關於 benedict的豪食紀念簿 ，我們在網路上蒐集到這些相關的討論、資訊與評價

［#Benedict的豪食紀念簿 鳥取境港超平價食蟹 ］

喺網絡上面做少少資料蒐集，基本上好多Blog都有介紹呢一間餐廳，佢真係幾抵嘅，兩個人食一年四季都有嘅紅楚蟹，一人一隻，叫埋酒水，仲要有自己獨立嘅埋房，埋單都只係10,000円左右。

一定要打去預約，因為店家要準備蟹嘅數量，仲要唔好好似我咁傻仔，九月去基本上係未有松葉蟹食，只係得紅楚蟹，要食松業蟹就要到11月啦！自己book mark定啦！

味処 美佐
鳥取県境港市京町6
ＪＲ境線 境港駅 徒歩7分

中環蘭桂坊貼地價錢嘆高級中餐

平時我唔係特別鍾意食中餐，但呢日我個friend 貴婦出走日記 Travel Like A Lady 話呢一間中餐一定要試，因為佢地個北京填鴨超好食而且cocktail好特別。

係開始食飯之前我哋叫咗佢幾款好特別嘅雞尾酒，因為佢哋係用「柴米油鹽醬醋茶」去命名，如果去到一定要試其中個款用京都念慈庵枇杷膏去調製嘅，飲落去涼涼地，中西合壁真係一試難忘。

除咗雞尾酒出色，我成晚覺得最好食嘅一定非北京填鴨莫屬，再加埋嗰個鴨湯泡飯，我真係忍唔住比9分。就連我呢啲唔食澱粉質嘅人都一連食咗3碗。
除此之外，佢哋嘅點心都好出色，可以喺午巿嘅時候試吓。

紅樓
中環蘭桂坊德己立街32號加州大廈23樓

#Benedict的豪食紀念簿