Bulbble Inc. 成立七周年快樂！
Let's Keep Shining! 💡
- Since 07 Aug 2014 -
「我日日都有like你嘅 post 㗎！」
「我follow 咗你好耐㗎啦！」
「我身邊啲朋友都有follow 你！」
「佢成日send 你嘅圖比我！」
「我有用緊你畫嘅圖嚟做wallpaper！」
「你幾時出 XXX product 呀，我到時一定會買！」
「我年年都有買你哋本Calendar㗎！」
......等等
每次聽到有人同我講以上嘅說話，心裡面都會暗暗高興，因為好怕醜所以好少會表露出嚟，但其實你哋每一句支持同鼓勵我都一直記在心裡。有Follow 開哋嘅朋友都應該知道，Bulbble Inc. 係由一個畢業作品開始，然後慢慢演變成今日你哋見到嘅呢個品牌。有時候諗返起自己當年裸辭然後全職做創作，真係好勇敢 (笑) 。或者犧牲咗所謂嘅高薪厚職，但我可以好肯定嘅係如果俾我再揀過我都會做同一個選擇。或者人生有時候需要嘅只係一股 nothing to lose 嘅勇氣，唔試過你又點知唔work 喎。
過去呢段日子好感受到大家對我同Bulbble Inc. 嘅愛錫，每一個有聲定無聲嘅支持都絕係我哋堅持創作嘅原動力。好想好想衷心咁係度多謝您您您您您哋！多謝您陪我走到今天。因為呢個地方，我先可以好幸運地遇見到大家。Bulbble Inc. 未來嘅日子還會不斷嘗試，不斷挑戰，之後還請大家多多指教。繼續發光發亮！
小預告今年10月將會有一件前所未有嘅大事發生，敬請期待！
#bulbbleinc #bulbble #letskeepshining
