不經不覺，寫專欄已經有五年幾的時間，而facebook專頁都有四年多了，現時有接近5000位followers，實在無限感激！青冰寫財經專欄的初心，是跟廣大的戰友們分享自己的分析，從來都沒想過要回報，直至2018年蘋果日報財經版找青冰寫專欄，才初嘗收稿費的滋味，但比起在專頁上落廣告、推介吓開戶、走去開班這些，稿費是微不足道的，這些年來都推卻了不少機會，寧願寫得輕鬆一點，不需向客戶交代，有時間的話，青冰勤做功課，搵隻靚股炒吓，回報更佳啦。
推動青冰寫Patreon的原因，其一是沒有了稿費專欄，其二是戰友們私底下力勸文字有價，說必定身體力行支持收費，其三就是青冰最大的動力，能更好的分享自己的分析，此話怎解呢？話說有戰友PM閒聊時，問青冰除了蘋果外，還有甚麼專欄？嘩，唔係嘛每星期都會post三個專欄啊，戰友話，喂真係唔知喎睇唔到喎，青冰叫佢在fb內set專頁為See First啦，戰友話，喂一早set咗喇，但好多時都會miss咗。青冰當然知道fb的運作，你又唔畀錢fb賣廣告，又唔叫人like and share，又唔日日講Mirror，又唔話500 likes先分享自己的獨特分析，靠運算法reach各位戰友，效率都甚低，完全係靠「運」。所以為了更有效的接觸戰友，青冰決定嘗試在Patreon平台開始創作。
青冰的Patreon會分三個層級，戰友、戰士及戰神級。在戰友級別內青冰會寫北水分析、指數季檢、業績分析、通告拆解及優先看到青冰在其他網上專欄的文章，定價是每月6.88美元。戰士級別內，青冰會試寫投資日記，每日記錄當天的市況焦點，暫定8月才開始寫，亦會分享核心股份的名單，作深度分析及跟進，還有新股部署，日後或會有一些教學文章。至於戰神級別呢，暫時未想到有甚麼福利，如戰友只想聊表心意，實在無任歡迎，哈哈，應會分享一些實戰操盤技巧，每周update吓有乜買賣之類，不過都係日後諗到再加吧。
先旨聲明，青冰對Patreon並唔太熟識，掌握運作技巧都要一段時間，如有錯失，請戰友們見諒，若有任何建議，想睇啲咩內容，歡迎指教，
青冰投資在Patreon
likes and followers 在 About Likes and Follows for New Pages Experience - Facebook 的必吃
The number of followers indicates the number of people who may see your Page's updates and posts in their News Feed. When people liked your classic Page, ... ... <看更多>