最近我個屋苑有好多人睇樓，似乎大家都想入市，你哋住緊嘅地方有冇呢種情況？
話口未完，我就收到舊同事電話：「喂，你點呀？係咪搬咗入屯門？」
我：「做咗屯門牛啱啱好一年喇！」
「啱晒，今個weekend我同老婆入嚟睇樓，一唔一齊畀啲意見？再唔係食個tea吖！」
我：「荔枝角唔好住咩？」
「咩呀，我都唔係住荔枝角，本身住天水圍㗎嘛！」
我一直以為佢住荔枝角，因為當年共事，記得佢枱頭貼咗張昇悅居嘅相，點知呢位舊同事咁解釋：「貼昇悅居張相係因為冇買樓花，人生中最後悔嘅事，嗰陣打算結婚，仲記得喺新世紀廣場睇示範單位，160幾萬就買到，我猶豫不決冇買，後來升咗兩倍都唔止，其實我耿耿於懷，貼張相喺office純粹想鞭策自己勤力做嘢，提醒自己以後make decision唔好拖泥帶水。」
我：「嘩，原來有一段咁可歌可泣嘅故事，咁又啱嘅，我枱頭都有C朗親筆簽名相，唔通我又同C朗有關係咩？純粹係覺得佢咁有天份都仲好勤力，提醒自己要學習佢嘅態度同埋精神。」
「冇錯，就係呢種心態！不過仲有我老婆呢種，佢會放Banpresto品牌嘅模型，仲買過唔少Q posket公仔。而家佢對Q posket friends petit吼到實一實，即係Q posket旗下首個原創角色故事系列，用女主角Olivia寫日記嘅視角出發，好少出歐美風㗎！」
我：「不過枱頭擺收藏公仔會唔會太大件呀？」
「Q posket啲公仔一般約14cm高㗎咋，Q posket petit仲要係迷你版呢，一般約7cm高，擺office做裝飾品比figure更有value，個傻婆有時仲會拎出去外面影相，少女心嘅嘢我同你識條鐵咩！我負責送㗎咋！」
我：「好過叫你送鑽石啦！」
「咁梗係！我老婆應該係見呢set Q版好sweet，面尖尖眼大大，想擺喺枱頭鞭策自己變得咁靚，佢話喎，呢個系列記錄咗6個可愛女仔嘅日常，有6款普通色加6款特別色，而特別色仲係海外粉絲先買到， 日本都冇㗎！ Lucky嘅話會抽到同樣係日本以外地區先有嘅隱藏款，你祝我好運啦！」
諗諗下每個人枱頭都會擺一啲令自己賞心悅目，又或者可以提升士氣嘅嘢，呢位舊同事擺一座錯過入市時機嘅樓宇相，佢老婆就鍾意擺收藏公仔，我見好多媽媽級同事會擺佢哋小朋友嘅相，有人就會擺男朋友送嘅永生花，我甚至見過人擺奢侈品嘅吉盒，可能係想提醒自己努力賺錢先買得起啩！冇辦法啦，邊個做嘢唔辛苦吖，工作環境又枯燥，有啲精神寄託真係好重要，攰攰地嘅時候望一眼就可以回魂，你哋枱頭又擺咗啲咩呢？
等我post下Q posket friends petit系列嘅相畀你哋睇先，抬起頭望下老細個樣，再望返呢幾個咁可愛嘅公仔，我明白阿嫂點解咁想要喇！
#banpresto #qposket #qposketfriends #Q版甜美外型 #擺枱頭賞心悅目 #拎出街影相又得
