關於 professorx呀 ，我們在網路上蒐集到這些相關的討論、資訊與評價

【#電影快訊 - 係精神嘅！《Glass 異能仨》 集合三大癲才聯盟】

如果香港有三條友以為自己有以下異能，個香港會變成點？
第一位：佢有24重人格，最終形態係「野獸」，會殺人，巧暴力。
第二位：佢有不死身，餵佢食地獄料理都唔會死。
第三位：佢有瘋狂大腦，腦葉每秒高速運轉，IQ 勁過霍金。

美國真係有三位人兄有咁嘅奇能。感動嘅係，已經有精神病院困咗佢地三個；不幸嘅係，間精神病院竟然聰明到困佢地三個一齊，等佢地有機會搞事… 係精神嘅！

呢套《Glass 異能仨》就係講有瘋狂大腦嗰條院友，想引 24 重人格院友個「野獸」形態出嚟，一引出嚟就 gg 喇，隨時瘋狂殺人。你地之前睇過《Split》（中文叫思裂）未？呢位院友咪就係主角 Kevin 囉！佢禁錮三個妙齡妹豬，殺咗其中兩個；至於瘋狂大腦嗰條院友，就係 2000 年一套叫《Unbreakable》（不死劫）嘅電影個主角，叫 Mr. Glass，嗌住佢做玻璃佬先。至於不死身院友，都係來自不死劫呢套戲。

呢套《異能仨》犀利呢？crossover 晒前兩套戲，今集就係最終章，所以想知呢三位院友個病歷，就要睇番之前兩套戲。未睇過不死劫，唔知玻璃佬有幾精神，要番去追追，但睇今次《Glass》條 trailer，呢條玻璃佬同 Kevin 係幾有火花。

上映日期：1月17日
想睇指數：想想想想

#ProfessorX呀 #佢副body好正 #我想比佢瘋狂撕裂
#其實戲名讀異能三 #有人讀異能仁 #係咪任何仁個frd

Bromance定Romance? 越睇越似變種特攻

怪獸與葛林戴華德之罪最大嗰條死罪，係罔顧觀眾記性，置我地對故事推進嘅了解程度於不顧。本片係怪獸與牠們的產地嘅第二集。一般嚟講要求觀眾對上集有基本印象係十分合理，但係今集要觀眾記得上一集嘅劇情同人物關係等嘅要求太高啦，邊個打邊個都未得嚟搞得清，就已經快速層層疊啲新人物新關係兼新情仇，消化唔到呀喂。

一係你就加番適量flash back、一係你就取其形神發展獨立故事。而家呢個文戲劇情淹沒觀眾嘅處理，趕客得嚟，想我地投入都難。

好彩戲入面啲畫面夠晒靚。人物場景風格細膩得嚟有型有款，暗黑嘅主題冇話搞到畫面黑萌萌乜都睇唔到。鬼哥會形容呢種風格為「快樂哥德式」(Celebratory Gothic)。有咗呢個成功貫徹全片嘅美術設計主題，加上睇得出好用心製作嘅特技效果同埋後期CG，睇IMAX嚟講享受一流。

電影主軸講述Johnny Depp飾演嘅大魔王葛林戴華德，帶領地球上嘅巫師小眾密謀起義。但係感覺十分無啦啦。Johnny Depp起義背後理念係乜? 究竟佢受咗乜嘢刺激入魔? 自願跟隨佢嘅門徒，又受咗乜嘢壓逼或者剝削欺壓呢?

你又要我記番上集呀? 冇印象喎，大哥。

人物面貌目的著墨太淡，投入感自然點谷都谷唔起。由畫面、特效、靚仔靚女堆砌，戲味自然薄弱。

片中大力暗示Johnny Depp同Jude Law之間一段山盟海誓、要生要死嘅同性愛情。Johnny Depp入魔之路，相信同呢段由深愛變仇恨嘅感情有好大關係。

不過又係要等下回分解。

By the way, 兩大擁有異能嘅小眾頭目，早年情如手足，攬頭攬頸。一位辦學施教，另一位有感小眾長年受壓逼、被欺壓，謀反野心難馴，誓要統治地球。兩位互有信徒，最終逼不得以，為信念而反目，兩大陣營訴諸武力互相廝殺...

熟口面口?? 冇錯，咪就係X-Men囉!

鬼哥預言，第三集戲軌將會同變種特攻：異能第一戰非常相似。利申:冇睇過小說。

鬼哥俾56分。

#怪獸與葛林戴華德之罪 #JohnnyDepp #JudeLaw #EddieRedmayne #XMen #變種特攻 #異能第一戰 #葛林戴華德 #FantasticBeasts #Grindelwald #ProfessorX #Magneto

早上的記者會，X教授也來啦～有開了ㄧ小段直播，看到的人很幸運喲～兩位終於到齊了，下次來台灣不知道是何時呀～～～ Hugh Jackman Patrick Stewart Logan #woverin #professorx