女生們在經期前，總佔咗大多數人，總係覺得肚谷谷、心情煩躁同易出痘的問題呢？其中一個必定是我！！！
前排在互聯網上，學咗煲呢個行氣活血疏經茶，咁啱我上次經期前，飲咗幾天，嚟嘅時候，真係冇平時咁肚痛同肚谷谷，有好嘢，當然要介紹大家飲啦！
材料：蘋果2個、山楂20克、玫瑰花6克+1公升水，煲45分鐘就攪掂，但我自己自加了紅棗20粒、杞子同雪耳，可以更滋補！落咗紅棗，有天然甜味，就唔駛加糖啦！
功效：行氣化瘀。舒緩月經時腹痛、心情煩躁和出暗瘡等症狀，建議經期前一星期每天飲用。
唔好講笑，可能有山楂原因，第二天飲完便便去得唔錯，有便便去，都冇咁易生暗瘡啦！其實玫瑰花，平日都可多浸水嚟飲用，因為可疏肝解鬱同活血功效，好有美容效果，亦可令臉色好紅潤d！蘋果唔駛講啦，一日一蘋果，醫生遠離我嗎！
大家有時間可以試吓！
#經期 #行氣活血疏經茶 #行氣活血 #經前綜合症 #嚟M前啱飲飲料 #M前有益飲品 #CherryPolawsharing #CherryPolaw小廚房 #CherryPolaw小些牙 #hk #hkig #hkgirls
