今天冠瑤成為被 Swatch 選中嘅細路由屯門的鄉下出城遠征到銅鑼灣的swatch店見見世面，一落車每一口空氣都是luxury的感覺，香港真是寸金尺土啊！
我本身係唔戴錶嘅因為我長期毒留家中唔出街根本唔需要有咩時間觀念，我係「依家手機都有時間睇啦駛乜戴錶主義者」，但作為一個極少出席KOL活動長期病埋喺屋企畫畫嘅古墓派宅男，點樣可以同一班靑春無限行走江湖嘅KOL同場爭妍鬥like呢？佢地會唔會聞到我日夜閉關不見天日照不到太陽長期缺乏維他命D同社交手腕嘅酸臭噏味？
我既期待又怕受傷害，所以搵咗兩個KOL fd陪我去幫我影相，點知呢兩條人渣遲大到，我唯有孤身咁行入swatch店，一丁友進入呢個龍潭虎穴吃人不吐骨嘅KOL大本營，你要勇敢呀冠瑤！用你中學Drama club潛修多年爐火純青的演技扮演一個Social King，Let’s get Party！
一入到去就見到好多熟悉嘅KOL臉孔但我一行去say完hi好耐冇見呀～就諗唔到下一句講咩唯有原地fade out，邀請我過嚟嘅PR馬上補位走過嚟向我介紹吓今次swatch嘅新錶同MoMA crossover結合咗一啲名畫同祖先級插畫家嘅原素好pop art😛
但無奈PR嘅產品presentation只爭取到十分鐘嘅時間，而我啲遲到人渣fd仲係下一站天后～站在大院前～細心看看我的路～有排都未到銅鑼灣，咁我點呀？我已經開始出現那年十八母校舞會站著如Lau Law嘅謝師宴毒L feel，場內其他人見我一支公183cm成個燈塔咁棟喺鋪頭正中心attention seeking，開始對我投以同情嘅目光，心諗呢個毒L好慘豬喎一條友
嚟event肯定係冇朋友啦～NO！我有朋友㗎佢地遲到咋唔好誤會我嚟參加謝師宴呀！
為咗回應其他人誣蔑我係毒L嘅同情眼神攻擊，我要用我嘅演技去perform比大家睇我係一個「咁啱有啲JetLag嚟到Party哎個fd未到添嘅Party King」，其實等緊fd先唔小心一條友得正正喺度孤獨仔咋，點證明比啲路人睇我等緊人呢？我苦苦思索十八年前中學Drama Club嘅演技培訓班，係睇錶！
一個人喺等人嘅時候，會睇錶！
但我貴為一個「依家手機都有時間睇啦駛乜戴錶主義者」，又點會戴錶出街喎！我急得像熱窩上的螞蟻，手舞足蹈起來。
點算呀！原來謝師宴毒L同等緊fd嘅Party King之間，只係差了一隻錶的距離。
如果我擁有一隻錶，我就可以扮睇錶嚟飾演一個「Oh Sorry呀我等緊個fd未到咋我唔係孤獨仔嚟唔好誤會」嘅社交皇帝，一隻錶，係戲劇道具！係生活智慧！係做人態度！
呢個時候，邀請我嚟嘅PR見我尷尷尬尬就走過嚟陪我吹水救駕有功請加佢人工，佢拎咗一隻swatch嘅新錶比我試戴，那一刻，我高潮了。
只是一秒間，錶帶一扣，我渾身散發的成陣謝師宴毒L孤苦窮酸味即刻煙消雲散，All Gone！搖身一變成一邊睇錶一邊等fd嘅潮流教主，Oh Yeah！
原來戴錶不是為了時間，是為了時尚！
最後我鄭重呼籲我那兩個遲到成粒鐘的人渣fd買返隻錶釀喺自己隻手到唔好除，thank you for reading!
#SwatchxMoMA
#SwatchLovesArt
#SwatchHK
