收工返到屋企，趕得切喺12點前出呢個po。
以前每到年尾，就要做大事回顧。無論係自己落手做定還是睇人哋啲稿，我都好唔鍾意「XXXX年係悲喜交集嘅一年」呢句嘢；行貨、廢話、冇意思、嘥air time、講咗等於冇講。試問一個人，有邊一年會365都咁開心，又或者唔開心足12個月吖。
2020年，係悲多於喜嘅一年。
老實講，而家咁嘅環境，真香港人，其實冇咩值得高興。不過就我自己而言，貴精不貴多，小怪獸s嚟咗我哋屋企呢件事，真係幫我抵銷咗好多唔開心，多謝佢哋；同時亦都提醒我無論遇上咩情況，順又好逆又好，都要努力，要咬緊牙關撐住。
對屋企人嘅感謝永遠講唔完，如果可以畀我再多謝一個人嘅話，我其實想多謝我自己。
呢年嚟，多謝自己冇偷懶。我唔叻，但so far嚟自工作夥伴/客戶最多嘅評語，係「嘩你真係好勤力」。你當我老黃買瓜自賣自誇啦，呢句評語，我會面不紅心不跳咁接受。為咗小朋友嘅將來，仲點會有空間偷懶？如果有人覺得我勤力，我唔會認為自己好成功，但至少，唔算失敗。同時亦都要多謝公司同事同助手嘅悉心照顧。
多謝自己，pick up番跑步。最初係因為籃球場封框冇波打，為咗保持運動量先去跑下；無心插柳柳成蔭，點知就越跑越多。晏晝開工前跑埋今年最後一跑，全年埋單總共跑咗接近千五公里，幾乎係過去幾年嘅總和，好滿足。
跑友間有句說話，叫 #在終點遇見更好的自己，不過我覺得跑步呢樣嘢，只要你一日冇放棄，就一日都未到終點；終點，只會設喺你停低唔跑嘅嗰一個地方。跑步如生活，有cyclical nature；所以我唔會用終點嚟做目標，而係要自己每次都比上一次好，be better，然後成為一個best version of yourself。嚟緊一年，繼續將所有嘢都做得更好，工作如是、跑步如是、湊仔如是、生活如是。
一年將盡，都想跟傳統講番句新年快樂。但係就算樂觀L如我都知道低處未算低，出年可能一樣難捱。不過香港人從來硬淨唔認命，喺呢度希望大家有更健康嘅身體同更強大嘅心靈迎接挑戰，關關難過關關過，否極，泰來。
祝大家平安。
2020，好行夾唔送。
#亂世之中保持強健體魄
#1488好意頭
#NRC
#NikeRunningHK
nikerunninghk 在 Nike Pegasus Women's Running Shoes Near Hong Kong 的必吃
New and used Nike Pegasus Women's Running Shoes for sale in Hong Kong on Facebook Marketplace. Find great deals and sell your items for free. ... <看更多>