《Celine or Céline❓女人我不懂》
是咁的，話說我知道有位K女士講咗好幾年都唔捨得買個Céline包包，總之就格嚟格去睇嚟睇去都係買唔落手。明既，顏色咁多品牌又咁多唔買Céline可以買Prada又可以買Chanel。總之就預留返357年諗掂咗真係鐘意又無同阿邊個邊個女同事撞款先好買，Luxury嘛，明既。
誰不知那位K女士一知道我要去歐洲就同我講...
🙋♀️：你去歐洲？幫我買個Céline
🙎♂️：我唔得閒去outlet喎，都平唔到幾多啦你又唔可以親身選，好易買錯架（我心諗唔好搞我啦香港點會無得賣Celine）
🙍♀️：唔係啊，你一定要幫我買，再唔買無得買
🙍♂️：吓無得買？Celine要執喇咩？
🙎♀️：唔係啊，佢要改design，要停產喇再唔買無得買...
🙎♀️：你成日要儲信用卡積分嘛，啱晒啦😘
🙍♂️：......好啦我經過就睇睇......
（時間一轉去返今日，里生🙎♂️在瑞士🇨🇭Zürich）
其實我未入去前都唔知咩叫改design，我行入去就問店員「Hi, I am looking for the old design of Celine bag」，店員答「Oh sure」跟手拎咗兩個我覺得一模一樣嘅袋俾我睇...問完一大輪之後
.
.
.
.
.
原來Céline唔係Celine...
原來賣包包都可以好似銀行信用卡last call welcome offer咁...
女人嘛...我真的不懂...🤦♂️
P.S.: 我見Céline (或Celine)有款銀包好正！目測應該放到起過15張信用卡❗️請問有無男裝...(下圖左右）
#鐘意儲信用卡積分係咪應該去做專業代購
#Celine多隔數銀包395瑞士法郎要下單嗎親😂
