【全城有品嘉年華溫暖起動！】
早前介紹畀各位，由香港有品運動主辦嘅「全城有品嘉年華」，尋日喺荃灣愉景新城舉行開幕禮，由兩位名人嘉賓陳智燊先生及宋熙年小姐擔任「有品大使」，陪同香港有品運動董事局一眾成員主持揭幕儀式。
活動上面有不同團體表演，包括金巴崙長老會青草地幼稚園、香港兒童正向發展協會、綠茵英文（國際）幼稚園、德志國術會，以及聖雅各福群會銅鑼灣幼稚園。香港有品運動總幹事凌葉麗嬋女士即席分享咗推動有品教育嘅心得，而機構所推廣嘅24種品格強項，以及「6A品格教育原則」——Acceptance接納、Appreciation讚賞、Affection關愛、Availability時間、Accountability責任及Authority權威，都令到在場來賓得益匪淺。
活動會一直舉行至12月8日，而「有品牆」編織活動亦已經展開，誠邀各界朋友由即日起至12月8日，每日中午12時至傍晚6時，去到荃灣愉景新城第一層中庭一同參與！
#YellowBus #黃巴士 #黃巴士親子天地 #香港有品運動 #全城有品嘉年華
