【《#殺神Nobody》、《#哥斯拉大戰金剛》帶動戲院票房翻生】
好似好耐冇分享過票房消息，都因為其實冇咩好講。當北美戲院陸續開返，而又開始有猛片上映時，難得除咗中國同日本票房，全球戲院票房都有起死回生跡象。
《哥斯拉大戰金剛》日前喺亞洲、澳洲、南美等38個地區率先開畫，獲得咗驕人成績，中國票房爆得最勁，五日已經收五億人仔，令套戲未喺北美開畫，全球票房已達1.2億，成為2021年度最高票房非華語電影－－今時今日竟然要咁樣講。《哥斯拉大戰金剛》目前有極好口碑，今個星期北美開畫加埋復活節檔期，將會見真章。
至於北美戲院陸續重開，《魔龍王國》頂咗咁耐，接捧就係小弟大推嘅「爽片」《殺神Nobody》。套戲上星期北美開畫，憑超強口碑帶動，首周末三日票房有670萬，同時都令洛杉磯以110萬美元票房，奪回北美票房冠軍城市。喺疫情前條數當然唔算靚仔，喺疫情後就係好好嘅成績。《殺神Nobody》目前全球累收約1,200萬美元，以一套只得1,600萬低成本作品嚟講，仲未計串流收入，幾乎已經可以穩賺。
戲院業界開始有復甦跡象，但要回復返疫情前光景，唔知又要等幾耐？
《殺神Nobody》觀後感可看留言連結。
‼️電影網店全新貨品已上架，低至$5起，快啲嚟搶購啦：https://bit.ly/3qLPkpk
【Patreon加強版】尊享優惠、更多深度獨家電影文章：https://www.patreon.com/travelerwithmovie
📣文字工作者也得要吃飯，你的支持是我的原動力。請給點心意，給小弟寫更多好文章，歡迎透過payme課金以作支持🥳：https://bit.ly/3a9wOzy
或使用Payme link：https://payme.hsbc/jackyhei
或透過Paypal捐款：paypal.me/jackyhei
【MeWe請Follow】mewe.com/p/travelerwithmovie
【IG請follow】www.instagram.com/travelerwithmovie
🙏感謝各位支持，小弟執筆之原創小說私人貨存已全部售罄，有意者可到此文章內的連結購買：https://bit.ly/3dRuUWu
龍王的工作小說 在 [閒聊] 龍王的工作小說值得補? - 看板C_Chat - 批踢踢實業坊 的必吃