美國加息繼續拖住先，英國脫歐咁大個藉口，一定要好好運用。17個FOMC成員，6個認為下半年只會加息一次，上次會議只得1個。另外有9個估加兩次，2個估加三次。相信下月底再議息，大部份都會轉軑估加1次，之後慢慢再轉為零。
不再擔心加息，繼續買金銀價升。
#毅力先生 #板塊淘金 【8萬億期權大龍鳳】
MSCI寧願將巴基斯坦納入新興市場指數，都要將A股拒諸門外，只能講一句：「面係人哋畀…」外資會否落搭，唔係睇A股市值幾大，每日成交幾多，有幾多散戶參與，最重要係自由進出，買得又沽得。去年中股災、今年初熔斷兩役，相信已將外資嚇破膽，入摩？再等吧。
中證監回應話：「任何沒有中國A股的國際指數都是不完整的。」但試問有哪個指數是完美、完整的？不包括一個龐大但封閉的市場，筆者認為反而是一種缺憾美；換個角度睇，無外資惡意沽空搞搞震，A股個場更乾淨，繼續關門私片，對A股亦非壞事。
舜宇走勢好轉
壞消息兌現，中港股市在習大大生日大反彈，但未來一周左右，環球市場仍有三關要過。較少人留意的是，摩通最新計算指，標普500指數有1萬億美元（約7.8萬億港元）期權即將結算，其中本周五結算金額料達1000億美元，要慎防市況大波動。呢種市況，筆者寧願少賺也不敢勇進，倉膽繼續揸實金銀ETF，另外小注兩三隻強勢股就算。
其中舜宇光學（2382）3個月以來，首次回試50日線即現反彈，昨漲4%重上20日線，技術走勢好轉。摩通最新報告指，近日舜宇回落，主因市場憂慮最大客戶華為減訂單，但摩通認為影響被誇大，維持今年增長30%至35%目標，目標價29元。另外，摩通料今年汽車鏡頭將成舜宇新增長動力，佔比可升至逾20%。
＃8萬億期權到期 ＃A股唔入摩係一種缺憾美 ＃舜宇光學 ＃慎防市況大波動
