點方面， @styleclosetkr 呢對實物比起官方相更加令蠟蠟同埋有光澤，有刮痕嘅話都幾明顯，我着咗兩個月到都有少少花花地🥲
.
Btw 呢間都係黃店黎💛暫時我淨係買過呢對鞋，其他鞋款或者衫褲鞋襪我未試過comment唔到～
.
#SharedomoYellowHunt #Sharedomoootd

再唔出post就轉凍了🥲 sor 我真係唔識擺pose的，次次影都尷尬癌，唯有郁下郁下扮pose咗🥲
.
圖入面我着嘅item可能已經下咗架，所以今次以介紹舖頭為主。
.
//自購// 上衣是 @kedi.hk 嘅😚斷斷續續幫襯左一年，一開頭吸引到我嘅係因為我同店主嘅身形有啲似（當然冇佢咁瘦），同埋店主嘅風格都幾啱我口味！大概都係行簡約斯文返工able路線。每件衫嘅單價真心唔平，唔係件件都買得落手，不過質地的確係比起之前買$2-300嘅韓國衫好，起碼洗咗好多次都冇變殘變舊，唔係着一兩季就會變殘嘅質地。年頭買的Satin Side Slit Skirt由春天着到秋天都keep得好好，上年冬天買咗件cropped sweater我諗起碼可以着多兩年！我係好懶買衫嘅人，所以我prefer買幾件質地好嘅款式簡單百搭嘅可以着好耐，多過成日買新衫～
.
缺點係價錢啦，同埋始終小本經營有時無現貨要預訂就要等一段時間先有貨～而且有啲款式真係話斷貨就斷貨的了😭如果有少少budget又中意簡約設計嘅可以睇下～ 另外店主之前有提供黃速遞選項，最近因為私事暫停，私心希望可以再有順豐以外嘅選擇呀😚
.
//自購// 黑色長褲係 @gluckist !!! 成日見 @rachel.ysss 買所以燒着了！好中意呢間舖嘅style!!!不過對自己無咩信心所以暫時都係買過比較百搭簡單嘅款式🤣🤣呢間係有少少規模嘅網店，全港係有三間實體店的！我暫時淨係去過銅鑼灣店，可以試上身真係好加分，尺寸唔啱仲可以免費幫你拎去修改（好重要！因為韓國衫通常得兩個碼），店員服務好好，都係因為咁我買咗人生第一條闊腳西褲～開心🥳同埋呢間係有認證嘅黃店黎～
.
缺點都係貴🥲（利申買開U記），有時係門市見到其他ig shop都有賣嘅款式，呢間嘅售價係會貴少少嘅（不過都正常因為要俾租），所以我多數都係買褲，貪佢有得試上身😛
.
//自購// @thekorner_hk Kayi Slip On，之前介紹過，唔詳述了～💛
.
想知大家會係邊到買衫，俾啲貨黎🙏🏻
.
#SharedomoYellowhunt #Sharedomoootd #ootd #hkootd